2013年4月30日 星期二

第一次成功自彈自唱~~可喜可賀~~

哈哈~~我終於都識點整上黎喇~~多謝大家既指導……今次係我第一次終於可以自彈自唱到….同埋尚算唔怕kick下kick下既一首歌~所以想放上黎認下叻~~~~~~把聲有d衰衰地架~~~因為係食完KFC哥晚錄~~~個喉嚨好唔舒服~~~~請見諒~~~~~亦有可能彈得唔算太好~不過都叫努力過~今次係第一次…不過以我咁懶既性格…亦有可能係最後一次~~~~wakakakakaka~唱得不好就將就下啦~志在同大家分享下我既成長過程~

哈哈~~其實當晚錄左成廿幾次先有一次成功少少~~~~當中唔係我唱錯…彈錯…就係收到我阿媽電話響呀….出騎樓哂衫呀呢d雜音……我話我媽:你打斷我個beat呀!!!…….我媽媽聽到唔耐煩跑埋入房避開我~~~~~~~

2013年4月29日 星期一

金殿堂@MGM

唉…今日樣樣衰衰終於死去帶口罩….因為我個喉有d唔舒服….要食住喉糖講野先會舒服d…..所以就帶口罩先可以一路食糖…一路坐counter……上個星期大出血左~~之後要慳少少先~~星期六:食祖兒~~..->學ukulele->去買泳衣去旅行->去800伴買低周波按摩器(終於捨得買..因為我催眠自己送俾媽媽做生日禮物)….全部野都係用利是錢買的…個心先舒服d~~…->去左百樂潮州酒樓….朋友替媽媽賀壽~…….星期日:去食南屏雅敍~~…->在毛寶家睇iron man….因為上左第三集佢叫我陪佢睇….我一集都未睇過…佢話要同我補習…..->食KFC做晚餐~~不過佢個避風塘雞認真麻麻~~(最衰係…佢唔好食之餘…我依家喉嚨痛就係因為佢囉…….@@)



飲茶試新野~去左MGM入面既金殿堂~~


2013年4月26日 星期五

鐵達尼號展覽TITANIC The Exbition

哈哈~今日好開心呀~~~(唔係講番工喎….)….放左工夜晚同公子們去食師傅仔~~~~七位公子….食左8個餸~~~~~~~我地真係好癲囉~~~~~~~食得超開懷~~食左凍蝦…生炒骨…辣酒煮螺…金菇肥牛…西蘭花炒花枝…泰式炒蜆…手撕雞…菜埔煎蛋~~~~~好開心呀~~~食咁多野每人都係$130~~~~同公子食飯最開心~~~永遠都食到想食的~~~~個個女仔又超食得喎~~~~~公子萬歲~~



好喇~之前講哥篇話兩個展覽一齊睇會有折的就係呢個鐵達尼號展覽TITANIC The Exhibition…….100周年呀嘛~咪去睇下囉~




2013年4月25日 星期四

人體奧妙展

wow~好開心呀~~~~原來聽日就係星期五喇~~~呢幾日都叫做幾順利下~~~希望聽日都好似今日咁就好喇~~~~~~因為…聽晚~~有好節目呢~~~~~明晚七公子有飯聚~~~仲係我好想食既大排檔呀救命~~~~~仲埋好期待既原因仲有…..自從上次朗公子生日會之後我就係同過七公子食飯喇…..有成3個月囉!!!!!!好耐無同大家食過飯喇~~預左聽晚個口係唔會收架喇~~(傾計同食野~~)



唔讚下自己唔得~~~我終於寫到舊年11月既事~~~叫做追上少少進度~~(其實真係唔知點解咁落後~~)…..我地舊年11月….去左睇人體奧妙展…..我記得細細個電視成日賣香港有人體奧妙展啦….依家澳門終於有得睇啦…其實我真係無諗過去睇….係有人話要去睇咋~個票價當時連埋另外一個展覽同一日睇有折~


2013年4月24日 星期三

小公子的成長月記@2012年10月(0個月大)

