2015年1月29日 星期四

2014年8月香港遊@片藍造學藍染

又真係幾攰喎今日~雖然我噚日話多野做時間快d過快d收工je~~又真係唔使多到咁既~~~~~~我個膊頭無喇~~~~~今日全部客都奇奇怪怪的(唔止我一個)....其中有一個最經典...以為自己有張xx證唔使俾錢就巴巴閉.......雖然你講英文咋.....但我係唔會驚你架....又串又無禮貌.....大佬呀唔係成個社會都欠左你架!其實好多時我覺得好多人都係呃飯食....都唔緊要.....但係好似你咁招搖都係第一次見.........不過唔會有人收到呢d人...因為佢地係超賴皮的~搞到我今日做完之後超嬲....嬲到又谷番塊面d紅卜卜出黎....嚇得我丫......即刻開大個冷風機吹行我自己....不停叫自己:冷靜d..冷靜d.............其實為左d咁既笨x嬲真係好唔抵的~(唔好問我笨x係咩...我嬲架~)



舊年8月我地又過左香港喇~不過今次唔係行街~係Join左Go-Sees其中一個art tour~就係學藍染喇~~~我都唔記得要幾錢....好似大約係360hkd~~3個小時....哥日超早就起身搭船過香港....因為係大嶼山度學架...學10點....所以要搭7點船過黎~~~仲要搭地鐵去到東涌....再係地鐵站門口搭的士入去~~~(都搭左成$160的士~~).....個工房叫做片藍造(個名好有詩意~)...地址:香港大嶼山南部石壁大浪灣村.....真係幾荒山野嶺~個指示係叫我地同的士司機講:石壁大浪灣村上排盡頭有落~~~~如果搭巴士既話要打俾佢車你入去....因為如果行入去我諗要30分鐘~~~~~~~好彩入面開大個冷氣~因為哥日超熱~

2015年1月28日 星期三

小公子成長月記@2014年8月(一歲十個月大)

去左睇中醫嘛噚日..大夫話要繼續睇呀...即係...4日後要再去覆診...........不過我其實好期待每日飲完涼茶...食既哥粒嘉應子...可謂苦中一點甜~希望下次佢俾多幾粒我啦~~佢哥隻好好食呀~呢幾日都好多野做~咁咪好囉~多野做就快d收工~



之前夏天呀~我地去買左兩件夏天衫仔俾隻衰豬呀~hi柏仔~老友到將件新衫俾柏仔著先~


2015年1月26日 星期一

孖八-二零一四年八月

今日好多野做~但我又覺得過得好充實~係咪好變態~~~星期五:放工即跑去睇中醫~~睇得唔耐~等執藥耐~~個醫師鬼咁多野講~..->去左維記食煲仔飯~都幾好味~(基本上有豉油同飯我都會覺得好味~)....以前個細梳乎厘由$60加到$100...實在太貴無叫黎食~...星期六:跑去東瀛報自由行..er..關於d咩...下少少先講~...->去左痴毛寶住家飯~好味~多謝~...->再跑屋企飲中藥~飲完一劑毛寶已經即刻話...靚左好多咁既!(雖然我知係氹我)->又砌Lego...終於砌哂..雖然見到個成品會好開心..但砌完又有少少失落....->園林牛肉粉絲...但我好乖呀...醫生叫我暫時食少d牛呀..我真係無食..我食豬扒->食完仲係覺得好肚餓...出番中區食左碗台灣麵線..但和台灣的真的差超遠...仲買多個咸crepe咬...又幾好味喎~..->去睇魔法黑森林(Into the Woods)....er...原來Depp仔出咁少架咋...張海報就咪出咁大頭既佢啦!!!...如果今個月唔係太多錢淨既話..我建議...千祈唔好入場!!!...星期日:買左阿蘇廚房外賣..佢d墨魚丸幾唔錯喎~...->播碟睇番頭3集韓文版星星....你真係好靚仔呀(流口水中)->夜晚食左北方館同埋行街街~咁又過左一個星期~


隻貓仔學人一歲大喇!!!!!!!識左佢一年喇!!!!第一次見佢係2013年8月既事~~記得點解佢會叫孖八呀~因為8月8日臭佢番屋企嘛~華~事隔一年...依家狗咁大隻~~如果可以用豬會更貼切一點~~~~~


