2009.10.17—-第三天(Part 1)
食飽飽之後阿志雲大師就同我地講：聽日參加左自費行程既團友會好早起身呀..因為我地會睇埋日出…..我地會預備埋早餐盒俾大家團友架喇……..(跟住我就心諗個morning call既時間係4:00鐘之間…都ok既~)…..志雲大師再說：個集合時間係—三點三﹗所以morning call係兩點九………華…唔係下話………..我通常會俾morning call個時間早九個字起身….所以我既morning call時間係：兩點正﹗
唔記得講….我地係俾左135蚊美金去參加呢個項目….就係去參觀志雲大師口中所講：參觀完呢個其他既都會俾佢比下去既…….阿布辛貝神殿(Abu Simbul Temple)—-擁有3300年歷史..神殿曾埋於沙土中長達二千年…直至1840年才被發現…由於長年埋於沙下…免受陽光..雨水侵蝕…壁畫得以完整保存….另由於新建水壩使水位上漲….為使阿布辛貝神殿免受水淹….1964年聯合國將之分為1060份….遷至上游地方……華超犀利…將成個神殿搬去另一個地方~………之後我地先知俾左成千蚊葡紙參觀費….神殿內部係無得影相架…..不過唔去….我又覺得一場黎到無理由唔去je~
早上三點十五分….呢兩個小朋友挽著她們的早餐盒上車喇~
根據毛寶憶述….有軍警為我地一大排旅遊車開路….點解我會唔知?因為我一上車已經訓到死左~
訓之前都有食下個好簡陋既早餐盒既….有d好臭既芝屎查包….又係唔知點解…一個人要有咁多個包…痴左
之後我訓訓下俾人拍醒左..我超嬲口臭住咁話：咩事呀?!………..毛寶拍醒我…原來…..已經日出喇~~~~~~~~~
由只係露少少曙光….到大大個咸蛋黃慢慢升上天…..第一次在沙漠睇既日出………..好美~….可恨無得停車…….俾我同呢個沙漠中的咸蛋黃黎一個合照…只可以係車上面影咋…………但呢個美景…..已在我腦中…..
根據毛寶憶述：係架車行到中途又未日出時…..個天好黑好黑….又無其他燈光….因此見到………………成個天都係星星呀…..有好多好多粒….好靚呀……
我：咁靚咁點解你唔叫我起身睇呀?
毛寶：華…叫你起身唔驚俾你鬧呀?
我：咁你又叫我起身睇日出?!
毛寶：……………
就係咁….我同滿天星斗…..緣慳一面….可惜…..不過毛寶說還是飛機上面睇哥次靚d….因為好似近d(唔知係咪要黎安撫我既情緒)
坐左成三個鐘頭車….係七點幾既時候…我地終於到達喇….呢個係神殿的屁屁…由於我地驚乜都無得影….所以連後面都唔放過~….個天氣已經開始慢慢熱緊喇….熱氣上升~
行行下見到有個海….志雲大師沒有解說…於是我同毛寶就老屈呢個海…..就係地中海喇………..係咪好靚呢~
行緊途中…..又斜又熱…七十幾歲….屈親腳….又通過波仔既婆婆……你到底係點樣憑你既能力行上去架…我都好攰呀
行到最頂點….突然間見到?!……….阿布辛貝神殿好宏偉咁出現係我地既眼前….好靚好靚呀…………係點樣起架???點樣逐件逐件切開再砌番埋一齊架???點解砌得咁完美無暇既?
好大好靚呀~好彩外面可以影相咋…原來裏面先唔俾影~
兩個在阿布辛貝的長腿叔叔…..哈哈………
由於阿布辛貝實在係太靚喇….所以寶寶說他都要出來走走
真係又大又靚又宏偉呀~
今日真係好凍好凍呀(對我黎講)…….
我好唔鐘意又凍又乾….又唔鐘意又熱又濕…..
我係咪其實唔係太適合住係地球呀???
沒有留言:
張貼留言