明明呢兩日無雨落架~點解我又無啦啦腰骨痛既呢????老成咁~~~要用下撒隆巴斯先得~~我個上咀內部生左三粒好大既痱滋….痛到我呀…….連笑都痛囉(鬼叫我自己食咁多熱氣野咩~~~~今朝有人請我吃左塊薯餅~~~~~~~~)……..幾時先好番呀~~



我呀~~好想為杯公子的女兒~~小公子做番個紀錄(哈哈~~大家唔好又以為佢係男仔呀~~)…..我特地為小公子開多左個分類~~~~睇下我幾重視你~~~~話說個妹豬已經係半歲大既人仔喇~~(不過你知我寫blog寫得幾慢啦~~~)……希望依家每個星期出一篇有關小公子的blog~等大家追番佢既成長進度~~~wakakakak~佢岩岩出世同依家個樣已經變左超多~~~~~依家簡直係婷婷玉立喇~~(誇張~~)….呢d相係佢出左世大約兩個禮拜度上佢屋企探佢既~想睇番佢第一日出世既樣麻煩去番小公子分類搜尋~~~望住佢呢個樣…. 再諗起佢依家個樣…分別都好大下喎~~~~~



2013年4月23日 星期二

我的生日會2012@千笹日本料理

救命囉……噚晚我樓上夜晚11點幾12點……個xx又dir肉餅囉…..癲架佢……我鬧上去:喂…你唔好再dir喇下…….成11點幾….你咁肚餓你唔識煮個麵食既….係要食肉餅既………………之後佢仲繼續…..完全觸動我既神經線….我和媽一齊上樓…諗住聽下係咪哥個單位..點知佢又無再黎……我地番落樓….佢先又再dir…..dir到12點42分…..佢真係痴線架囉….搞到我噚晚帶住氣憤心情入睡訓得超差!!!!邊有人好似佢咁自私架????管理處又廢………..今朝6點幾7點呀…佢又係睡房地下將一舊超大既野”龐”一聲一野撻落地下(聽都聽得出大舊)…….將我成個嚇醒…..忍無可忍係大堂電梯貼佢街招…….佢今晚再係咁…..我聽朝再貼一張指明係邊層邊戶既出黎!!!!!!!!!!有d咁既樓上….超級乞人憎….完全令人抓狂!!!!!!搞到我今日全日都無精神!!!!!!!



hehe~舊年生日係克羅地亞過~~所以之前毛寶為我提前慶生~~帶我去左當時都幾新既千笹日本料理(我到依家仲係唔知個笹字點讀~~)….地址:氹仔南京街17號花城(利茂大廈)地下…..電話:2883 5113


之前都幾多人去下~訂位會好d~

2013年4月22日 星期一

我的生日會2012@置地秀蘭小館

今朝番到去….就聽到一個令人絕望既消息…………總之就佢一人開心….我地就萬人塌方啦…..講完….只係祈求….厄運don’t follow me~~如果唔係我每一日都會好唔開心中渡過~~~求求你~~~好嗎~~~~~星期六日都在慳錢中渡過~~~星期六:中午食左好耐好耐無食既肥仔記~~真係好好味~~~….->成個下午都在看康熙來了~~夠慳喇卦~~….->夜晚食左試左間黃皮食過話好味既車仔麵檔~~又真係幾好味喎~~~(不過食完我同毛寶都有肚痛~~)……星期日:中午去試左曾經攞過有米芝蓮一星既教主b新開既雲南米線吃吃~不錯吃呢~~~好想再去試其他野~~….->之後去左800伴睇低周波按摩器(落少少詳講~)->陪毛寶買一d材料….等佢發展新既藝術事業(好期待~~毛寶真係好叻~~)->在毛寶家整d新設備…為佢既下一個藝術興趣作準備~~期待~~…都幾攰~~~(雖然我無咩點做~~)->夜晚只在家煮淨烏冬~~料都無~~仲唔夠慳~~~



