2010年4月30日 星期五

台灣8天環島遊20100419第二天Part 2(勁曬勁好天~)

今日番左第一堂日文……一放工即刻衝去………其實都係遲左成半個鐘…….覺得…..好難……d字好難寫…..令我成為kawaii妹妹既路……..變得好模糊….哈哈….可能都係變唔到日本妹妹喇……都係做個可愛既澳門妹妹啦~最後一堂手語最後無番到…..因為今堂無野教…..遲d先有證書攞……跑左去食野~



2010-04-19

Day 2—-Part 2(墾丁)

上回講到台灣最南點~一堆烏蠅圍住我地飛~


2010年4月28日 星期三

台灣8天環島遊20100419第二天Part 1(勁曬勁好天~)

今朝好正…食左個葉熾記既牛腩米加辣…..令到我成個人成朝都充滿力量!!!正呀~多謝小i bb幫我買……辛苦哂~今日都算無風無浪….好彩咋…因為今日男人出左北區….又少左個人陪我玩….無啦無啦…無哂人陪我玩啦……哈哈~好開心下晏番工時有個同事送左隻臭熊cool筍俾我(仲要係草莓造型)~夾公仔達人真係當之無愧!!多謝哂~



2010-04-19

Day 2—-Part 1(墾丁)

訓就唔係訓得咁好架喇…..d蚊多到呀…..驚驚…..整好裝之後就衝上去佢地間房度一齊食早餐……一上到去….華……………………..估唔到民宿個早餐整得咁靚~我以為得d多屎咋……見到個咁靚既早餐…咩眼訓都無哂lu~


好好味呀….個幾塊面包係沾左雞蛋之後攞去煎既……成個早餐吞哂~見到咁曬…只有我一個人夠膽曬住太陽食早餐…好鬼型….最後….咪黑哂番黎………..

台灣8天環島遊20100418第一天Part 2(天陰陰)

今日手語測驗….無溫過習….不過還好~我諗我同小杯太聰明了~哈哈~想趕緊寫台灣之旅…唔知點解:]…….今日同個同事講左件好搞笑既事….令我笑左一整個下晏同夜晚…..估唔到同佢對話有爆笑效果~



2010-04-18

Day 1—-Part 2(澳門->高雄->墾丁)

繼續講下佢地間靚房先….出面仲有d渡假屋咁既梳化


但係有螞蟻囉~

2010年4月26日 星期一

台灣8天環島遊20100418第一天Part 1(天陰陰)

噚日仲係台灣既我…….今日已經置身番風中既澳門….令人難以置信~呵呵呵~玩完八日番黎…..好開心…..放鬆哂~今日番工既情況又幾ok~上天都算對我不薄….哈哈…….作為今年第一個旅行…..咁又要做番個詳細既台灣之旅report先~



2010-04-18

Day 1—-Part 1(澳門->高雄->墾丁)

晨咁早就自己醒左….比起較鬧鐘既時間仲要早~執好哂野…行黎行去…都仲有好多時間….就自己出左去行下(唔知做咩~)…..今次旅程有八個人(以自遊行黎講係超多人)…有狂歡三寶啦…..carmen….crystal…kid仲有寶寶堂家姐同堂哥….我地超準時十一點半就去到機場…..仲俾人笑我個gip過大~…..佢地兩個就帶中gip同細gip……笑囉笑囉笑死我囉~

2010年4月14日 星期三

我係一個高材生

今日好攰…不過睇番….今日仲做得少野過噚日~唔知點解~今日突然間驚爆…..唔知五月可唔可以去多個旅行呢??heheheh~今晚上網睇下d資料先~今日都無乜特別野啦~無特別野就好開心架喇~~~~



睇下我幾叻~我手語測驗有98分呀~


不過如果小心d既話….其實可以有100分….真係唔抵~







仲有3日~

去玩喇~

有成半年未搭過飛機喇~

成個人都悶哂~

哈哈~

2010年4月12日 星期一

順順利利既星期一 :]

