2016年4月28日 星期四

南美洲4國新奇探險之旅2016-02-13第一天(大霧)

我唔掂呀....星期二我同同事出街食完飯就堅虧左.....其實我星期一晚已經周身俾針吉咁樣.....仲疑似發燒........星期三一起身又極頭痛...好難搞.....5.1黃金周喇...快d好番啦...我娘親就黎生日喇...但我個胃勁反~~明天努力番工!!!!然後放3日5.1勞動節假!!加油!!!!!!(原諒我呃左你地話噚日出blog~噚日真。虧左)



2016-02-13
Day 1(澳門 Macau->香港 Hong Kong->美國,達拉斯 USA,Dallas)

好喇好喇~~~~要出發了~~~~~~~~一出發就有突發事~我地出發哥日係搭中午一點機既~我地本身揀左09:15呢班機場船過香港既(呢班係一日裏面既第二班)....點知之前一晚極度大霧!!大霧到好多普通船都delay或取消...嚇到我地賴哂屎!!!有諗過之前一晚一放工執好行李就過去....但夜晚應該比朝早大霧....所以.......問左各方意見....我地決定....早d出碼頭博一博希望搭到頭一班機場船!!不過都係博下...要睇下仲有無位俾我地早d落....諗住如果第一班都delay(我地第二班)....我地就搵其他普通船過香港...再去香港機場~所以我地呢日超早出到碼頭呢~~~第一班船係07:15...我地06:00就出到碼頭集合~~(我想補充...由於我地一個月太貪心怕無下次黎南美~所以要去好多地方....仲有...我地唔係慳錢團....亦唔係豪使團...所以....著量參考啦下~)



4個人的行李~~~~~~其實算好少囉可~~得3個gip同4個包包~因為我地為左去到南美如果搭的士既話..想儘量同一部的士會安全d...所以要係行李方面入手..因為怕架車裝唔哂~大比同阿Sam就用一個大gip和每人一個背包..中gip是我的再加一個包包....毛寶最偉大~一個小gip再加一個包包........(我覺得好勁...去一個月就一個小gip加一個包包就搞掂!)...所以計起黎我係攞得最多.....野.......................................

好彩打哂蛇餅排緊隊埋去有個職員幫我地去counter check下仲有無位俾我地落....好好彩....仲有4位!!!!!!!!

2016年4月25日 星期一

南美洲4國新奇探險之旅2016---旅行前準備

今日本身明明就係一個普通既星期一...但下午我做到差d人體爆炸~~~~星期五下午明明無雨落又話落雨中小幼下午放假...同小朋友玩我真係好開心~~(點解我做學生哥時無得咁樣放假?).....放左工去左Garment Park!!好開心買左幾件~~買完食達摩~~星期六好忙呀好忙呀~~中午約左麥公子TFT一番...老闆話遲d好多野都轉...有d無得留低..包括我最最最鐘意既原味蛋卷..................世界不停的轉動..包括我最愛的都不會為我停下(只係為個原味蛋卷我都可以咁多野講..)....為左日本旅行可以影靚靚~~人地特登為你地買左個新墨鏡呀~~(你地有無感動先~~)....之後再衝去金沙城買左對新球鞋..再順便去埋威尼斯人Uniqlo買幾件...呀~真係好忙~~(根本上就不停的買...無計啦~有張新既儲里數信用卡嘛~~用用啦~)...晚上吃了海榮~好開心~~~食飽飽行出黎無啦啦撞到朗公子...兄弟重逢即刻去糖水聚~~~~星期日本身諗住試百老匯添好運飲茶既..點知等極都無位....於是又行左過隔離度小月食野~咦~點知終於傾成左個久違的旅行~能夠見證真開心~~~下午又plan左少少大阪行程(其實大部份時間在午睡).....夜晚一鍋瘋~好味~我先申報~我聽晚忙忙的~約左同事食飯~唔得閒寫blog~怕你地太想我~~~~wakakakaka~