2015年1月22日 星期四

李家菜

唉~塊面時好時唔好~我自己都頂唔順喇囉.....成塊面紅架喎....而且極熱...火燙的!!!!....我諗我聽日一放工就要即刻衝去睇中醫!!!!!!!!!咁橫掂都係喇....頭痛生理痛我今次一次過睇埋佢!!!!真係丫..........(你就真係丫呀....唔辣到塊面你都唔死去睇醫生調理下.....火都黎....你話我鬧得佢岩唔岩喇..........我成日都角色分裂)



聽講呢度有得打小鍋邊爐~咁咪黎試下囉~叫李家菜...地址:澳門新馬路十月初五街18A號信鴻大廈地下....電話:2895 3377

2015年1月21日 星期三

西洋菜

哈哈~~噚晚呀~~我地無啦啦又成團呀~~~我地星期六咪去慶祝朗公子生日去食泰餐既~~~因為哥間泰餐實在太好食~~所以我地要再翻食~~~星期六我地6個人食左14個餸.....噚晚.....6個人.....17個餸(當中有海南雞飯..炒貴刁同埋椰子焗飯)...兩個白飯...1個甜品...9杯野飲................................真係好癲............................七公子萬歲~~~



這次要去試的是....舊同事老公開既餐廳.....叫西洋菜....地址:澳門南灣湖圍67號南灣半島地下G座.....地點比較不好找~以前佢淨係開一個小鋪...專做外賣沒有堂食的~依家有梗係去試下先~電話:2871 4150....6360 7490(可訂座)...哈哈~拍得好手震~裝修摩登舒適~

2015年1月19日 星期一

台北聖誕節自由行之旅2014-12-24第三天Part 2(晴天)

今日無咩特別事~除了下午塊面爆拆到就黎爆炸咁款之外~~~星期五:又有貞探班~~放工前仲要請我同i吃乳豬~~...->去左食榮江~食飽去左買立立雜雜野~.....星期六:中午跑起身睇重播都教授(但我之前哥晚已經睇左)->直接跳去晚餐..午餐都無食過~~~呢晚為朗公子開生日P~~有一位公子未能出席..去食泰國野~6個人.....叫左.....14個餸...............仲要碟碟清(樣樣都好味)...好恐怖..最不滿係唔夠隔離枱笑得大聲...但其實呢晚都好好笑~~哈哈~~凱公子那個無聲拍手既動作笑到我標哂眼水~~(就係因為咁..我無去機場接都教授18:20班機)....->星期日:晨早講左一大輪電話..討論去唔去睇華鼎獎既紅地毯..我個人決定唔去->去左陪毛寶換衫唔知點解我自己順便買左件(見減價先買咋~)->食左MacTim->回家抖抖..然後得知W小姐去左紅地毯現場dum心中->夜晚食左德興任食邊爐~~



2014-12-24

Day 3---Part 2(台灣,台北 Taiwan,Taipei->澳門 Macau)
er...er....行完西門紅樓之後我地....就坐的士去食我地既聖誕大餐喇~~~~~~~(真係好痴線~當時只係下午4點)~~我地既晚飯地點就係暪著爹~~~呢間係3店...主要係食丼飯的~地址:台北市松山區八德路二段346巷9弄17號......電話:2-2751-7345.....呢間3店係開11:30-21:30直落的...其他兩間有下午休息時間~所以我地揀左呢間~(記得嘛我地前一日訂哥間無開無得食日本野...呢日要食番~)


2015年1月15日 星期四

台北聖誕節自由行之旅2014-12-24第三天Part 1(晴天)

工作順利~無咩特別~~~噚日呀....有同事向我報料呀...話金秀賢星期日黎澳門呀!!!!!!!不過係哥d頒獎禮亮一亮相哥種....好想睇~但佢話係派既飛.....有人放出黎賣400幾蚊...以...咁貴架.....跟住我又係度諗....如果我做機場既海關仲要係坐入境哥邊...仲要係坐外國人入境個counter......咁我咪唔使錢面對面咁同佢對望囉?????做完佢之後9秒9收工除制服出禁區然後同佢影相.....華...完美~~(花痴mode)