哈哈好眼訓呀~不過今日都尚算順利~上個禮拜頭痛完呢….就輪到胃痛喎….我估計左幾日….應該係我之前頭痛食既消炎止痛藥太勁…..就搞到咁喇……但係好得意喎….佢成日都係我就醒既時候先痛架喎……其他時間就唔係太痛…….今日都仲痛緊…我諗我真係要去買藥食喇哈哈~好開心呀星期五諗住好苦惱咁做功課….點知番到屋企….有兩個好勁既同學做哂~跟住星期六日又走下堂咁….好快咁就過左呢個番學週喇~要等既….就係等呢個禮拜番埋工….要去台灣喇~



星期一喎….送d令人開心既野俾大家呀~

2010年4月8日 星期四

頭痛欲裂

唉…..都唔知自己搞咩…明明噚日好地地….今朝訓到六點度….又頭痛痛醒左….跟住又痛到嘔左一次……就自己死上左山頂睇醫生……真係叻……好彩今朝無乜人….探完熱之後量埋血壓等多十分鐘度……就到我睇…..之後醫生話我成日食藥都止唔到痛….就建議我打針……..打針喎…….我諗住快d見效嘛…..等左個護士五分鐘…….終於有人幫我打針….話實在佢手勢都唔錯…..無乜點痛…..不過見住支針插入去哥種感覺都係有d怪怪地….加上未打之前會有d血標出黎條膠管度….有d恐怖…….打完佢唔俾我走住叫我坐十五分鐘先好走……坐埋哥十五分鐘…..走埋….今次上去一個鐘都唔使就番到落黎……遲過上次去…..但早過上次走…..好開心…..買左個腿蛋治番屋企慶祝…..點知再訓左陣之後……又痛過….都唔知打黎做咩……..又要我食多次藥…….依家雖然無咁痛……但係都有隱隱痛…..所以話山頂….d藥真係唔係好信得過……睇黎我真係要重新思考下做唔做哥個手術好喇….個頭咁痛法….我真係覺得好辛苦



台灣手信….好好味~


唯有不停咁諗住飯團黎分散我注意力……

我真係好享受紫菜跟飯結合在一起的感覺….

不管餡料係咩…..

飯團依然都係咁好味……

仲有八日我就可以去親親這個可人兒~姐姐鍚鍚~

不管飯團食到我變痴肥….我都係食完先算

好煩呀星期六日又要番學喇

2010年4月7日 星期三

救命~朱古力呀

好多日無寫blog…..我同你講….好可憐……..我今日個肚痛到…………….坐係counter度都標哂冷汗…….痛到…..我以為我差d會死………..條腰要彎住先覺得舒適….但係呢隻肚痛…..唔知點解我係堅持到最後都係唔會食止痛藥…….頭痛就死都唔忍…..即食藥………可能當我肚痛時係可以用朱古力做止痛劑……….今朝一痛….好彩我發現有繽紛樂…..食一條…..止痛到十二點….番到屋企……食飽飽訓覺時一伸直條腰…..又黎過……………最後生吞成包麥提沙先至止到痛………當然你覺得食朱古力止到痛好簡單……但個問題係……我突然間痛哥時….我係邊度搵包朱古力俾我食???唔得……我要係公司入定朱古力先得(唔好羨慕我…我係唔鐘意食朱古力架……)所以朱古力係我生命中既位置相當奇怪…..平時我唔會睇佢地…..一有肚痛症狀…就係我既救命仙丹~



復活節呢幾日做過d咩???無喎又….個個都去哂台灣星加坡…..d妹妹都唔知去哂邊…..呢幾日我都係食過一個好正既維康乳豬海鮮煲…….食左發達…..睇左志明與春嬌(呢套戲真係幾好睇~)…..食左餐唔太好食既騎師日本餐…..又睇左套the blind side(幾感動喎…不過我唔係咁鐘意Sandra Bullock染金髮…我覺得怪怪地咁…..)…..仲去左飲燉湯tim~

不過好慘…我第一日放假…個胃就唔舒服…….第三日開始頭痛……痛到第四日……最尾一日假…..係屋企狂訓…….但都係頭痛……..無計….體質差….氣虛血弱..



放復活節假前一晚去左同kit食飯慶祝生日~


唔知買咩俾壽星女…..就送左個生日蛋糕俾佢….希望佢鐘意啦…生日快樂呀~