係12月25號哥日…..十二點一早起身…等毛寶等到三點先出門口….中午既聖誕大餐係我地都好愛既蝦堡~
d人一定以為我地癲左…m記都要影相~
跟住就收到聖誕當日收既第一份聖誕禮物喇~謝謝寶~
超勁鐘意呀~有一隻好得意既白雪雪熊~有一隻佢自稱好似我帶左眼鏡既聖誕老人….隻聖誕老人纏住既係一支……….我好想一支飲入肚既Moet!!!!!!!!!!!!!!!!!!!!!仲有近期好鐘意既Godiva酒心朱古力一大包…..開心得眼淚快要流出來~
食飽之後咪去左venetian行下街囉…唔小心又買到野喎~仲俾我地見到好得意好得意既薑餅人四大塊~~~~~~~~~~
買完一輪野開心完就去約左班妹妹去笑面府食飯慶祝聖誕~我好鐘意食佢地既沙律~今次仲叫左琵琶蝦沙律…仲有聖子王….好好好好好好好好好好好味呀~~勁大碟呀~~~~
其中既兩個妹妹~~~~~~~~~~~
叫左個薑醋馬介休…聽落好怪….但食落又幾夾喎~
仲有帶子魚翅飯~呢個幾好味喎~~真係魚翅撈飯~~~仲有我最愛既香草焗蝸牛~可惜無哂麵包啦~~~~~~~
呢個唔好味囉….咩杏脯栗子汁燒雞….真係好麻麻…………..
仲收到唔同人既各種禮物…哈…又有人送Godiva喎~~~~
今日有一段好溫馨既場面~
事緣係個客俾一千蚊我…..但要我找九百五十蚊~
我:我無咁多散紙喎…你等我一陣等我幫你去唱呀~
阿姨:好呀!唔該哂~
我一擰轉身…..對腳一野撞埋個鐵櫃桶發出澎一聲….我當時強忍叫痛走左去唱散紙
我:小姐找番九百五十蚊俾你~
阿姨:頭先你係咪撞親對腳呀?
我:er…..(諗住想扮野話唔係….但係衝口而出)…..係呀痛死我喇………兩隻腳一齊撞埋去
阿姨:咁呀…你番去屋企記得搽油呀
我:?!….er…..其實我每一次撞親….都唔會理佢架~
臨走時阿姨再提一句
我:搞掂喇拜拜~
阿姨:番屋企記得搽油喇唔係會瘀架拜拜!
華……..咁好既客係邊度搵呀~成日俾d客問候我….今次咁另類既問候….都係第一次咋~
我經常都會係公司撞親腳….最多次數就係哥個鐵櫃桶…個原因係….我成日開完…唔記得珊~…..第二高機率係printer…..第三係木櫃桶……
仲有另外一段對話我想講下…由我媽媽提供….係關於卓x纖體打黎我屋企同我媽媽既一段對話
媽媽:喂..搵邊位?
職員:我地係卓x纖體打黎架..想同你推介一個優惠
媽媽:下…唔使喇
職員:依家真係好抵架…黎我地度登記……就會…(佢未講完)
媽媽:我事頭同小姐未番呀….我決定唔到
職員:咁唔緊要啦…我夜d再打過黎同佢地推介…咁…
媽媽:哎呀你唔好阻住我啦我仲有好多野未做架…陣間佢地番到黎我未做哂d野就死喇…係咁先啦~
華…..扮工人呢招都出埋真係吹你唔漲囉~….聽完我差d噴番d粥出黎~
我相信呢篇係2009年最後一篇blog啦~
係2009年…我記得既野有:
1.有兩次喊得好傷心既紀錄…兩次都唔同原因
2.唔計香港迪士尼樂園哥次….今年破紀錄地去左成四次旅行…..韓國…日本…泰國…埃及….玩到夠哂皮咯~
3.有一科好難既科目要retake…
4………………………唔記得喇…….
算啦….希望新既一年又有一個新既開始….無哂煩惱~
咁我祝埋你地happy new year~
好難相信已經到左2010….諗番起我入職哥年…叫2004~
沒有留言:
張貼留言