2014-12-24
Day 3---Part 1(台灣,台北 Taiwan,Taipei->澳門 Macau)
起身Check out左之後就梗係去食早餐先啦~~天天吃麵線~~算啦~雖然顏家麵線係好食d~但近近地阿宗都殺住先啦~~~今次每人叫左個細既NT$50=12.9hkd....小小的~好可愛~

2015年1月14日 星期三

台北聖誕節自由行之旅2014-12-23第二天Part 4(陰天及後轉晴)

今日真係峰迴路轉~1月要做咩?相信係我公司做就知架喇~~~不能係呢度形容太多~我只能細細回味在心頭~~~~~~(形容得令人好想嘔~~~).......華~我幾乖呀~~~~~連續3日寫blog呀~~~最凍3日喎~值得加獎同獲得肯定啦下話~~~~



2014-12-23
Day 2---Part 4(台灣,台北 Taiwan,Taipei)
哈哈~~我食第三次喇~~就係胡同燒肉喇~我地去既係一號店~地址:台北市大安區敦化南路一段161巷17號....電話:2-2776-1575.....網址....我之前都係直接打去訂位的!!但係依家有得線上訂位!!方便!!....訂位請按我.....你留低資料之後...咁樣係未完成訂位架...咁我之後佢地會send個confirm e-mail俾我架嘛...點知原來佢地係會直接打電話黎我手提度同我confirm的!!!驚喜!!!

2015年1月13日 星期二

台北聖誕節自由行之旅2014-12-23第二天Part 3(陰天及後轉晴)

話就話今日凍左...但我覺得今日暖過噚日喎~~~可能今日無再落雨啦~~~~



2014-12-23
Day 2---Part 3(台灣,台北 Taiwan,Taipei)
仲有另一個米老屎展覽~不過我地無睇~(公數唔夠錢喇~~~)

2015年1月12日 星期一

台北聖誕節自由行之旅2014-12-23第二天Part 2(陰天及後轉晴)

哎呀~~遲左大半個鐘收工~~~岩岩先沖樣涼~~乖到打算出埋blog先食飯~~~今日還好啦~係岩岩番工哥時有d遲籌同埋北區d野遲左番之外都一切順利~~~今日落雨真係堅凍囉~~星期五:放工即刻由水坑尾行去台山...因為要食老地方~正->又由台山行番去高士德...去飲燉湯...係咪好怪...食完小炒又去飲番個湯(其實我係去飲川貝花旗參燉雪梨..我覺得好正)->然後又行番屋企~兩個星期都行好多路~...星期六:等毛寶放工等到3點先食中午飯(真係好慘呀咁遲先收工)..外賣左阿蘇廚房食~第一次食覺得都幾好味~~...->整個下午在毛寶家睇機票睇local tour...諗緊9月尾10月既旅行~~訂左一個local tour咁大把~~如果唔係某航空公司個網唔知點解load極都load唔到就一早book埋~...->食左海榮->試左Honey Granny蜂巢雪糕...真係好貴..細細杯要$38...雖然ok好味但唔會再試~.....星期日:中午去左食譽路八(明明上次話無咁好食但又再去食)..今次又對版番嘛->哈哈又去左毛寶屋企訂野嘛~~今次無遲疑...book埋9月張大機票喇~細哥張因為係我猶猶豫之下...隔左3日咋每人貴左$500...依家我決定睇定d先~~落少少先講我9月個大旅行去邊~~...->去左睇救參96小時->去左雀仔園打大排檔邊爐~~不過唔好食~



2014-12-23

Day 2---Part 2(台灣,台北 Taiwan,Taipei)
咁呢~食飽飽我地就揀個展覽睇啦~文創區當時有幾個展覽展出緊既~咁我地就揀左呢個黎睇啦~樂高世界遺產展...展期由2014/12/20-2015/03/31....咦~即係我地去哥時岩岩做咋喎~~~~好啦~~去睇啦~~


2015年1月8日 星期四

台北聖誕節自由行之旅2014-12-23第二天Part 1(陰天及後轉晴)