千呼~萬喚~始!出!來!!!!!!!!!!!!!!!!!!!(好喇..呢位blogger冷靜d...講左好多次無人期待呀).....今次真係好忙呀好忙呀.....因為我自己都影左好多張相.....所以真係....整相都整屎我....搞左我幾個禮拜....所謂既整相...唔係較色...係要排下位呀....d相加字呀哥d呢.......我今次自己影左成6000+張相....真係好恐怖~~當然唔少得毛寶d靚靚啦~~仲有大比部機王~今次個旅行真係.....有驚險!!刺激!!讚嘆!!蝦碌!!!.....其實真係發生左好多野~~~~~~~一句講哂...好~精~彩~~~~~



由於我地去成32日....所以有d野...真係唔準備唔得~我地今次去秘魯..玻利維亞..智利和阿根廷....可謂趕趕趕!!!!因為如果真係認真咁去南美旅行.....最少都要3個月.....但無計...我地仲要撈...一個月已經係上限!!仲要一個去4個國家.....簡直係....好難......開頭諗住減一個國家...但呢個又唔捨得哥個又唔捨得....唯有諗方法去齊.....所以出發前....都做左d事前功夫的...咁有d咩要準備...大家交流下~



簽證方面
出發前真係.....好煩...因為要研究下咩地方要簽證..咩地方唔使...最後發現...我地要去既哥4個國家澳門特區護照只有一個免簽.................................(吹了一下涼風)...好彩我之後唔知醜咁樣係fb拉住之前都去過南美既一對夫妻猛傾計~~佢地俾左好多意見同埋資訊俾我地~佢地哥時去左3個月...真係..好羨慕............拉番埋黎講先~好多謝佢地呀~尤其是係angela~~我先知~~~葡國護照係整個南美是免簽的(灑花)~~~~~剛好我的葡國護照因為上次去完澳洲仲未過期呀~~~yeah~~~~而香港特區護照就呢4個國家..只有一個地方要簽...哥個就係最麻煩既玻利維亞喇....之前聽好多人講攞BNO又話要扮野過關..唔好講廣東話要講英文...之類之類...特區護照又難簽(仲要空路唔使諗一定過唔到)....咁岩線我地有一個團友真係無葡國護照得香港特區護照...唔!緊!要!.....原來依家玻利維亞簽證易左好多喇~~~親身試過~快過打針~~~~~有一種係交去玻利維亞註北京領使館做簽證(但上網睇過話簽左都未必入到)...我地用既方法係係秘魯既玻利維亞領事館即場簽!!不過記得依家改左...要先係網上登記左先...同埋準備佢要你準備既文件!!記得出發前"先上網做登記"!!!!!!!玻利維亞簽證網址....有英文的~~~真係好想高呼~葡國護照萬歲!!!!!!!!!!!!!!!

2016年4月21日 星期四

天潮

唔知點解......星期二可以咁多野做~~~~~~~~~~~真係好攰~~~唔知點解....星期三可以仲多野做................放工哥一刻......我只係想大食一餐?可以嗎?(或者Ozil bb或者Sunny給我一個愛的抱抱也可以~~~~~~~~).....原來苦盡真係會甘來的~~~~~我今日好開心呀~~~~其中一個原因梗係因為星期五啦~~~~~~我失蹤兩日既原因梗係因為南美blog啦~~~~話俾大家知好消息~~下個禮拜就會推出南美blog喇~~開心不?~~興奮不?~~你唔興奮唔緊要~~反正我自high中~~~~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~今日講既呢間餐廳又係新新地既~叫天潮.....其實係Sky 21既分店~但同AIA哥間走既路線好唔同~呢間係食新派潮州菜~~一聽就想試~澳門有幾多間有潮州野食??.....哥日即刻約埋媽媽同毛寶去試試啦~~~地址:澳門羅馬街110號東南亞商業中心AK座...電話:2875 1268....裝修的確係唔錯~~



