2017年6月29日 星期四

合家歡台北聖誕之旅2016-12-27第四天(陰天及後雨天)

星期二...個人起左身好似無起身咁...持續眼訓~星期三....因為番工實在番得太悶~約左毛寶與貞去上游打個邊爐~好好味呀d肥牛~~~~仲要打邊爐打足3小時~~~笑到流眼淚~~...星期四.....無咩野~準時收工~幾好~......好野丫~周末又有兩個飯局呀~~開心~~~~~~



2016-12-27
Day 4(台灣,台北 Taiwan,Taipei->澳門 Macau)

早~最後一日台北遊~唔食酒店d早餐喇~都係去番阿姨度買早餐食好喇~~~~~~~

2017年6月26日 星期一

合家歡台北聖誕之旅2016-12-26第三天Part 2(天晴)

星期五...好多好多好多野做..但準時收工~可能暑假已開始~好多小朋友~~~~~~放工去左食八分目~好開心好耐無食~飯後去左睇變形金剛:終極戰士(Transformers: The Last Knight)....簡單的623慶祝節目~星期六....中午食左馬馬馬慶康~~~好彩排左10分鐘都無就排到~食埋一個鐘內搞掂~之後去左毛寶屋企傾下四國行程~晚飯食左棽筱日本餐~不過覺得差左~然後又去左探菓子軒~小孩好像又長大了~星期日中午食左百老匯間泰潮...唔知點解覺得同公子一齊食哥次好味d~緊接去左Triangle Coffee Roaster吃左個affogato~~佢個affogato真係正過大酒店哥d~~然後又傾四國行程...點解四國行程咁難既~~~夜晚叫左戲面外賣~又過左一個星期~星期一~....一個同平時一樣咁多野做既星期一~有個客自己無睇籌過左~我叫佢去安排番~然後佢話要投訴~然後我都係叫佢去安排番~(有時唔係你向服務人員講要投訴人地就好驚要幫你做番架~)



2016-12-26
Day 3---Part 2(台灣,台北 Taiwan,Taipei)

飲完茶出黎....又見到成堆人~行到呢個位~我地就沿路折返喇~

2017年6月22日 星期四

合家歡台北聖誕之旅2016-12-26第三天Part 1(天晴)

星期二仍然病假中....噚晚臨訓前覺得自己好好多...點知訓到第二朝一早又痛醒...係勁痛......痛到我嘔左兩次....食左藥再訓......訓醒又再嘔多次......又食止痛藥.....唔想食野...好彩屋企有梳打餅....發呆發左成個下午.....毛寶中午放工上黎睇我....仲要幫我按摩個頭.....嗚嗚...我好感動呀...佢話我病到個口超臭~(不顧形象的我)....好彩個醫生俾我兩日病假我....星期三.....點知凌晨又痛醒......又睇多次醫生...真係好煩呀頭痛;[................醫生今次俾左另外一隻止痛藥我試.....食完再訓番...起身再食少少野又好攰又再訓...先好少少.........都唔知今次搞咩.........我開頭以為我自己有黃熱病....(但我無發燒所以呢個假設係好無謂同埋自己嚇自己~)....星期四...上班去~不過我噚晚食左醫生開哥隻藥....醒左都係呆下呆下....開唔到turbo.....已盡力~好野~~~~星期五喇~~~~~~~~去玩喇~~~~~~~~~去玩就會無事架喇~~~~~



2016-12-26
Day 3---Part 1(台灣,台北 Taiwan,Taipei)

早晨~毛寶爸媽都有食酒店早餐~我地一齊陪佢地食下先~(酒店包埋)......但無咩野食~最高興係有煎蛋~~好好味~(但塊麵包超難食..烘左都好難食...)....同埋食左碗稀飯~最精彩係配稀飯d配料好正~有我最鐘意食既脆瓜~

2017年6月19日 星期一

合家歡台北聖誕之旅2016-12-25第二天Part 2(天晴)

星期五...遇到一個好臭串既老人家...真係唔明點解有人咁老都唔化既.....好...見呢日係星期五...加上有同事請飲花膠湯做下午茶......我暫時放埋一邊.......但呢個禮拜都太累了...累到有點頭痛.....放左工去食榮江.....然後去睇盜墓迷城(The Mummy)......星期六一起身繼續頭痛....中午又食羅浮咖啡~整個下午和你在看手繪地圖...靜靜的看也是很好的節目~夜晚食外賣安琪兒包~好耐都未食過~飯後去左睇菓子軒~成日都冤冤鑿鑿咁~星期日~去左睇神奇女俠(Wonder Woman)...由於睇觀光塔兩點場~穩陣d係觀光塔食埋野算喇~睇完又訓左陣晏覺.....頭暈暈咁.....夜晚買阿蘇番屋企食~星期一半夜起身都仲係頭痛......爬起身去睇醫生....醫生開左兩日病假俾我...你人真好~呢兩日好好休息先~周末都訓得勁差.......