WOW~終於寫到去我舊年既生日會喇~~~~即係話~~我寫到去舊年10月喇~~~恭喜~~~~~公子生日會我就揀左去我最愛既上海菜館….置地酒店裏面既秀蘭小館食飯~~係咪好傳統呢食中菜~~~係因為舊年10月咪去東歐既….去東歐之前….我想食番d中式野黎平衝番哥個月食既西餐~~~一如以往叫左我地最愛:醉雞..海蜇…龍井蝦仁…菜煨麵…砂鍋豆腐…上湯紹菜…炸銀絲卷…賽磅蟹…小籠包…(我地真係好癲~~~)


2013年4月19日 星期五

喲嘻丫@園子咖啡

今日來到了星期五~~~~請容許我本人高呼~~~~~yeah~~~~~今晚買左我生平第一份保險….感覺有點怪怪的~~~今晚又試左一間我未食過既麵鋪~感覺不錯~



今日和仔van…貞貞…毛寶的聚會又來到呢間外貌奇特既cafe園子咖啡~(記唔記得~~之前有介紹過~~個外型係成間葡式建築既呢~~)



2013年4月18日 星期四

自製生日禮物(2)

今日天氣差得很~~中午臨訓晏覺係梳化望出窗外…..華….d雨係打橫咁落囉~~誇張~~~今日條頸超痛……5點半之後又係哥遲到大哂既人不停開籌……真心對佢地既時間觀念吹佢地唔脹~~~~~食飽媽媽煮既飯心情先平衡一點點~幸好明天已是friday~但相信整個週末都係大風大雨中渡過~



哈哈~我既自製生日卡創作又黎~~~毛寶舊年的生日我就整左張生日卡帶去韓國送俾佢喇~~~睇下個封~~~都係我自己整架~~無花無假~~連d信封邊都係我先已畫上去的~~~~信封由兩張廢紙整成~~




個信封真到去買郵票貼上去~~~~

2013年4月17日 星期三

寶寶生日會2012

wow…..噚晚出左去同d舊同學食飯…….望番自己”15年”前既相….真係覺得好爆~~~~點解以前可以影d咁既相~~~我地仲影左d新舊對照~~醜到無倫~~~如果有機會….大家可能會睇到既~~~~~~~~~呢兩日都係得我自己一個人埋數呢…..真係幾攰………今日5點半後得兩個人仲要另外開番7個遲籌囉….做到我同另外個同事死死下….又要一路埋數喎….想湯…..d人預籌之前可唔可以諗下自己哥個時間黎唔黎到架…..遲到大哂咩



今日要來說說我為毛寶豬預早慶祝的生日呀~~(記得正日在韓國過嗎~~忘記了…自己翻翻舊年韓國之旅篇blog~)…..沒有鋪張呢~~買了外賣回家吃吃~


2013年4月15日 星期一

葉熾記勁秋美食

雖然今日都幾多野做~不過今日晴天喎~個人曬番太陽都開心d啦~~多野做野咪多野做囉~長命功夫長命做嘛~(希望我以後都可以咁諗就好喇~~~)…….星期六:中午去左試星際酒店內的稻菊日式料理~~大家可能奇怪…明明話慳錢過週末喎…仲去d咁貴價既地方食…..其實我都又唔係真係咁鬼有錢….我地係去試佢哥個三送一既商務午餐~~~~好好味呀~~~真係想快d介紹俾大家~~~…->夜晚就去見小公子~~~真開心~~~(話實在我抱左小公子5分鐘~我隻手痛到今日~)…..順便買餸上杯家煮~~拿~~咁咪慳番錢囉~~~~….星期日:中午食左m記~~~拿~~又慳左一日~~~鄧番勻星期六中午咁貴既午餐~~~……->夜晚同屋企人食飯~~食完飯仲同媽媽去左800伴睇野….睇睇下….媽媽就買左韓國士多巴梨~~大梨~~仲有日本爽柿給我吃~~~~好開心~~~~~~~~我有在慳錢的~~~~~(因為都唔係使我錢~~哈哈~~)



呢間茶餐廳我成日都會掛住的~就係八佰伴對面既葉熾記喇~地址:南灣大馬路381號華南大廈地鋪……….不過好難食到…因為…佢星期日唔開的~哥唔唔知陪毛寶係附近做d咩~咁岩經過就去食囉~整個咖哩牛腩河先~($21)…….er…….同咖哩妹哥碗…個味差好遠喎…又唔香又唔辣既…以~