2016年4月18日 星期一

Naughty Nuri's Macau刁廚.紐利

今日幾好呀~星期一唔似星期一~~~呀~點解個個星期五都咁辛苦既~放左工約左小青蛙食飯~食左之前好鐘意食既Quick...都仲係好味~不過無左平哥個餐...同埋貴d哥個餐既份量都少左~星期六中午食左馬慶康..好開心終於有位~~佢d飯既種類真係好多..但我今次無食...因為...........我要去TFT買chio湯媽ki丫圖~~~~可惜無我想食哥個包~~~上午係屋企聽左Supper Moment既無盡之後...好有鼓勵成份....一鼓作氣咁樣下午在毛寶家訂埋機票!!!去邊?落少少先講~~~~夜晚去左食新老地方...d海鮮仲係咁好食~~好多謝有老闆請食飯~~~星期日去左800伴買d野..但由於我張新既亞洲萬里通信用卡未出...所以....一切都要忍耐~~再去埋拜老豆..再買阿蘇廚房食...食完就繼續趕工南美blog d相..我真係好乖.....夜晚同左屋企人食飯~食左濠江~



好耐無寫過食評添~應該舊年公子哭福趴之後都無寫~有成4個月~掛住寫旅遊blog~(有人叫我專注寫旅遊blog唔好再寫日常野~但有時日常野又好值得記低嘛~)....因為依家係d卡喇位~南美d相又未整好~之前d野食相又係舊手提未差番電又未執過....所以真係順唔到序寫.....有一篇好新既餐廳要介紹~~~~~~我諗呢個blog好耐無d咁新既餐廳資訊寫過...通常新開既去食到我寫哥時人地可能已經開左大半年(誤)......呢個blog依家好緊貼潮流~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對唔關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



呢間新餐廳新到仲係試業階段(我個blog真係好潮~~)..就係Naughty Nuri's Macau刁廚.紐利....地址:澳門福隆新街7號(近紅窗門)...電話:2853 0425.....之前成日行過....唔知係咩餐廳.....原來係連鎖餐廳來的...重點...總店是在峇厘島.....咦...咁咪即係印尼野????仲要係中港台澳的首間分店....揀係澳門開???有推屎!!(依家都仲係紅紙都未摵架~)...我去食過兩次~集埋係一個blog介紹~


2016年4月14日 星期四

孖八-二零一五年五月

有成兩日無見我喎...有無掛我先???(唔好話無喎...我嬲嬲豬架喎..人地忙緊南美d相嘛~~).....星期二落雨天~番工日落雨我是歡迎的~~星期三我有貴人呀~i子請我食早點~chlo子請我食中午~多謝兩位老闆~~呢日暴雨~中小學停課~好多人黎同我地玩呀~~~~星期四今日無咩特別~我每日都盼緊..幾時到星期五~終於~聽日就係喇~~~~(其實我之前以為今日就係星期五)



貓貓對d紙袋紙盒好似有好特別既情意結~~我地孖八八梗係唔會例外啦~~~~~~睇下佢個樣幾得戚到~~~~~個樣太慨係講:望咩呀望..我有紙箱訓係你無呀~

2016年4月11日 星期一

夏季餐牌@天政

噚晚訓極都訓唔到~~搞到今朝無咩精神~~~~下午好d~番屋企補左陣眠~星期五放工同左公子去viva~~~試左之前我覺得好食既刁廚。紐利.....仲有仲有..我地定左4月8日係公子巴士日...因為呢日....我地7個....第一次一齊搭巴士..............................星期六去左試天潮既中午set....不過我覺得夜晚比中午好食...咁餐廳問我意見..我又老實不客氣反映~(拿...餐廳想知人客意見係會主動問架....我亦好樂意俾意見...你唔問唔好話個客唔好食做咩唔向餐廳反映而淨係自己個blog話..個客其實係無責任架~)....下午超乖在寫大阪行程~夜晚食左牛仔屋~星期日中午又食左TFT....真係好開心~下午都在整理南美d相~(點解d相整黎整去未整完架....)...夜晚同左表妹婆婆食齋...但齋口肉心.....其實8個餸仲要4個係炸野.....................



