2018年5月31日 星期四

新加坡熱辣辣聖誕節之旅2017-12-23第二天Part 1(晴天)

星期二....番工.......放工去跑左3.51km...一路聽住新碟一路跑步....我覺得有d面紅~星期三...多野做呀!放工去跑跑...跑左3.55km....好熱呀...爆汗...夏天真係跑唔到咁多...我個藉口幾好呀可~~~同埋都唔知啲蚊怕咩既?!我噴蚊怕水佢都照咬!星期四...早上有如雨後陽光....下午像無間地獄.........唉~好咯~聽日終於都星期五.....今個星期可以好好休息咯~



2017-12-23
Day 2---Part 1(新加坡 Singapore)

喂~早呀喂~起身大約11點到出去~首先同兩老食中午飯先啦~搭MRT去牛車水站(China Town).....牛車水俾我形容為熱到痴線...我都唔知點解覺得呢度係特別的熱~~~次次一入就會成個人融化~~~~


2018年5月28日 星期一

新加坡熱辣辣聖誕節之旅2017-12-22第一天Part 2(晴天及後大雨)

星期五....放工去左食氹仔某葡餐..唔好食~都係紅鶴好食d!之後去左venetian間uniqlo買叮噹衫~(叫叮噹實在太曝露年齡)....星期六...中午食左Terra......之後就去準備買野同公子們去燒烤~~~~yeah~~~好多野食玩得好開心呀~~~~有大蝦有蟶子有扇貝花蛤...星期日...晨早番左大陸...去左富華里...為既係supper moment嘛!....落少少再講~星期一.....由於噚日又曬又熱...我病左.....................



2017-12-22
Day 1---Part 2(澳門 Macau->新加坡 Singapore)

毛寶話我上篇阿坤完得好突然喎~好啦~食飽飽阿坤..咁我地就出發去行下啦~要搭地鐵去既~首先買飛先~買單程飛佢可以再增值用到6次~仲要係輕觸式的~先進~呢程距離車費係SGD$1.5=8.7hkd....其中入面有SGD$0.1=0.6hkd係Deposit


2018年5月24日 星期四

新加坡熱辣辣聖誕節之旅2017-12-22第一天Part 1(晴天及後大雨)

星期五...勁多野做...做完最後一個籌...坐係個counter度我覺得有啲暈暈地既感覺...放左工去食千笹..呢日唔錯地好味!再去左探菓子軒..驚覺無見佢兩個禮拜大個左好多!這小子真神奇!...夜晚回家睇左死侍..dead pool真係好低能......星期六..中午約左公子去食齋...好正呀!下午耍廢..夜晚去左食風味居..再去埋睇死侍2!好好笑!星期日....中午去左食Enjoy Deli Cafe~呢個天氣食泰國冬蔭功米最好~食完我真係忍唔住要去買杯凍冰冰既沙北筋勞解解暑...真係好熱....下午又在幸福忙~夜晚食海榮外賣~佢個糯米滋真係好好味~星期一....好多好多野做...好攰.......聽日放假都無去放肆大吃!反而去左跑步...好熱好熱!!!!跑左3.52km....熱到都無心機食野.....星期二...公眾假期~好開心~中午去左食有間咖啡館(間野真係叫有間咖啡館)...嘆左啡~開心哂~下午在家寫blog...我家陣d blog既庫存量好少.........可能隨時停駛~~夜晚食左家和魚蛋!!好味!跟住去左睇世界女排...中國對波蘭..勁緊張...雖然中國最後輸左..但場比賽確係精彩!星期三...好x多野做呀.....好攰.....放工快快上去跑個快步....3.5km~好熱呀....不宜跑太多~星期四.....其實今日一樣咁多野做....不過我靠住星期日可以睇仕燊既信念黎幫我渡過~~~話哂聽日係星期五~~~~放鬆心情啦~~~~星期六仲約左公子們去燒烤!!!!!!!我地7公從未試過燒烤架!!!!!!!好緊張呀~~~~~~



新一個旅遊blog突然出現~



2017-12-22
Day 1---Part 1(澳門 Macau->新加坡 Singapore)

yeah~聖誕節有得放5日假係開心既~咁舊年聖誕節難得大家都放假~就梗係去去旅行啦~~~~d孝順女要帶爸媽去旅行呀~咁順便帶埋我呢個小孩去啦~~~~~~出發前兩日...我打去book電召..點知我遲左兩個鐘起身...book唔到...唯有搵朋友車........