2016-12-25
Day 2---Part 2(台灣,台北 Taiwan,Taipei)

食飽飽就黎到下一站~對~就係台北101喇~~(我地係咪好遊客呢~咁對第一次黎台北既團友黎講梗係要去地標啦~)...由於今日天氣唔錯~所以我地決定上101~~~~話實在~今次係我第二次上101~成人每位NT$600=150hkd~


2017年6月15日 星期四

合家歡台北聖誕之旅2016-12-25第二天Part 1(天晴)

星期二...由於掛住醉心打其他blog...忘了寫本日日記....(只係隔左一日但完任無記憶...應該係一個平凡上班日)......但係某間餐廳既訂位令我極嬲......星期三...放工同左Diana去提早慶生~就係去噚日激到我好嬲既餐廳....野食....算係哥間酒店入面最好食...有機會就分享~星期四....無咩特別~~番工日~~~最特別咪聽日係星期五囉~~~~~~星期五要viva~~viva到底~~~~~



2016-12-25
Day 2---Part 1(台灣,台北 Taiwan,Taipei)

早唷~我地放棄食酒店早餐~自己衝出去買野食~梗係食番上次個民宿主人推薦既在地台式早餐店啦~~~呢間叫西門町豆漿~地址:台北市萬華區漢口街二段54號....就係萬事達行旅條街直入~又見到姨姨的身影~

2017年6月12日 星期一

合家歡台北聖誕之旅2016-12-24第一天Part 2(天晴)

星期五....放工去左園林食豬扒魷魚撈米加咖哩走青~真係我的最愛~...之後行下買下~又再去篤下魚蛋~再去食埋乳酪~再去探埋毛寶兒甥仔~(成個月無見大粒左超多~)...係澳門真係好~以上事項可以一晚做哂~星期六...中午去左食金冨壽司宮~~但好失望...因為我覺得差左好多...d飯硬既..........之後毛寶幫我剪頭毛~舒服哂~成個月無剪~之後就研究下四國行程啦~~然後又叫關東煮外賣~星期日...好野~去左玥龍軒飲茶~~我覺得如果要飲餐好茶玥龍軒係不二之選~如果平d就南湖明月也不錯~然後去左行下街又去宏達睇下書~因為想有多d四國既資料~然後又去左探菓子軒~(菓子軒係毛寶個兒甥仔呀~~至於點解叫菓子軒就不詳述了~)...我今日抽左菓子軒好多水~~狂聞佢隻腳仔~~(好鐘意聞bb腳仔~~)...晚飯本身想食軒記..但係無開!!!!!所以去左食艾菲兒.....我終於知道點解過左咁多年佢都仲有咁多人食....因為佢無加過價囉.....一大支凍飲才$18!!!!cafe喎!!!都幾抵~但野食既味道係普通野~星期一...極度爆多野做.....好攰..........仲話打風添....我開頭以為個風流啡啡...點知香港打到8號....澳門到依家仲係3號....橫掂聽朝逐漸遠離咯....咁唔好打啦~我唔鐘意打風架~



2016-12-24
Day 1---Part 2(澳門 Macau->台灣,台北 Taiwan,Taipei)

好喇~我地放低行李之後~就出發啦~第一站其實係想去101度行下既~同埋附近有個聖誕市集嘛~點知架車行呀行....架大巴用左超多時間先.....去到101既邊皮...但....距離我地訂左枱既食飯時間又差唔多喇...所以唯有...將個行程改為經過101啦~

2017年6月8日 星期四

合家歡台北聖誕之旅2016-12-24第一天Part 1(天晴)

我番黎喇~~~~有無價字禾呀~~~~有啦有啦你講有啦~~~~我星期一上午11點機番到香港~~但成下午3點先番到澳門.....估唔到咁耐先番到黎~呢次旅行好精彩呀~~不過每日都好攰~~~又係一個新既體驗~~(同埋我好掛住澳門d野食呀~~)....星期一一落機係香港機場check到機票平左少少咁多多.......所以....我一番到屋企就即刻買左機票喇~~~~~~~星期二....即刻番工...我自覺自己好堅挺~不過訓左9個鐘...好番好多~星期三番工....又突然感覺自己已經番左一世工..........完全對旅行好似十年之前既事咁......(但只係番左黎3日咋喎...)....星期四...番工唔提喇~~~重點係....我心愛既未央嫁左俾拓拔浚喇~~~~我真係好鐘意睇錦繡未央架~~聽日大結局喇~~~~......好野~~~聽日星期五喇~~~我預左食好多野呀~~~我好掛住澳門既野食呀~~~食呀~~~~~~~~~



2016-12-24
Day 1---Part 1(澳門 Macau->台灣,台北 Taiwan,Taipei)

wowwowwow~痴痴貢既合家歡旅行團要推出市面喇~點解叫痴痴貢?因為其實呢個係毛寶既家庭旅行~我就痴人地屋企先有得去的~~~~華...我好耐未試過大拿拿10個人去旅行喇~~~~~~有我啦~毛寶啦~大比啦~阿Sam啦~毛寶爸啦~毛寶媽啦~毛寶姑姐啦~毛寶堂哥啦~毛寶伯娘啦~毛寶伯娘個朋友啦~..........就係咁~10個人就出發了~哥日搭早上機~由毛寶大姐夫車埋我一齊出機場~謝謝~....咁我地提早左少少出機場check in啦~驚聖誕節多人嘛~點知又比上次國慶少人喎~順順利利咁check完in啦~~~過左海關~再拍番個合照~(好多個菠蘿人呀~)