2015年9月26日 星期六

關西哈利波特之旅2015-06-28第八天(晴天)

野野野~~~~終於到左呢日~~我想左好諗既呢日~~~儘管噚日番工唔係幾順利...一日做番哂前四日既野~~但我還是很利害的挺過來了~~~~~~~~噚晚放工仲同媽媽去左食提早的中秋節飯~~~~~好好味好開心~~一家人最緊要團團圓圓~~~番到屋企我其實係差執番個背包架咋...但都執左好耐呢~~~好興奮好興奮!!!!今晚凌晨機!!!!依家好大雨...希望因間出碼頭時唔好落雨啦~~~



2015-06-27

Day 8(日本,大阪 Japan,Osaka->香港 Hong Kong->澳門 Macau)
好喇~要走喇~~~~~~之前第二日哥時講過~我地酒店既斜對面就有個機場巴士站~好近的~不過呢~就無得預約或者先買飛~要當天先可以係自助機購買~所以我地呢日一早出發~我記得我地好似搭7點幾左右既車~


2015年9月24日 星期四

關西哈利波特之旅2015-06-27第七天Part 3(天陰及後轉晴)

哈哈~~經過好幾日既努力....我個gip大致上執好~~~拿..係大致上咋.....仲未可以將個gip合埋架...我要好好咁紀念....陣間去影下個爆哂炸既gip先~~~~~~~今日工作算係幾好~希望個優勢會keep到聽日~~~



2015-06-27
Day 7---Part 3(日本,大阪 Japan,Osaka)
由於呢晚係我地最後一晚係日本lu~所以想留番d時間執行李就無行出去其他地方食飯~都係酒店連住d商場搵食~但係你知啦~一經d商場女仔又失控~~~~幾開心呀~~呢度有Loft~~~終於俾我搵到我平時用開哥隻香水喇~~~~~大手入6支~~因為下年唔知有無機會黎~~~~~

2015年9月23日 星期三

關西哈利波特之旅2015-06-27第七天Part 2(天陰及後轉晴)

噚晚都係努力的執gip......執執下忍唔住開左3個壓縮袋用~因為條雪褲太過大....唔壓下佢d空氣我諗佢已經霸左4份1個gip~之前試過去最長既旅行都係17日.....今次挑戰25日真係考起我...而且超多日用品帶........希望唔好執漏野~



2015-06-27
Day 7---Part 2(日本,大阪 Japan,Osaka)
之後食飽飽我地就搭Metro去堀江~第一站就去左New Balance先~地址:大阪市北堀江1-6-2...估唔到呀~~我都有斬獲呀~~


2015年9月22日 星期二

關西哈利波特之旅2015-06-27第七天Part 1(天陰及後轉晴)

噚晚去左睇珠峰浩劫喇~但係......我覺得一般般......描寫感情唔係好到位~~~叫做睇左個真人真事既電影囉~不過我就好有信心我係攻唔到頂哥批人......可能弱雞到連基地都去唔到~今日心中暗暗想:好野~番埋今日...仲有3個工作天咋~



2015-06-27
Day 7---Part 1(日本,大阪 Japan,Osaka)
一早起身就天陰陰~不過總好過落雨既~~~一望出去發現~原來同我地之前住哥間房望唔同方向架~我地呢間房原來可以遠望空中庭園展望台架~(我地之前有諗住去睇夜景~~不過又嫌遠~依家又可以望左當去左~)



2015年9月21日 星期一

關西哈利波特之旅2015-06-26第六天Part 3(雨天)

食左5日消炎藥我喉嚨又生猛番~呢幾日我要好好保重先得喇~~~星期六就為出發前做準備~~去左買野食啦買水煲啦~~之後夜晚係屋企執gip先發現大大獲....我完全塞唔哂d野gip~~好開心星期日去左食園林牛肉粉絲驚現有泰國遊客入去食野~~由於佢地唔識睇中文餐牌於是幫佢翻譯一下~我宣佈園林走進國際!!夜晚呀~公子幫我同毛寶慶生~~~~~好開心的一晚~~d野好好食~~~



2015-06-26

Day 6---Part 3(日本,京都 Japan,Kyoto->大阪 Osaka)
一番到大阪又衝番去同一間酒店攞房~想睇番酒店情形~請按我~..........我地放低d野之後又衝出去行左陣喇~~~無計啦~~連住酒店實在太多商場~~~~跟住我地呀~~就去左商場既B1層排隊買老爺爺cheese cake喇~~~(日文字~唔識打~我地都係叫佢老爺爺~).......其實佢心齋橋都有分店的~但我覺得唔係好順路有諗過唔食架喇...點知有日搭車前經過....咦~~我地酒店樓下咪有老爺爺囉~~~~~老爺爺網址


