2012年3月29日 星期四

日本東京血拼美食之旅2012-03-14第四天Part 3(天朗氣清~)

訓到今朝四點咳醒左……一直咳…咳到八點半起身….超無癮囉…..不過最慘應該係媽媽…成晚俾我嘈住….sorry 媽媽~今日開工大吉了~不過個喉嚨ding成日好似有粒塵………超痕….令我不停咳咳咳….對住個客都係咁咳…..d客都唔知會唔會以為我肺癆…….我唯有同佢地講唔好意思…..然後行開飲杯水…….下晝番工我直頭含住舊薑係個口度……..狂咬薑汁令個喉嚨順番d…不過又俾人笑我老土了~不過已經好感激~唔再有界刀咁痛既喉嚨痛~



2012-03-14
Day 4—-Part 3(日本東京)
食飽飽蟹….跟手過對面馬路既花園神社求番支靚籤先~


2012年3月28日 星期三

日本東京血拼美食之旅2012-03-14第四天Part 2(天朗氣清~)

今日都係病假中……..其實噚晚依然咳咳咳…..喉嚨可能咳損左…超痛….不過我噚晚都算早訓…..都幾乖咁啦….係咪通常訓到朝早都會咳醒??朝早六點幾七點就咳醒左……忍唔住起身……吐哂d痰佢…..企係廁所咳左好耐……..去廚房飲啖水….再咳過….如是者吐左好多(有d核突望見諒)……之後訓番….再起身時……覺得個喉嚨好番好多喇~~~~~yeah~~放炮仗慶祝~~~~~喉嚨無咁痛喇~~好野~~~~又無咁多咳~~~好野~~~~真正的好野~~~~明天可以精精神神上班去~~~~~



2012-03-14
Day 4—-Part 2(日本東京)
跟住就去行平時去開既shopping street行下~~



2012年3月27日 星期二

日本東京血拼美食之旅2012-03-14第四天Part 1(天朗氣清~)

今日係番工日………本來番晏係9點度起身…..點知朝早咳咳咳咳醒…..發現個喉嚨仲痛過噚日…..本身係俾十張紙劃喉嚨哥隻痛….今日直頭係俾界刀界既哥隻痛……唯有起身飲多d水啦…..好準時咁番工………一番工成個人都暈陀陀…….叫籌入黎做……本身做七分鐘既野…..做左成十幾分鐘先做完…….原因係因為我每講兩句….咳三下….每講兩句….咳三下……如是者…你知我地依家幾多野講啦…又要有禮貌喎………我已經盡力俾禮貌…..好可惜有禮貌之後送埋咳咳咳俾d客……仲有我哥個咳到就黎想嘔既表情…今日獨家發送……六個有五個客都係聽唔到我講野….哄到個身超埋黎聽…..跟住好多同事頂我唔順問我做咩唔抖多一日………我就話:醫生哥日求佢先俾一日假我咋……跟住佢地就話醫生好衰…….叫我再睇….因為我真係咳到癲…..多謝大家既厚愛同關心…….基於其實我自己都好辛苦…..自己都頂自己唔順….走左上山頂再睇…..食左隻消炎藥5次反而仲痛………..好快分左流…….不過分左流等左成兩個鐘都未到我睇……後尾見到後過我既人都睇左..我好聲好氣問分流站護士…我:唔該我想問下仲有幾個先到我??護士:4個(冷淡既語氣….我預左….見佢用手護住個肚但又未見肚…我估佢有左….咁就仲要算啦….陀仔都好辛苦)…….點知再叫多六個人入去診室都未叫到我….唔係4個就到我咩??我再走去問護士:唔該仲有幾多個……(我未問完)….護士:唔得閒(望都無望過我行開左……)……火都黎….使唔使咁呀….我都體諒你地醫院真係有好多病人好多野做……但係我都係病左至黎je…….於是我好嬲….企係度等佢番黎……佢見到我問我:咩事架?……我:你依家得閒喇下嘛??(我都唔客氣)….個護士先知衰:呀…依家先少少得閒咋…..係啦..你叫咩名呀..我幫你睇啦….你仲有兩個呀…….我:頭先話4個叫左6個入去都未到我…..依家又仲有兩個呀??護士:我都唔知架…醫生叫架………………………之後再叫多三個先到我囉….唔明點解…..唉…算啦……見你大肚我先放你一馬咋…….(不過有可能佢唔係大肚…係肚痛….大肚係我自己想像~)….好彩醫生可憐我坐counter俾左兩日病假我…..可以俾我個喉嚨休息下…….