我地今次係搭Tiger Air既...一早買左機票同埋俾埋錢買座位..因為想一齊坐又唔想坐咁後....但去到機場check in時發現...我地本身買左11行既...張登機證寫我地坐第2x行(係成隻機既尾二)....我地問點解...佢解釋係因為依家佢轉左隻細機飛..因為無第11行(第10行之後就到第12行)...所以轉左另一行俾我地...但我地話:我地俾左錢架喎....地勤答:所以咪幫你地安排番一齊坐囉......我:但係我俾錢買前d既行數....依家你求其俾尾二哥行我地一齊坐.....我使咩俾錢買前d既座位?.....然後佢咩都唔幫我地做...無資訊俾我地...就想水我地走....一係對我地既提問發呆...差!!!!!!!!!!!(佢連毛寶都激得嬲係好極都有限).....之後轉另一個外籍員工幫我地...雖然其實都無咩實際幫到我地..但佢好細心解釋因為虎航係澳門無辦事處..如果要追討就要係新加坡哥邊問....我地就係想你就算你幫唔到我地搞...都話我地聽可以後續點搞~多謝呢位人兄~



俾呢個人一出發搞到個氣場好嬲.....我算數係因為我唔想影響自己出遊心情..但你既工作態度真係好有問題.....算喇算喇~呻完~開開心心出發吧~~~今次既團友有我啦~毛寶啦~大比啦~阿sam啦~毛寶爹娘~~~~~毛寶爹娘係第一次去新加坡呢~~我去程時的行李係10kg~喂!我戴左made in japan既眼鏡呀~

2018年5月17日 星期四

媽媽生日會2018@灃收火鍋

星期二...好~多~野~做~呀~......我心情都未平伏番...仲唱緊心酸的情歌架喎~唯有放左工去跑步解解悶...跑左5.27km....好耐無出現過既數字...呢日熱到我懷疑人生...星期三.....放左工去跑左3.55km....幾勤力呀~我係勁惹蚊哥類人....我已經噴左蚊怕水先去跑...但.....仲係有超多蚊咬我呀!!!!妖!!!!!!!!!!!!!!!!!星期四.....我估唔到我今日無飲啡....會黑得咁犀利........全部申請都係麻煩人麻煩野.......仕燊可否幫我打打氣!!?!?!?好彩聽日終於都到星期五~~~我發誓我聽日我要飲杯啡!!!!!!!!!!!!!!!!!!!最好係凍既~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



係好耐好耐之前~佢剛開業時...我食過一次....但哥時覺得佢好貴好貴又食唔飽.....所以無再去~但經過時間既洗禮....我由一個貧窮既上班族......變成一個更窮的上班族~所以橫掂都咁窮咯~再去試咯~.......其實我最近一個月內食過兩次~一次係同Diana~食過覺得好吃~之後再帶阿娘去慶生~所以我一次過講哂兩次食咩啦~~~~~~~~呢間火鍋店叫灃收火鍋...地址:澳門筷子基俾若翰街349號地下H座(綠楊花園,面向皇宮船海邊)....電話:6676 6288......記得!一定要訂位!!一定要訂位!!係一定要訂位!!!!!!!!!!!!!唔訂堅係無得食~但都好方便...因為兩次我都係透過fb messager或whatsapp黎訂位....訂既時候不妨問佢有咩要預訂啦~因為海鮮哥d好多都要預訂架~(店員回覆都好有禮貌~)..我幾鐘意佢外表中式既設計...尤其個閘~


2018年5月14日 星期一

日本大阪自由行之旅2017-12-12第五天(晴天)

星期五...番工都一樣的多野做~但我呢日知道左supper個中國新碟發佈巡演加左珠海場呀~~~~~~點呀!!!唔係唔去呀下??但我仲係唔知點買飛~...放左工約左i子同埋衰婆去食新故里~~~無見i子半年~佢d皮膚靚左勁多!!!見到佢依家過得好好的..我真係好開心~<3愛你~星期六....好開心呀~我俾樓上個死0靚仔嘈住都訓到12點~~~(證明我好攰)...中午去左食大堂炸雞呀~~好開心呀~因為我話想食好耐終於有人肯做找數真漢子同我去食~我有成10年未食過!!依家雞脾餐(雞脾+野飲)...要成$43!!!!勁貴..但又幾好食既~...下午在家打打blog~夜晚同左阿媽食母親節飯~去左食八分目~星期日....一起身就收到好消息喇!!!!!Supper上到紅館喇11月!!!!!!!!!!!!!中午去左食園林...但魷魚失準呀!!!!下午因為太緊張supper個演唱會....所以要訓訓晏覺放鬆下~夜晚叫外賣~星期一....我今日心情超差....我要為自己唱番首心酸的情歌......無心機呀!愁左成日........



2017/12/12
Day 5(日本,大阪 Japan,Osaka->澳門 Macau)

早安~又晨早起身~因為我地呢日要走喇~首先check out左攞埋行李去搭機場巴士~

2018年5月10日 星期四

日本大阪自由行之旅2017-12-11第四天Part 2(晴天及有陣雨)

星期二...番工遇到兩個自以為自己好岩既人...鐘意你就繼續自以為是啦下~放左工去跑跑~跑左3.52km.....跑得好少....因為我好驚呀!!!好多飛蟻~~~~又多蚊咬我!!(我已經噴左蚊怕水...多蚊到恐怖!!!!!!)....星期三...er..唔..呀......番工都係咁啦~無麻煩客算係好彩喇~估唔到仲俾人嫌我地做野慢~其實我地永遠都係睇到人地既缺點...就算你再有優點...別人也懶得去發掘~我無去跑步呀~因為個場呢日噴滅蚊水~梗係唔去聞啦~星期四....我好x攰呀....呢日好x醃悶......d客好麻煩.......呢度真係好好玩~我好想快d到明天6點半呢個時刻...............



