喪吃喪買韓國自由行之旅2011-10-16第五天(天晴)

今日唔算做好多野….但…….就係令人攰囉……係d人令人攰……其實d人有咩必要黎到我地度咁串咀je……我又唔係無禮貌對你…..飛筆飛身份證飛番張申請表俾我….好有型咩???仲有勁多90後……一係就真係蠢到無人有….一係無料又不停串你但又講唔過你喎……雖然都有表現得好有禮貌既….但真係比較少囉…………..都係d上左年紀哥d比較上有禮貌d………..雖然我係為你服務…..係應該為你地做野…..但都希望你俾番少少尊重我地囉!!唉~呻完~



2011-10-16
Day 5(韓國->香港->澳門)第五日喇~即係話呢一要番澳門喇~朝早起身搞掂梳洗就自己好乖咁食早餐…..係好好味既香蕉奶~~~同埋好鐘意好鐘意食既飯團呀~~~一個係燒牛肉味…一個係石鍋飯味……好好味架兩個都~~~~其中一個d紫菜仲要有鹽粒~~重韓風味~~~~~~比起台灣同日本既飯團….韓國既比較口味濃d…..但三個地方既我都愛~~




吃飽之後就起程去番之前去過既樂天超市…點解??未買夠??唔係~係我地揀左係最後一日先黎買要雪住既泡菜呀~~~~買完泡菜之後…..我地又去番東大門….酒店附近一間中國式既餐廳……原因係：要食炸醬麵~~除左炸醬麵之外仲叫左好似生炒骨既物體…..華…..大碟到呀……………………..

味道呀….一般啦…..唔係唔好食唔係好好食哥隻….但又好奇怪喎……食開呢….會停唔手架喎~~



主角出場~~炸醬麵~~又係麵盤咁大~

味道都係ok啦~可能食飯團之後太飽~個麵都食唔哂~



食飽飽仲係有時間…有人提議去酒店後面間caffe bene度嘆啡嘆刨冰同wifi上網~



裏面既裝修同環境都唔錯架~~幾舒服~

本身想叫士多啤梨刨冰….點知無….叫左咖啡刨冰….不過有紅豆..我唔鐘意……..不過夠哂大杯可以四份食~同埋影相靚~

女仔都叫左咖啡飲…我就叫左杯peach tea~ok好飲~不過都唔係平架呢餐~



很難得的四人照…(背影~)



知唔知上面哥張同呢張有無唔同???答案係：有架~估下~
哈哈哈….我地隻手係做出L O V E呀~~~~~我係做E字呀~~叻唔叻呀??隻手似唔似怪物手呀~~~



我地之前一日已經租定架Jumbo Taxi出機場…好似係100000w=685hkd….四個人….即係每人都係百幾蚊je~又唔使我抽住d行李搵車站……..又唔使驚搭錯車~~爽呀~~沿路出機場既風景~~毛寶影得好靚呀~~~~

唔使一個鐘就去到機場喇~~(其實沿途我係架車上面到成隻豬仔咁~)….雖然係提早左好多出機場…..不過d時間都唔係幾夠用….因為要等check in都等左好耐………好彩既係：我今次個gip負重27.8kg….但係佢無罰我錢喎!!!!神蹟呀!!!我幾驚我陀衰大家呀~~~跟住重去要吸印退稅~~入禁區後就攞番退稅後既錢…我地四個好犀利呀~~好似退番成800幾蚊hkd~~

d女見自己退完稅又以為自己好有米囉…….又去食……..已經係呢一日既第四餐喇….好恐怖呀~~~~係真係肚餓而食架喎!!!毛寶high到去買冷麵………個麵8000w….佢俾80000w俾人囉…….哈哈~~~~



於是我地就搭Asiana Airline723號(其實相中唔係我地架機….因為同天色襯得靚而影~)本身飛1950….點知遲左半個鐘…..由韓國首爾仁川機場飛番去香港…..byebye~韓國~

飛~機~餐~….係呢度引發左一個笑話~~~有個團友~~個空姐問佢想食咩(用普通話)…..朋友話想食雞肉飯…..正常應該係：知raw番(用廣東話讀)……佢一時口口快講左做—->g ru friend(仲要帶點鬼仔口音…即係超劵脷)……佢自己都知讀錯但以為無人聽到….點知佢一望過黎我到….我即刻跟講：g ru friend~兩個即時笑到超肚痛!!!!!!!!!!!!!!!!!!!!!!!!!!!!!!!!!!!!
哈哈….其實個飯幾好食架~~有泡菜味~~我又叫左白酒飲…….見唔見到我叫左一罐野飲…..原因係….我見到….我就問另外一個朋友：咦….呢罐係咩黎架(因寫韓文)…..朋友：係米水黎架………..咁於是我就一杯白酒同埋一罐米水(超貪心~~米水係甜甜地…真係有d米粒係裏面既)…..點知一開…..原來唔係米水….係之前食烤肉飲過好勁哥d米酒!!!!!我問朋友：你又話係米水既………….朋友：er…其實…我頭先淨係睇到個米字咋…就估係米水~…………..我：………………………….

未試過搭飛機有咁大個個人電視係前面(你知我坐經濟艙啦)….於是我就係呢部咁大既電視睇左我一直好想睇但係澳門無上到既midnight in paris~~yeah~~~~~
其實呢隻機真係唔錯唔錯~~坐得都幾舒服…..野食又唔錯….戲都幾新…..對行李超重又鬆手…..如果再有機會會再搭~



好慘……番到香港…..等攞行李….搭機鐵去到中環站….再係中環站內行超大段路轉車去上環(你要記住我抽住27.8kg行李)……去到上環仲要跑上去趕搭12點幾船番澳門……….睇下我地個樣….真係就黎命都無…………………………..(重要由十幾度…番去三十度既香港..好熱呀)
最攞命係……我地第二日係無假放…………………係要番9點工架~~~~~~~~~~~



總結：
1.又講使左幾$$先…..機票加酒店加稅加燃油附加費加保險好似係4200hkd……..我就自己食交通買野用左8600hkd……咁即係13000hkd度…..如果你唔係買太多野就應該唔使呢個數既……我已經係完全唔節制自己買野食野架喇~~~有d女仔去韓國話淨係買野都萬幾兩萬蚊~如果你同我買既野差唔多就係萬幾蚊全包已經好開心~
2.我地真係有喪食：5日….6隻雞(2隻係雞煲….4隻係人參雞)…..3個大waffle…..三文治…..芝士年糕煱…..烤八味豬……海鮮餐……donut……烤牛肉….濕牛肉……炸醬麵…..刨冰…..飯團……冷麵……………………………….我地真係做到……喪吃…
3.衫….裙….護膚品…..化妝品…..野食…..泡菜….文具…..全部都係重災區….又真係做到喪買!
4.一句講哂……韓國好好好好好玩又好好好好好好味d野食~~最正係：唔使我搵路~~~
5.一定要再去呀~~~~~~~~~~~~~~

~~~The End~~~

韓國講完就應該到新加坡喇……
但係我重有d相未齊……
又未執相….
所以大家要等一陣先有得睇新加坡喇~~
請大家耐心等候啦~~~
希望下個禮拜出到啦~~



不過…
聽日要上法交堂喇….
唔知寫唔寫到blog呢????