咩話?!?!?!?!?!成個蛋糕先648円(稅込)=40.6hkd????好平話~~~~~日本真係恐怖~~~~~~~

2015年9月17日 星期四

關西哈利波特之旅2015-06-26第六天Part 2(雨天)

我今日成朝都有噴喉痛露噴劑...同埋狂飲水....一朝就已經飲左成6-7杯水....但係成朝過後我feel到無咩好轉~~最後自己中午放工去左買消炎藥食~~我唔知原來依家消炎藥已經要成$60一盒!!!!!幾時都話...無錢就唔好病...原來係真的.....下午chlo仔俾左d羅漢果我沖水飲~有好少少~多謝chlo~



2015-06-26
Day 6---Part 2(日本,京都 Japan,Kyoto->大阪 Osaka)
好喇~我地行左咁耐都未食正餐架~~要坐低食下野先喇~~~因為之前上網睇定有間有蠔食既~~唔知原來佢係有得坐添既~~仲好~~~叫大安~~~地址:京都市中京區中魚屋町509......其實行到錦市場既尾尾就會見到佢~~~要留意的是星期三會休息~營業時間係12:00-20:00(L.O.19:30)....叔叔在門口努力的開蠔~~~~






餐牌有英文睇~~~~~

2015年9月16日 星期三

關西哈利波特之旅2015-06-26第六天Part 1(雨天)

哎呀~~今日開始發現喉嚨有d kick下kick下呀~~~已經喪飲水~~~(所以每個鐘要去一次廁所~~~).....又未去到痛既...不過我知衰頭先一食完飯我就用喉痛露噴劑狂噴個喉嚨~~~~希望快d無事~~~~~~



呢篇係其中一篇由兩篇blog合成為一篇既長blog~希望大家頂得順~


2015-06-26
Day 6---Part 1(日本,京都 Japan,Kyoto->大阪 Osaka)
呢日一起身....就落雨了......仲要唔細既雨~一早起身check左out就寄存行李係酒店然後又買一日巴士票喇~又去到噚晚食飯既四条河源町呢個巴士站~一落車~仲係落雨中~仲要唔知點行去目的地~

2015年9月15日 星期二

關西哈利波特之旅2015-06-25第五天Part 8(晴天)

噚晚無啦啦訓到4點又頭痛痛醒.....起身啪兩粒必理痛再訓....坐係度等到個頭無咁痛諗住再訓.....點知好似飲左咖啡咁個心跳得好快......所以4點到8點......我完全訓唔到....咁就直接去上班了~~~~~~~~~~~~~~~真刺激~我今晚要早d訓先得~



2015-06-25
Day 5---Part 8(日本,大阪 Japan,Osaka->京都 Kyoto)
左揀右揀.....終於揀左要食呢間卯柳喇~揀呢間一黎佢有燈籠掛住有鴨川納涼床啦~二黎....其實係之前有好多間都想食...但無哂位....三黎就係呢間係食懷石料理架!!我未食過~

2015年9月14日 星期一

關西哈利波特之旅2015-06-25第五天Part 7(晴天)

今日隨左有d頭痛之外~一切安好~星期五去左睇哥套絕地狂逃(No Escape)...拍得好緊張~幾好睇~~~~但睇完覺得好驚~~番到屋企都未平伏到~~~搞到我應該唔敢去泰國~~~~星期六我地乖乖再深入寫下冰島個行程~~(查實我係乖乖坐係度陪大脾同毛寶寫~~).....星期日又去左睇戲~~睇左移動迷宮2:焦土試煉(Maze Runner:The Scorch Trials)~雖然第一集我覺得麻麻..但係有時d野就係...你睇得第一集就無理由唔睇埋第二集既~而且我覺得呢集拍得幾緊張~~~~下禮拜仲有套珠峰浩劫(Everest)~~~我要睇埋先出發~~~



2015-06-25

Day 5---Part 7(日本,大阪 Japan,Osaka->京都 Kyoto)
好喇~再深入去行哥個竹林喇~好有樹既氣息呀~


2015年9月10日 星期四

關西哈利波特之旅2015-06-25第五天Part 6(晴天)

點解既?我以前番學都唔興放教師節架~點解依家d小朋友會有得放既~~~~搞到今日番工超熱鬧~~又去番暑假既兒童王國狀態~~~~~~~~~~好野~~~聽日星期五喇~~~~要開心下先~



2015-06-25
Day 5---Part 6(日本,大阪 Japan,Osaka->京都 Kyoto)
食飽飽又行番過渡月橋哥邊影下相啦~橋上留影~



2015年9月9日 星期三

關西哈利波特之旅2015-06-25第五天Part 5(晴天)