2013年4月12日 星期五

毛寶送給七公子的橡皮刻章

哈哈~~噚晚出左街食飯~~懶左一日無寫blog~~~成個星期都勁多野做…..做到想湯咁滯~~真刺激~~~~~~~今日放工去左間新cafe試….因為有coupon(慳錢嘛~)…….夜晚去左睇攻。元2077…….唔…..唔算唔好睇….又唔算好好睇…不過個故事完全估唔到囉……都唔錯既~當睇下特技都夠開心~~~



heheh~前幾日咪講我地去學橡皮刻章課程既~~之後毛寶自己再買”架生”番去再玩~~佩服佩服~~(佩服佢咁有恆心~~)


2013年4月10日 星期三

小青蛙生日會2012

呢個月既天氣都係…陰陰…雨雨…搞到人既心情都衰d…….今日對我黎講又係做到就黎人體爆炸哥隻….但係我的鄰座都說:無野…下晝好好喎對我黎講…我叫親d籌都無人入既…一係已經做左………….頂…原來得我一個做到人體爆炸…….如果我講我今日中午食d咩…一定俾人話….哈哈…..中午午餐係…媽媽係山頂買番黎俾我既一堆可口貢品…有:炸水餃…炸蝦角…咖哩角…炸春卷…馬介休球……全部每樣食左..兩件~~~~~~媽媽問我:我驚我食唔哂留番d你今晚再食好無??….我:唔好..唔食喇…好熱氣!!…….頭先一放工……見到盒野仲係度……我:媽媽你食唔哂呀我幫你食d啦~~~~…….我媽應該係幾頂我唔順~~



暑假開始真係有好多人生日囉~~有無人研究過點解會暑假特別多人生日d既?????係咪真係冬天哥時爸爸媽媽無野做呢???哈哈~~又有個小朋友生日了(舊年9月)~~我第一次去pizza hut開生日會咋~~


2013年4月9日 星期二

橡皮刻章課程@"思空間See Space"

天呀….為何工作總要排山倒海的來~~~~~不過我噚晚幾乖呀~~~唔夠11點半就訓覺~~過我乖乖的日子~….唔知係咪呢兩日個天氣陰陰的~落雨的~凍凍的~所以幾好訓~~我們的淡季幾時會黎呀????(明明黎年既呢個時候係淡得不能再淡架喎….依家好似係無左淡季~~)



好喇~~今日要講下我平時除左食之外….我都好有文化氣息的~平日星期六我就會學Ukulele~用音樂陶冶下性情~~有時都會學下其他野~~~~就好似呢次咁….我地就參加左”思空間See Space”辦既一個興趣班….橡皮刻章課程…..就係係橡皮膠度雕圖案~~唔記得係咪好似成250一堂…..兩小時度…不過如果你做會員既話就有9折…好似225…包埋用具同材料~係舊年9月學既太耐唔記得都好正常je~~~~早上10點上堂~~真係好少星期日咁早起身的~~


2013年4月8日 星期一

媽媽生日香港一日遊2013@太平館餐廳

wow….巧攰呀….這不是一個普通的星期一….這是一個要ot的星期一….真係巧攰….12點半直踩到5點半…………上個星期六又見到小公子~真開心~~不過佢之前哥晚唔係好夠訓~~扭計豬~~柏仔好慘呀…耳仔傷左………..星期日去左大陸拜山~講番以前細個去拜山就好似去旅行咁..勁開心~~表妹們都會買好多零食~~我就做食哥個…講下講下….都成…..20年前….很嘔心~~~~鐘意開始講以前點好點好…..證明年齡有番咁上下~~~由今個禮拜起實行左慳錢大計~~~逢週末都要慳慳的過~~希望成功啦~~~



2013-03-31 Part 2
中午食左一餐唔算食完會飛天既日式放題~~夜晚我揀左對我倆都充滿回憶的老牌西餐~~太平館餐廳~~~~~我地去左銅鑼灣店~~因為我地係附近行街~~~平時我地去尖沙咀多~~~~對我倆充滿回憶係因為以前細個媽媽成日帶我過香港玩..都會去食太平館的~~~地址:銅鑼灣白沙道6號….電話:2576 9161….我之前打過香港諗住訂位的…點知佢話只可訂六點半前….六點半後全部要walk in….我仲諗…都幾串喎~~~~點知….我地哥日去到七點都未有….已經大排隊中!!!!


