我懶左好耐無寫blog喇~成個幾星期….因為聖誕節嘛~玩玩玩玩~超開心~~~
咁講下聖誕節做左d咩先~我地24號平安夜過左香港~最主要做既野係—-要陪毛寶寶去apm買對鞋…..第一次去apm…華….鬼咁遠….搭成廿九幾個站先到~….最後…我地發現…..將條線倒番轉黎搭…..係會少好多個站…..你班傻仔~不過apm都幾大既….但係我覺得d聖誕裝飾都唔夠多既~~~
毛寶後來搵到對差唔多款既鞋…但係慳番一大筆…於是豪氣的請了其餘兩寶去板前壽司食中午飯~多謝毛寶~
行左好耐都係買得哥一袋…去埋又一城~不過其實都無咩買….五日前飲好姨哥餐先行完…新鮮感已經無哂~行到好攰好攰…..想搵個地方坐低食野….唔記得左呢日係24號…d人應該會癲哂咁出黎搵野食….不過我地揀哥間餐廳睇落超大….我地又人少…好快就可以有位坐低~係食越南野架…叫rice paper…..我覺得d裝修幾靚架~可惜坐門口睇唔到入面
飲左個好好飲既芒果橙沙冰…好有果味呀~
佢地哥兩杯rice paper punch都好好飲~
呢個生牛肉河真係不得不提…..華..d牛肉好好好好好味~~~
炒雜菜就ok啦~
仲有叫豬頸肉同牛扒…燒豬頸肉超嫩超得~牛扒好衰~
我地好癲…仲多左個咖哩海鮮..跟飯….勁爆好食喎….我本身已經好飽….但係見到d汁咁好味……又撈d飯食….真係好好好好好味~
聽講又一城棵聖誕樹係最高….都幾靚既~
最後都係無乜買到野….兩件衫…同一條頸巾…一d即沖湯…無喇….買衫哥時送左隻熊仔俾我…..er…其實我唔係咁想要…因為我懶攞…..但係由於有人睇中左熊熊件衫仔….咁唯有要左佢啦…..呢張相係呢隻熊仔著住呢件衫既第一張…亦係最後一張合照~佢依家光脫脫咁訓左係我張床度~
平安夜就係船上渡過喇~爆勁眼訓…恰眼訓恰到頸都就黎斷~
星期日哥日行過新龍…見到有好得意既卡樂b扭蛋喎~有我第一賣飛佛燒烤味…同第二賣飛佛熱浪….但係我最想抽到既….係我近年好愛既—-jagabee薯條…睇下佢係左上角….仲可以倒到d薯條出黎架….好得意好得意~~~~~我好想要~
第一次抽中既係ok鐘意食既pizza味薯片….好嬲咁用十蚊抽多次….又係pizza味…頂…唔憤氣抽多次….蝦條
其實都幾得意既…打開佢後面透明見到佢d薯片蝦條~
佢仲寫住not eatable….係咪話俾我知架??….哈哈…我都係想要jagabee呀……..唉~
想知我有幾懶…可以睇下我今日同媽媽既對話
媽：喂!雪櫃買左藍莓俾你食喎
我：er………….你唔攞出黎我唔食架
媽：攞左d藍莓出黎係廚房呀!
我：er…………你唔洗左佢我唔食架
媽：喂!洗淨左d藍莓擺左係枱度喇食啦小姐
我：er…………媽媽你最好可以做下好心放埋入我個口度啦
媽：下?!你去0也屎啦…#%^%$&^%#
哈哈…我就係咁懶架喇..媽媽都吹我唔脹~
噚日開開下ot….突然好想獎下自己
食一舊好濃好濃既朱古力蛋糕….呢隻味係我記憶度~
諗緊呢隻咁好味既蛋糕係邊度買既時候…..
突然諗起—-係我自己整架~
我只係整過四次…其中有三次係某人既生日(唔知哥個人記唔記得tim~)
唯一哥一次係因為太耐無整要係佢生日之前測試下整得好無食….結果爸爸媽媽獨自將整個蛋糕食哂….
…………..等陣先…..我唔係自稱自己雖然胖0都0都但係唔鐘意食甜野既咩????點解諗起要對自己慰勞下既時候會諗起朱古力架????仲要係蛋糕……我不嬲都話我唔鐘意食朱古力…又唔鐘意食蛋糕架喎
點解我會搞成咁架……死火………..
其實我今日好聽話架喇…我無食兩碗飯呀~
沒有留言:
張貼留言