我今日好嬲....我塊面又敏感...不過呢樣唔係我嬲既地方!!!!!我某個隔離部門既好同事......叻到自己同個客講下個禮拜三個申請ok(事實上係星期四先有...同埋佢咁樣加快要係上司審核)...咁我以為佢唔知嘛...咁咪同佢講番囉...點知打過去佢仲要串串貢咁話呢d實批喎!!!!我問佢:你依家係哥個職級既人咩?你可以咁樣直接咁樣同個客講.....佢答我:因為我以前係哥個部門做所以我知實批(大佬呀接客哥個唔係你呀.....我無能力應承實個客架...係個客眼中你同佢講得..我同佢講要等批衰哥個人一定係我架)...原來佢認為佢既職權可以等如佢上上上司一樣......噢........同你做同事真係要喊3聲.....其實我唔係第一次俾佢跣......而且大家都知我平時同同事做野都係客客氣氣為先.......好少動氣到咁.....我淨係想講一句.....你痴夠線未?...痴完線你唔好再害我地好無?????放心...如果俾人投訴我會毫無保留咁話係你做架......仲有...山水有相逢...我勸你做人唔好咁串...唔好以為你有個職級高過你既老婆就好巴閉(查實講出黎都唔係好馨香).....鬧完~舒服哂~



2014-12-23
Day 2---Part 1(台灣,台北 Taiwan,Taipei)
呢日一起身即刻貢出街~要去搵早餐食呀~~~顏家蚵仔麵線.....呢間係Chlo子推介俾我架~~~佢話係全台北最好食既麵線!!!地址:台北市大同區延平北路四段253之1號....營業時間:07:00-19:00...但要留意係每月第二同第四個禮拜一係休息的!!!!.....由於附近無捷運可以到..所以我地就係西門町搭的士去喇~搭左NT$145=37.4hkd......好~台北來的Chlo子~我信你~

2015年1月6日 星期二

台北聖誕節自由行之旅2014-12-22第一天Part 3(晴天)

bb慘慘呀....個頭痛左幾日仲係痛~~~~呢幾日我已經食左8粒必理痛~~~~~~可否快d唔再痛痛~~~



2014-12-22
Day 1---Part 3(澳門 Macao->台灣,台北 Taiwan,Taipei)
放低哂d野之後....我地又再出發~~~~~~做咩??又肚餓啦嘛~~~去麥公子同埋Chlo子都很推介的饒河街夜市食個宵夜~地址:台北市松山區八德路四段與松河街間且與之平行的饒河街上(台北旅遊網係咁寫的~)....台北旅遊網網址.....之前去既話應該係好麻煩的....捷運又唔到...我記得我之前去過一次...但係搭的士去~依家好方便喇!!!因為新開既哥條捷運線(松山新店線)....係松山站(總站來的)落就去到...超級非常方便!!!!...不過我要報告一下....個台北旅遊網以及捷運指示牌都係話係1號出口出....但係我地自己發現...其實係5號出口出會更佳!!!!!因為一出你就會見到呢個牌坊!!(雖然係街尾...但其實係街頭街尾都無所謂!!因為你都係圍住個圈行番出呢度搭捷運走!!).....如果你出1號出口...只會見到黑漆漆既街..你要自己貢入內街先會見到饒河街夜市!!!!強烈建議5號出口!!營業時間係18:00-00:00~~我地哥日好似差唔多22:00到~

2015年1月5日 星期一

台北聖誕節自由行之旅2014-12-22第一天Part 2(晴天)