2012-03-14
Day 4—-Part 1(日本東京)
一早起身天氣仍然咁好呀~~~呢日我地就去吉祥寺~一個我地認為好舒服既地方~係過左番工時間搭既JR舒服好多~我都幾鐘意呢張相~



2012年3月26日 星期一

日本東京血拼美食之旅2012-03-13第三天Part 3(大晴天~)

講到星期五既我講野講到走哂音咁……唔知大家有無睇之前東張西望請華仔同葉德嫻上去為桃姐接受訪問……..哥時葉德嫻把聲病到出唔聲咁滯…我仲笑佢:heehe….有人病到把聲咁既……完全唔係佢把聲………………..星期六咪報應囉……起身時直頭出唔到聲……..成日同人講野都唔可以大聲…一大聲就會變葉德嫻病左哥把聲….簡直超醜….就係由星期六開始俾毛寶叫我做桃姐(係老土姐先岩…)…….夜晚出街食飯想食咩用手指一指叫毛寶夾俾我食….毛寶同皮皮都笑我話好似照顧緊老人家咁…..其實我feel到自己好唔舒服….做咩都無力….不過約左食飯又唔想失約~星期日起身把聲終於出番黎….不過個喉嚨開始撕裂咁痛…..開始咳….咳到有d頭痛…….所以終於頂唔順上左山頂睇醫生…今日放病假……..喉嚨仍然痛…噚晚咳左成晚訓唔好……起身至依家痾左3次…唔知做咩……所以有兩晚好乖咁完全無開過電腦~



2012-03-13
Day 3—-Part 3(日本東京)
行左一陣裏原宿…就梗係行過對面既竹下通啦~竹下通賣d價錢相宜d既野~不過平既野….靚唔靚就見人見智喇~


2012年3月23日 星期五

日本東京血拼美食之旅2012-03-13第三天Part 2(大晴天~)



呢個禮拜真係要唱番首方大同既好不容易…..好不容易終於黎到星期五喇….我噚晚番屋企一路寫blog….一路有少少咳….以為只係有少少喉嚨痕….點知一到今朝起身…..個喉嚨開始痛…..本身今朝都無野架…….個心仲諗:喉嚨痛唔緊要…最緊要d客今日醒少少…..咁我就可以講少d野就ok~………….點知今朝個個客都係short架囉………今朝既劇烈講野…..到下晝….我直頭差唔多失聲……到放工哥時我直頭變左人妖聲………把聲沙哂……..講野走哂音…..發生咩事…我今個禮拜淨係食過碗肥仔記咋喎…我做左d咩呀????病左都唔慘….慘在…………..你個喉嚨講唔到野仲要坐係嘈雜..有裝修聲既counter度…..放大走哂音既聲同d唔係咁醒目既人講一千九百幾次重覆既野……….今日….係超sexy的我~就係一個咁既星期五~



2012-03-13
Day 3—-Part 2(日本東京)
食完飯悠閒的在南青山街頭行行街~係南青山…我不停地講:迷失表參道~……但我口裏面唱緊既歌係:上野新宿經涉谷轉車到…..代官山街裏…..貼紙相中找到一雙一對….大概也登對…..高速的車廂內沉睡去…..就讓我在耳邊講一句…..always on my mind xxxxx(呢句就係歌名喇)…..唔知有無人識呢首歌呢~應該有番我咁上下既年紀先識~


2012年3月22日 星期四

日本東京血拼美食之旅2012-03-13第三天Part 1(大晴天~)

本身今日朝早好疏肝架………一到下晝四點之後就食哂屎……講到個喉嚨都就黎爛咁濟…………………今朝我醒呀….見到個老油條…唔再問佢野…..佢吹我唔脹呀……我都唔明班人成日覺得一定係我地哥度錯….下晝又有另一個大聲婆話我地做錯……大大聲聲講完之後就不了了之…..咁你明咩事啦….咪就係無咁既事囉……把聲叫得咁大就落街市啦….八婆…..鬧完~舒服哂~~