2013年4月4日 星期四

媽媽生日香港一日遊2013@田舍家

唔知大家今日既清明做左d咩呢??去左拜山??定係去左玩???我就係屋企過左一日~因為呢日無野做就係屋企過啦…..之前仲諗…不如執下屋啦……但起身食左個麥叔叔新餐咩韓風咩咩包之後……..我……選擇懶懶閒咁過~~~~~~行黎行去~玩電腦~~上網睇綜藝節目~~睇完又去床碌下~~沖完涼又出去財神食日本野~~(有人請~~)好悠閒呢~~



2013-03-31  Part 1
好喇~~要開估喇~我之前懶神秘咁話去既哥間自認為好勁既日式放題就係位於尖沙咀環球貿易廣場(ICC)101樓既日本餐….田舍家……之前係雜誌呀….openrice既依評一致高度評價……….好似話晚餐set最低消費每人要1600hkd…….於是見到佢星期六日有任食brunch…..每位638hkd(連加一702hkd)…..見價錢比起佢夜晚親切咁多咁咪諗住帶媽媽黎試下囉~我之前聖誕試過book但勁爆….於是今次揀左復活節同媽媽去…年頭已book…..地址:尖沙咀柯士甸道西1號環球貿易廣場101樓A….電話:2972 2666


原來係同九龍站上蓋既圓方商場連接的~都幾方便~仲有專”車立”上到101樓~因為101樓有4間不同食肆~好似20幾秒就上到101樓呢~~勁~~

2013年4月3日 星期三

飲茶~:]

攰攰~攰攰~不過都好開心~~~因為今日咁艱辛既日子過去了~~代表明天要放假了~~我聽日又唔使去拜山喎~~可以好好的睡一整天~~或者係屋企行黎行去一整天~~開心~~~~~今日同朗仔同另外一個同事既對話我真係覺得好好笑….哈哈~~下幾段再詳談~~



又去飲茶茶~~~唔知大家鐘唔鐘意飲茶呢????我真係好鐘意去飲茶呢個形式既飯聚~~~無論同朋友~~家人~~~大家圍埋一齊~~講講~笑笑~食下野~~~咁就會過一個開心的午餐~~尤其去一間我鐘意既飲茶更加不得了~~呢次就同朗仔毛寶一齊去飲…..去左葡京日麗飲茶….笑到牙都反~~~


2013年4月2日 星期二

麥公子生日會2012

好攰呀今日~~~~做到胃反~~不過有好多同事去完旅行~~所以有好多手信食~~哈哈~~乜咁就放左4日復活節假期架喇~~~過得好快呢~~~好彩番埋聽日~又放一日清明節假~~~~可惜的是….基本上每日都落雨~~~~星期六哥日直頭落到傻左……會一出街就周身濕哥隻………成個復活節飲左兩次tea….又同媽媽過左香港行左日…食下野…..我之前講左好耐哥間令我好期待我認為懶勁既日式放題…..有時d野….我終於明白咩叫希望越大…失望越大~~”星期四或五”出blog再詳細同大家講一講~~~~最尾一日就去左唱k~不過唱得唔過癮~~因為我覺得我把聲唔係幾開….但我明明無咩熱氣野食過~~~我感覺到….近期不斷的吃…..我…..肥了……



今次既公子聚會係路環威斯汀酒店隔離既一間葡國餐…叫澳門海景正宗葡國餐廳Miramar….地址:黑沙海灘黑沙馬路……電話:2888 2623….記得打去訂位…超多人去的~去到路環食飯位置真係幾偏僻的~~我都係第一次食~~~