er....我覺得天政係有大時大節先可以去食...例如有人生日之類.......但由於上次媽媽生日食完...佢竟然送左$800coupon俾我.....咁...唔食又好似浪費左咁.....而且個有效期好短...朗公子話佢未試過...咁就促成左呢次食天婦羅既行程喇...地址:新濠鋒酒店11樓....電話:2886 8868....又提提你:想食天婦羅又想師傅係你面前炸....打電話訂座時記得要講訂坐天婦羅枱~

2016年4月7日 星期四

台北跨年倒數之旅2016-01-03第四天Part 2(雨天及後轉陰)

膊頭痛嘛....噚日梗係休息一日啦~有無掛我先~同埋我好勤力咁整緊南美d相呀~希望下下個禮拜出到啦~~(大家快d一齊集氣毛寶會俾相我啦~~~)......今日仲衰..噚晚凌晨訓訓下個胃痛到醒左....然後個膊繼續痛...加埋周身肌肉好似俾針吉咁....然後再加埋頭痛...然後不停打思"egg".....神奇既係..我今日叫中左個客.....佢見我不停咁打思"egg"...佢叫我企起身(我當時以為自己做錯野好似番學哥時咁俾人罰企)........原來佢想教我...如果打緊思"egg"時唔好坐係度...要企起身...然後下盤唔好郁..淨係個身向左向右咁郁.....好神奇!!我跟住做左兩三下...就無再打喇!!!!!!聽晚約左公子食飯架..可唔可以快d好番呀~~~~~~~~~~~如果想下個星期見到我係度出現真係要少少運氣先得喇...因為我家的上網唔知做咩..成日斷線......



2016-01-03
Day 4---Part 2(台灣,台北 Taiwan,Taipei->澳門 Macau)

好囉~逛完華山1914文創區後就搭的士去到忠考敦化~先行左周董開既哥間時裝店....然後步行到呢晚既食飯地點~叫叁和院...地址:台北市大安區忠孝東路四段101巷14號...係一間食新派台菜既餐廳~

2016年4月5日 星期二

台北跨年倒數之旅2016-01-03第四天Part 1(雨天及後轉陰)

我個膊頭好痛...痛左幾日...今日繼續痛...好可憐豬豬....星期五放工真係攰到七彩....夜晚試左間新新地既泰餐..但有一味餸咸到飛起..其他就普普....(食完連佢餐廳叫咩名都唔知..)...星期六中午同左angela食飯....佢地兩公婆之前去過南美~我唔知醜之下請教佢地~~多得佢地既提點~我地當時個南美行程先可以順利計劃~~今日約出黎食飯再傾去旅行d開心事~又揀左間阿根廷餐廳食飯~~~(好掛住阿根廷)....夜晚就約左我的唯四大學同學吃飯去~慶祝karen的生日~星期日去左食北海道d set....之後去左睇優獸大都會(Zootopia)~~~夜晚過左銀河百老匯..我第一次去呢~試左度小月.....真係...傳說中的細碗...食完一round仲要去食多間南翔小籠包止口痕~仲要食埋龍鬚糖先走~爽哂~星期一都係放假~真係好開心~~~帶左媽媽去銀河飲下午茶~再行威尼斯人~夜晚再試Sky 21新開哥間食潮州野哥間餐廳~都唔錯喎~~~呀~我驚我下個禮拜唔慣番足5日工呀~~~本身今年11月會同媽媽去一個旅行...地點都一早諗好...但左諗諗右諗諗哥個地方都唔岩數...之後我地又諗個地點問媽媽好唔好..佢又話好喎...咁呀??問埋另一個團友先.....如果去得成....其實我都好開心...hehehe~



2016-01-03
Day 4---Part 1(台灣,台北 Taiwan,Taipei->澳門 Macau)

巧喇~一早起身有任務架~黎到華山1914文化創意產業園區...我第一次黎咋~我地點樣係西門町黎?梗係搭的士啦我地咁懶~