2012-03-13
Day 3—-Part 1(日本東京)

是日早餐~之前一晚買定~我係右手邊哥盒~係雪糕味豆奶…就好似飲緊溶左既雪糕咁~不過我幾鐘意飲呢隻牌子既豆乳…因為幾香豆味~澳門都有得買….不過好貴我唔捨得買~呢隻味有d甜….不過我buy~毛寶乖乖飲牛奶~不過呢隻3.6唔係咁濃味喎…好似普通牛奶咁


2012年3月21日 星期三

日本東京血拼美食之旅2012-03-12第二天(勁天晴+大風)



今日既早晨係美好架~因為今朝有小i幫我買的肥仔記薯仔雞翼米~好好味呀~~~不過食完即刻咀唇對上既人中坑位即刻標粒暗瘡出黎…..不過都值得既……無喇~去日本既渡假感覺搵唔番喇~~拜拜~~~下晝仲俾個叔叔鬧到我飛起…..但其實份野唔係我做架…….我問佢一句話噚日有無交野過黎….佢話:唔係我錯囉….係你地錯囉…你明唔明呀!!!…..我:我唔明喎…..(真係唔明喎….無頭無尾咁話係我地錯…又無講件事…我點會明..你當我超人咩…..)……仲有一個老油條超乞我憎的…我好少會憎一個同事…..但佢既態度真係令人覺得好乞人憎…..係咪事必要咁既態度??係你出聲…我以後唔會同你講任何一句野….唔係話係度做得耐就大哂架…好多做得耐過你既人都無會好似你咁衰囉!堅嬲!



2012-03-12
Day 2(日本東京)

呢日一大早起身………六點度就起身喇….查實都幾眼訓~因為之前一晚為左搭凌晨船又無咩點訓……第一晚係日本又食宵夜食到成點先訓………..我地住哥間酒店就係池袋駅東口附近喇~~~呢日既天氣…有d清涼~其實氣溫都係好清爽既…不過幾大風~

2012年3月20日 星期二

日本東京血拼美食之旅2012-03-11第一天Part 2(天氣清涼)

本身今朝係渡假feel架…..唔知點解……下晝就開始多野做到short左…..水又無飲過….尿又無痾過…..可唔可憐先….. ;[…….不過算啦…多野做得黎d人都唔算傻同喪….起碼我可以全力加速咁做~~唔使解釋咁多~~不過下晝發現….去日本既渡假心情無左….唔得!!我要聽日搵番先得………..今日放工都係快快跑番屋企寫


2012-03-11
Day 1—-Part 2(澳門->香港->日本東京)
好喇~去完大老遠買車飛之後….我地就進軍涉谷喇~



2012年3月19日 星期一

日本東京血拼美食之旅2012-03-11第一天Part 1(天氣清涼)

我認為人真係要得閒放下假….抖下……..因為今日好多野做~我腦裏面仍然諗住去日本玩既畫面….成個人心不在焉咁一路做….一路諗…..依家….就放工喇~好開心呀~~~~~加上好耐無見過澳門有陽光喇….我諗有成個幾月都係無陽光…搞到個人好頹咁~有陽光既工作天….心情都好d~雖則我今日俾個阿叔激到我噴血咁樣……我講野佢又唔信…信d唔係度做既人:有人同我講話佢之前試過喎…..我:無d咁既事喎……阿叔:佢話可以要求架喎………..呢個低智阿叔……激到我手震….不過轉過頭…我就忘了~~~
2012-03-11
Day 1—-Part 1(澳門->香港->日本東京)
yoho~~~執好哂d相喇~~~可以出日本遊記喇~~真係開心~~原來有人期待我的遊記~~好~~要俾心機d寫先得~~~~~我地係3月11日出發既~訂野之前都無諗起…….越近出發既日期先醒起….係喎….舊年日本311大地震喎…….事有湊巧……就係呢一日出發….講真….出發前我都有好驚呀…..又驚地震….又驚輻射……不過….是福不是禍….是禍躲不過~照去~太掛住日本喇~~我地有成三年無去過喇~呢三年無去既原因係:1.d yen太貴…..2.呢三年又想去下d唔同既地方…..3.之前又地震又輻射…….4.唔講又唔覺….原來我同毛寶從來未試過兩個人”自由行”…每次都會有其他人一齊去~跟團先試過………咁我地就諗….不如今年試下搵個地方兩個人自由行一下~咁最熟既地方就係:日本東京~加上好想去~咁就成團喇~