2017/12/11
Day 4---Part 2(日本,大阪 Japan,Osaka)

好啦~我夠鐘去玩禁忌之旅喇~幾時睇霍格華茲都係咁靚既~



2018年5月7日 星期一

日本大阪自由行之旅2017-12-11第四天Part 1(晴天及有陣雨)

星期五....番工都係咁啦~放左工就去左食翠華..勁耐無食...第一次食佢個咖哩吉列豬扒飯...估佢唔到又整得幾好味喎!之後就去左戀愛電影館睇以你的名字呼喚我(Call Me By Your Name).....有人好鐘意睇喎~呢次係佢第5次睇~~~~我懷疑會有第6次...........星期六...中午去左順軒飲茶~毛寶爸請~多謝~下午修下頭毛+訓下午覺.....但訓醒開始頭痛~~~然後去灃收火鍋食我娘親既後補生日飯~~~~好好味~~~~星期日朝早好早起身....早到係7點半...因為有類似拜祭既野做.....仲係頭痛呀救命~~~~中午去左食bless~下午過下電腦d相~夜晚食左外賣....叫左湯同飯~.........我呢幾日個網速一係超慢一係無....我可能隨時被消失一陣......星期一.....好多野做好多野做....呢日仲要胃痛痛醒...所以我今日唔俾自己飲咖啡....成個人今日做野都聚唔到焦.....好眼訓...今晚個電腦仲要開唔到.....我真係隨時有可能係網絡世界消失~~~



2017/12/11
Day 4---Part 1(日本,大阪 Japan,Osaka)

呢日俾自己晏少少出發~~我地呢日要去環球片場呢~~~由於事前已經係官網買哂門劵同埋express~(得日文網站有得買飛..但唔怕..我地有google老師嘛~)...唔使去現場買又唔使去換飛...同埋就番我地個express揀左比較晏既時間之下.....呢日就可以訓晏少少出門口喇~~~~係大阪駅已經有車直接去到環球片場既ユニバーサルシティ(環球片場駅)....但要留意...如果你搭大阪環狀線就要係西九条駅轉ゆめ咲線(夢咲線)...先去到ユニバーサルシティ呀(即圖中紫色箭咀哥班).....等多3分鐘有班去櫻島既車係會經過ユニバーサルシティ架!!唔使轉車!!記得留意下!(藍綠箭咀哥班)

2018年5月3日 星期四

日本大阪自由行之旅2017-12-10第三天Part 2(晴天)

上星期五...呢個星期五既工作好正常呀!咁我梗係知點解先會咁正常啦~當我傻豬咩~放左工去試一間新開既西式素食~都唔錯~叫尚膳蔬食~之後去左探菓子軒~~家陣佢學識左傳波呀!!叻仔!!!...上星期六....我又俾樓上臭小孩嘈醒!!!(落少少詳講!!!!火!!!)....中午食左心醉吧~因為我上次食完有coupon~~但今次食又無上次咁好食喎..又唔掛住喇~下午搵和歌山mapcode~好乖~我搵哂喇~夜晚去左威尼斯人~~~行街~~食北方館~~~睇Bruno Mars演唱會~~~~~~好好睇呀~~~~~火星人好勁呀~~全場觀眾勁high~~~(其實我內心好想聽the lazy song同埋count on me~~可惜無唱~~)...星期日.....中午去左順軒飲茶!下午去左戀愛電影館睇西班牙片死無對證(The Invisible Guest).....勁緊張好好睇!!絕對估唔到既結局!!......夜晚去參加菓子軒一歲生日會~~~咦...我發現我呢日無俾過錢食野...拜菓子軒所賜~~~~星期一.....番一日工~~心情係唔同d既~~~(雖然多野做到痴哂線...)...放左工..由於我娘去左旅行..我去左毛寶度痴餐~~~食飽飽就去UA睇復仇者聯盟3~~今集出多左好多個英雄喎!但又唔怕分得太散好緊湊好好睇~呢幾日我睇左好多表演+戲~~~星期二...勞動節假期....中午去左食羅浮咖啡~唔想去茶餐廳俾人加二加三一定要走入去酒店食啦~下午在家幸福忙~夜晚叫澳覓外賣pizza~星期三....估唔到有個外表正常既人叫我主動去問人係咪低能....好好玩.....放左工去跑跑~跑左3.47km.....哈哈~但跑完食左個酸辣粉~解我上班既無理事件......星期四~朝早明明曬親人.....夜晚放工就個天黑哂同埋落狗屎~好野~~~聽日星期五~~~~~~~~~



2017/12/10
Day 3---Part 2(日本,大阪 Japan,Osaka->京都 Kyoto->枚方市 Hirakata Shi->大阪 Osaka)

食飽飽行飽飽錦市場....我地就坐巴士番去京都駅啦~當時已經有聖誕樹係駅入面喇~~