今日呀~今日又真係無咩特別喎~~~~~淨係個心情仍然在頂尖囉~~~~~~~我好想快d去旅行呀~~~~~~心已飛走~~~~~~



2015-06-25
Day 5---Part 5(日本,大阪 Japan,Osaka->京都 Kyoto)
好喇好喇~~~搭左車黎嵐山玩左一陣都成兩點幾喇~~~乖喇要去搵地方食飯喇~~~今次呢~無睇書仔搵食呀~諗住憑記憶帶貞去食一間豆腐料理專門店既食店食~因為哥度個景好靚架~~~室外位可以到渡月橋哥條河食飯架~~~同埋貞又愛食豆腐喎~點知行到去門口.........冷風一吹....哥間野執左~好彩隔離都有一間食豆腐料理既je~~~~~地址:京都市佑京區嵐水渡月橋北詰西二軒木.....網址
呢間原來係老店黎架~我上網睇呢~同佢隔離相鄰哥間食蕎麥麵專門店黎架~哥間坐2樓都可以望住條橋食飯架~好靚!

2015年9月8日 星期二

關西哈利波特之旅2015-06-25第五天Part 4(晴天)

哈哈~~我噚晚都有諗....到底我應該呢3個禮拜....每個禮拜出多一篇好丫....定較定時間係我旅行時照出好~.......但我又唔想旅行時出blog大家無咩對話咁~~~我最後決定左.....將其中4篇blog.......結合做兩篇長blog咁樣出~~(辛苦大家睇長d啦~~~)~~~然後出發哥日又亮一亮相~~~搞掂~我真係好聰明~~~(好喇...唔使咁苦惱喇...無人期待你既亮相呀~~~~)



2015-06-25
Day 5---Part 4(日本,大阪 Japan,Osaka->京都 Kyoto)
影完一大輪相就沿住樓梯向下落啦~~~

2015年9月7日 星期一

關西哈利波特之旅2015-06-25第五天Part 3(晴天)

周末大大大出血~人家慳緊錢架嘛...不過無計啦...因為我地要買去旅行要用既野喇~暖包都買3包~~共有30個暖包...唔知我用唔用得哂呢.............................星期日晚為左清一清個相機既記憶卡...我就睇番自己有咩相係機入面~點知最多原來係上年去澳洲d相~睇番都好開心~~~~~~~



2015-06-25

Day 5---Part 3(日本,大阪 Japan,Osaka->京都 Kyoto)
黎得地主神社呀~d女仔梗係又要買符啦~


2015年9月3日 星期四

關西哈利波特之旅2015-06-25第五天Part 2(晴天)

今日真係超爽!!!!!!!!!!!!放假~~~~~我噚晚無啦啦好攰~仲早過平時番工訓.......訓左9個幾鐘~今朝8點9就起左身~~~~~之後仲起身開電視同習主席一齊閱兵!當唱國歌時我同我媽一齊企起身唱得超大聲~(一大一小都是傻的).......跟住跑出街約左公子去食日本野~~~~~~今日諗住破下戒出街食飯~~用公子本色去叫野食...都係$185落樓咋!!抵!!!...跟住仲同其中三位公子行街~三位公子都有收獲~雖然我好窮無份買~但見到佢地買我都好開心~~~~~~聽日番一日又放周末了~~~開心!!



2015-06-25
Day 5---Part 2(日本,大阪 Japan,Osaka->京都 Kyoto)
好喇~慢慢行上去參觀清水寺喇~~~~~


2015年9月1日 星期二

關西哈利波特之旅2015-06-25第五天Part 1(晴天)

唔知點解呢兩日放中午食飯時番屋企都係全日落最大雨既時刻.....我媽話:點解!!點解落咁大雨淋親我個女!!!.......但我係唔會答:唔通連個天都唔鐘意我?.......係我既世界一定係答:阿媽~無計啦~鬼叫我係貴人咩~~~~~~(瘋子的世界難以理解~).....咁點解我會咁瘋癲?.......我一入到房見到我媽...我作狀指住我媽大叫:OMG!!!點解呢度有個咁靚既女仔係度架??....正常既阿媽一係會怕醜笑一係會講痴咩線......我媽係答:(指住我)你識貨呀!........大家初步知我點解個人short得咁交關未???????



2015-06-25
Day 5---Part 1(日本,大阪 Japan,Osaka->京都 Kyoto)
hehe~我地呢日~出發京都!!!!一早出發~Check out左我地就出發啦~大件行李放係大阪酒店....第二日再黎攞番~隨身只帶細行李袋入一日用既用品~因為我地只留京都一晚~今次好方便就咁搭JR既東海道本線(京都線)...由大阪駅直到京都駅~唔記得好似係560円=35.1hkd車費~大阪往京都時刻表....要注意既係時間有分平日同假日~又係有分"普通..快速..新快速"咁樣...記得"特急"要再加錢的...但快"新快速"3分鐘到京都架咋~佢有個"詳細"字樣你click入去可以睇到多d班車幾時開幾時到既訊息..好準時好方便~我地就搭"新快速"....大約30分鐘就左京都喇~