2009年2月22日 星期日

實用眼罩~

呢個禮拜一係就喉嚨痛….一係就咳到痴肺……….好辛苦先挨到去星期五咋……但係又咁快到星期一喇………..噢…..好難受呀……….



星期六去左g g屋企打下麻雀…打下邊爐咁…好開心……王子整野食真係好叻呢~搞到我又食左好多野呀哈哈~~



今日本身諗住唔出街既…..但係sasa黎到搵我咁就出下街食飯啦…去左音樂豆..因為有人話要學陳豪品嚐咖啡真味喎….好可惜有人叫左double expresso…..噢..原來有人飲開奶啡的……….哈哈…..做唔成陳豪喇~

2009年2月14日 星期六

情人節花花

今日放工…好攰….番到屋企坐左陣….又出去…….竟然係情人節前一日俾我收到花花~…..雖然係一束友誼之花….但已經令我開心左好耐….因為係朋友仔自己整架~我唔鐘意收花…但係咁有心思既花花…我好鐘意呀!!



好靚呀好靚呀…….果然是美勞高手呢!呢d收多幾次都唔怕啦

2009年2月9日 星期一

一期一會之火煱篇

真係估唔到今日咁奶野………………做到short哂囉………..完全唔能夠阻止熱情的他們~…………



星期六日都要番學都真係無咩好講囉…..想死呀…..好悶….又俾人串……唉…唯一開心就係星期六放左學之後約左d中學同學仔一齊出黎打邊爐…..哈哈…….傾到傻左…佢地仲係同以前一樣咁搞笑囉…..超開心….又已經約好左下一次既見面時間lu~今日我打埋俾ron同飛鴻約實佢地!!仲俾佢地笑使唔使咁早約定…..哈哈….點知你地會唔會貴人事忙喎……….下次係去食泰國野呢….仲會一齊去唱k….我超期待呢~應該比起今次仲會多四個人去呢~



真係好耐好耐無見過你地喇~好掛住以前係學校時d搞笑野呀……依家唔係唔會係公司識到d好朋友….但同以前係學校…係唔同呢~

2009年2月2日 星期一

肚痾呀呀痾肚

噢………金都害得我好慘呢~噚日我只不過係食左一隻生蠔咋…..個肚仔不停的咕咕咕……….唔會肚痛….不過呢….會好想痾缽缽…….真係好慘….我以為我咁渣斗….原來有好多同事都係咁…..仲有一個肚痾到番唔到工tim…………..我係唔會再去金都食囉………….



哈哈….報告下我d紅包善款數字…..華….港葡紙加埋有成3060呀~(令我諗起一個寶貝既生日)………咁當然不能與經濟超好時衝破5xxx時相比啦…..但咁樣都好好喇….我都可以學曾特首既新春賀年片段話:我地出外辦年貨..發現經濟都係唔錯架~……….係囉….我唔係香港人我都善長打逆境波架!少錢d我咪去d平d既旅行囉……舊年講得咁口響既歐遊…哈哈…咪出年先囉~加上人家又未讀完書書~……….好喇好喇….我今日放工去左攞左d旅遊資料睇睇…係呀我跟團呀……三月尾諗住去韓國……由於第一次去加上今次係同媽媽去既…所以決定左唔再闖江湖喇…..一於跟團舒服d啦俾媽媽…其實我有錢是會去日本的……..依家要打逆境波呀~



講番之前新年d野先呀………



年初一

噢…爸媽都不在家的我就像一個孤兒仔一樣坐在家中……哥日好凍呀…..(不過我還蠻享受一個人在家中)…….中午訓醒後食飽飽就坐係度睇”內衣少女”……噢…新年流流便看了一套爛片呢~…….真糟……幸好夜晚有毛毛球來我家作送暖行動!!!送了很好吃的薑汁撞奶給我呢~



年初二

起身食飽飽後……約了朋友仔去iris屋企打麻雀呢~同毛寶孖份打….每人輸了十多蚊呢~其間發現佢有一隻超大的熊仔..個個都爭住同佢影相呢~大到好似我咁大…..哈哈…..哥日iris仲煎左d好好味牛肋骨俾我地食呢…謝謝iris

2009年2月1日 星期日

金都春茗自助餐

成十二點幾先起身…..好辛苦咁刷牙洗面化好妝後…見到自己個妝化得唔係咁好又落左佢……搞黎搞去成三點先出門口……行過諗住食海南雞飯點知見到臭仔柏係騎樓……同埋一個工人一齊(後來先知佢係欣欣杯)…….見阿杯係屋企我地就買左野食上去佢度食諗住同柏仔玩下…..點知阿柏超臭…原因係因為媽媽去左旅行無人幫佢沖涼…好慘…下晏仲同佢去左跑跑…..有d瘀野發生左……至於有幾瘀就遲d再同大家講喇……..不過今日同柏仔好開心呢~



同佢玩完一輪之後……….夜晚就過左氹仔金都酒店食公司春茗飯……………….但係………………….d野好難食呀~~~~我都好似未食過自助餐咁難食囉………..噢…….前兩年去食都唔係咁既…….



我地遲左成個鐘先去到…個原因就唔好講喇……我地仲攞緊野食時…..同事已經紛紛離去呢…真無癮呀….仲以為d男子組會有好精彩既下場….點知又無

有朋自遠方來....不亦樂乎

死臭賓賓星期五俾假電話我….等我搵唔番佢問佢攞五十蚊…..你無好死!!!!!!你知驚就係上黎攞野時俾番五十蚊我~



噚晚我好似一個哭娃娃仆倒在床上訓著…….訓醒就係度諗真係做人要成熟d先得喇…..再係咁就真係無進步喇~淚眼漣漣呢~



今日去左毛寶鋪頭拜年…..佢又去左我度拜年….所以今日係拜年日呀哈哈!!!今日講下講下…..真係好想再去日本呀….今日阿家問我有乜咁吸引呢日本….吸引在….d野好食…每次都有新事物俾我地發掘到……好想好想五月可以去到呀….但係d yen既價位可唔可以唔好咁高呀????????



今晚約左我好耐無見既nip呀~佢係台灣番左黎呀~……所以今晚約左佢出黎一齊食飯……去食我最愛的烤肉呢~今次去左新地方食…叫DonDon….係日式烤肉….佢唔係唔好食既…不過我應該鐘意食韓式烤肉多d呢~



我地叫左個套餐…360蚊兩個人…都幾多野食下架….有沙律….蕃茄kimchi(呢個幾搞笑幾好食)….香蔥牛舌(好多好多蔥囉….但食入口又唔係太勁蔥味幾ok喎!)….一碟三百克既肉….一個蔬菜湯(麻麻地)…..一個石窩飯(無以前既pokka cafe同大陸間味千烤肉咁好食)….仲有柚子雪糕…所以我今晚..好飽