今次我地係搭All Nippon Airways(以下簡稱ANA)係香港出發~出發之前都好開心~~因為又係香港機場飛~我地最鐘意香港飛~因為香港機場夠大夠靚夠多野食~哥日我地搭朝早0955班機……好可惜……最早哥班由澳門出發香港機場既機場船…..同我地飛既時間少於3小時….所以我地無得搭……..好可憐….兩個小朋友…..係搭凌晨4點鐘既普通港澳碼頭船……再坐A11號巴士去機場………到左機場先係六點幾….


2012年3月16日 星期五

杯杯生日會2011

hello~hello~hello~我番左黎喇~~~~噚晚10點幾機到左香港機場~凌晨點九度番到屋企~好彩今日請左假~5日就咁就過左喇~有d唔捨得呀……嗚嗚~玩得好開心~不過都發生d小插曲….因為有一日…試過有地震……嚇到我鼻哥窿都無肉……其實係好少好少既地震…不過對於未經歷過既我….已經有十級驚嚇….不過咩事都無~放心~~~好開心有影到好多相~毛寶今日心急地問我:你幾時出日本blog呀??(下….你咁心急既哈哈~其實你同我一齊去架喎~哈哈哈~)襯呢兩日執下d相~下個禮拜應該可以推出日本遊記~請大家多多捧場呀~我d皮膚去到日本太乾燥唔習慣….依家番到黎都超癢呀~~~~



又黎生日會篇~不過唔係我~係到杯公子喇~無計啦~好多公子都集中係年尾生日的~今次我地既地點係…..很地盤佬的維康美食~打個熱辣辣邊爐呀~


佢d乳豬海鮮煲真係超好吃的~~~~~~~~左邊d大蜆更係鮮甜無比~呢個生日會…..係舊年十月~

2012年3月10日 星期六

我的生日會@高雅扒房Copa Sands2011

華~~好少星期六上黎~不過今日過了優悠的一天~本身約好了high tea…點知青蛙媽和青蛙b病了~取消了~所以今日出街買埋船飛….暖包之類(因為日本好似幾凍)….就番左屋企lu~噚晚超乖的~已經執gip….其實已經執得七七八八…係仲差一d聽朝仲要用既野放番入去就ok~!身與心都準備好要出門了~



生日當晚寶寶請我去想試好耐既餐廳食飯….就係金沙Sands入面間扒房…叫高雅扒房Copa~


2012年3月9日 星期五

我的生日會@觀光塔360 cafe旋轉餐廳2011

yoho~~~~~~~~~~~~~~終於都放工喇~~~過左一個都算順利既星期五~感恩呀~~~~~~雖然臨放工時有少少的不完美~不過算啦~~重點係~~我放假了~~~連埋星期六日哥d…一連放九日呀~~~好開心呀~~~~有4個月無放過自己假喇~~~~high翻天喇~~~~~~yoho~~~~亂叫亂嗌~~~~係屋企狂叫囂~~~(好似野人~~)



生日第二波節目:中午食飽飯坐左陣…就去左high tea~今次我地去既地方係—-澳門觀光塔macau tower~~~~好高好高既地方high tea呀~~60樓360旋轉餐廳~


2012年3月8日 星期四

我的生日會@毛寶屋企2011

今日係婦女節…….照計我應該有份享受先岩….偏偏今日過得超sad……d小朋友學校放哂假…..跑哂上黎我地度囉…..超多野做呀今日……..做到火哂……..五點半之後我以後自己可以收復失地…..點知…………….仲有更黑既野等緊我….不過…唔係度講喇(我內心既粗口係有一大堆……)……希望番埋聽日工順順利利啦…….我今日做到有d想嘔呀….由依家開始我超憎婦女節…又唔係有假放….搞個咁既節日做乜q呀?!