今日....個肚都係有d痛~~個人有d忟~~星期五:放左工跑去Diana屋企交換手信~好多謝佢呀請左好多野我食~~佢仲請我食我想試好耐既洪瑞珍三文治同埋蝦叔叔~~(重點是:佢唔係去台灣~~)->食左好耐無食既滿記->食埋街邊檔勤記糖水....這晚瘋瘋的...由水坑尾行去跑狗場行去十月初五街再行番屋企...就黎行爛鞋~...->番左屋企我地討論了好久的復活節公子旅行成團喇~~~詳情落少少先講~....星期六:一朝起身就頭痛.....起身食粒藥...再訓->12點幾起身整得黎成兩點幾先去食野..又係觀光塔的CA4E on Four->去左UA睇哈比人-五軍之戰(好好睇~)...我好耐無去過UA睇戲...因為等埋媽媽番黎先黎哈比人...但係大會堂已落畫...被迫去睇3D...如果有得揀..我一定睇2D...一黎平d..二黎其實3D效果唔算好突出但睇得好辛苦~...->順手係銀河食埋飯...訂左食葡軒...我之前話好鐘意食既葡國餐...補做我同媽媽既冬至飯..但係....(落少少先講).....星期日:食左永安->下午超肚痛的......在家砌Lego~真係好好玩~...->提早團年呀~因為姨媽下個禮拜過美國湊孫~去左食萬豪軒既打邊爐...不過我覺得麻麻~(湯底同牛肉都唔得~)



2014-12-22

Day 1---Part 2(澳門 Macao->台灣,台北 Taiwan,Taipei)
我地搭捷運黎到呢個忠孝新生站就係要黎無老鍋(新生店)食晚飯喇~~~(請注意..我地食晚飯時個天仲係光架~~~XD)...新生店地址:台北市中正區新生南路一段124號....新生店電話:2-3322-5529...仲有其他地址的請睇無老鍋網址......呢間火鍋講明呀唔係吃到飽哥類黎架..單點架...記得一定一定要訂位!!!!!人氣店.....如果去到先walk in有排等...好在係可以線上訂位....但佢係建議2-4人先有得線上訂...其他人數要打去訂....我地呢日12月22日呀...所以係去食冬至飯.....我地預訂時間係...17:00............wakakakaa~~~~~得個半小時用餐呀要留意~

2015年1月1日 星期四

台北聖誕節自由行之旅2014-12-22第一天Part 1(晴天)

先跟大家說聲Happy New Year~~~我地噚日放半日呀~所以公子約左去SKY21食左個西式收爐飯~7個人叫8個餐仲有7個小食~瘋!!然後有5位公子一齊去看"撒嬌女人最好命"..有黃曉明..周迅同隋棠主演~但我超愛看Hold住姐的演出~套戲極好笑喎~~連笑點極高既毛寶都話好笑~夜晚就簡單的食左三元肉丸粥做晚飯....之後去機場接媽媽番歸~謝謝毛寶接送~~~今日元旦日呢~中午食左個海南雞飯....之後就去左毛寶家砌lego~~~~就係咁過左一日~



今次去台北係留左58小時~名符其實既快閃團~~~但係去左3日都唔夠咁都影左600張相~~~我真的瘋瘋的~之前完全無諗過聖誕要去旅行.....但無啦啦我地又係度諗...有成6日聖誕假喎...唔去旅行下年無6日喇好唔抵之下....不停咁諗..去香港一日啦...或者去廣州啦....之類...點知俾我地無啦啦買到(搶到?)台灣虎航既特價票~~(正確黎講係佢地兩個搶到~)....係台灣虎航為左慶祝2014年12月17日首航來回澳門至台北/高雄而推出的~~~~~$512來回票...以上價錢係已包稅...燃油附加費及行李錢(我地3人買左一件寄艙行李~)..真心平通街...仲係聖誕時節~倍添開心~




2014-12-22

Day 1---Part 1(澳門 Macao->台灣,台北 Taiwan,Taipei)
哈哈~眾所周知既$512機票旅行團要出發了~~~~哥日毛寶超好人的~~~~車埋我同麥公子出發~~~~謝謝~~~~舒舒服服咁唔使受的士大哥既氣去到機場~大約10點半前我地就到了~好喇~介紹下今次既團友先~有我啦~毛寶啦~麥公子啦~我仲為我地呢個旅行組合改左個好韓式偶像既名:我地係"C.T.M."!!!!!!!!....唉呀~企錯位添~我應該係中間先係C.T.M.~
今次去台灣既匯率係NT$3.876=1hkd....謝謝麥公子幫我換埋錢~~~~我今次只係換左NT$11,628=3,000hkd去台灣...其實我覺得係一定唔夠~~但係唔理喇~~~刷卡好方便嘛~