yoho~27歲的第一天~希望個樣無咩點變~同26歲差唔多je~



我同大家講過…我唔鐘意26呢個數字…所以當我前年成為26歲時…我心…..有d唔開心~~但依家跳左去27歲喇~~當堂有型番呀~~

2012年3月7日 星期三

我的生日會@美心亨利2011

點….解……點解我硬係覺得今日係星期四….點解….點解聽日唔係星期五………………同d客講野講到喉嚨超乾…..出面等緊d人又嘈…..不如公司整個咪俾我地啦…..哈哈…好似幾好喎~保住我把靚聲~快喇快喇~番多兩日工就放假喇~加油呢~~~~~~~~~今日見你番左黎~精神左又紅潤左~雖然瘦左d~不過都放心好多呢~



hehehe~今次篇blog會比較多相….不過原諒我啦~我生日會d相黎架~~今次幫我慶生既係七公子+小 i bb呀~~~~~(仲有尖子囉…哈哈~)


2012年3月6日 星期二

我的生日會@星際蘇淅滙2011

yoho~今日既工作量正常番少少~令我有變番做人既感覺~~天氣好潮濕呀….濕到噚晚訓覺時好難以入睡……硬係覺得空氣好侷…..好難抖氣……….所以決定…今晚開冷氣訓~!唔係唔環保呀….係醫生建議媽媽開架~



繼續繼續講我舊年既生日飯呀~呢餐係媽媽請我既生日飯~就係我生日既前一晚食既…媽媽話想食上海菜….同埋想食星際酒店既蘇浙滙~食之前無咩好感…因為我之前食過佢中午任食……好似98蚊位….點心紙d野都幾吸引…..不過係一d都唔好食囉……亦無諗過會再幫襯……..不過媽媽話想食呢間就去試下夜晚啦~


2012年3月5日 星期一

我的生日會@阿paul屋企2011

好恐怖…今日真係好恐佈….我知今日係星期一….正常黎講係多野做d….但都唔係多到咁呀下…..痴線架囉……..如果下晝五點半唔出聲……我諗到依家七點呢個時間都未搞掂d野呀……….不過小i都好慘….本身今日番早……..點知要開ot幫我地…對不起呢.. ;[…..本身今朝一起身全身充滿快樂因子….點知….依家已經走光光~



今次都係屋企人開P~之前先岩岩開完咁快又開??因為阿婆見我地上次食得咁開心~佢話出錢大家再食過喎~(其實阿婆都好為食架~)…今次有蟹棒~我覺得呢隻蟹棒用熱水燙一燙佢會好食d~


2012年3月2日 星期五

聖羅撒園遊會2011


今日又打敗仗喇….噚晚訓哥時都覺得自己唔妥…..今朝起身個頭又痛…個胃又嘔又反胃…隻眼扯住…頭暈………..所以都係決定上山頂睇醫生…..不過今日等左成兩個鐘先睇完….算啦….今個星期病好過下個星期先病…….呢個禮拜一定要全力養好身體去玩!!我有個同事同我一樣有偏頭痛……我地呢個禮拜頭痛既時間一樣…..上個禮拜五一齊痛…..之後佢星期二三請病假時我都有痛…不過無佢痛得咁犀利….今日媽媽幫我番公司交假紙….原來佢噚晚開始都有痛…不過今次佢又無我痛得咁犀利……我諗…真係因為呢個”春天”既天氣….食左藥訓覺…我發夢…自己行番公司….番工….坐低做野…..同事見到我問我請病假做咩仲番黎…我答佢:要做野架嘛!!…………..我發夢都掛住番工….你睇我幾愛公司…….不過訓醒個人仲係暈暈地…..睇黎我要練大隻d先得…唔係星期日點食自助餐呀!!



我係~我係自戀~你又打黎話我醜啦!!!不過唔準你話我似咀角屎!!


2012年3月1日 星期四

屋企開P~

今個星期其實我覺得我成個人都係反下反下….唔知係咪天氣又轉…..所以有呢種感覺…今日下晝坐係counter都覺得自己又有反胃想嘔既感覺…同埋隻眼扯住扯住….上個星期五先至頭痛完咋喎….今個禮拜唔好對我咁狠心啦….明明人地已經好乖咁晚晚唔夠12點就覺覺豬喎……….乖啦~唔好成日痛啦~…………………部自助機一開左….以為會好d…點知仲衰…..



有時屋企人久唔久都會話開下P~巧立名目開個P其實都係兩個字:為食~