2013年11月21日 星期四

南非觀獸美食之旅2013-10-23第三天Part 4(晴天)

wow~我懷疑我噚日講錯野~竟然話覺得幾輕鬆....即刻今日賴哂野~~~~我收番啦~~~求下你啦~~~下個禮拜又要過隔離學野.....根據我上幾次學野學到成個傻仔咁既經驗....今次都應該差唔幾......不過今次係黎真既....唔再係以前咁玩幾野就算......真係心情有點矛盾~畢竟做同一個工種做左9年半...現在來學新的~~人家已是老人家了~~~可能接受不了新事物~~~驚驚~~~~~



2013-10-23
Day 3---Part 4(南非,開普敦 South Africa,Cape Town)
咁樣係燈塔上影落去大西洋真係好靚~




之前有講....纜車係包我地來回既.....不過毛寶話想行番落山慢慢影相~加上纜車最尾一班只係開到5點....哥時已經4點55分~~~咁就~~行落去囉~~~一路行落去既景色都唔錯既~~~






由於呢日超級好天~~~所以呢段無遮無擋既路真係十分曬~~




好彩呢段路唔算太難行~~~大約行左10-15分鐘度就行到番山下~~~~~~




哈哈~~行到落山又係時候睇紀念品...最開心係今次我買左11個郵票終於買齊左big5喇~~~~~我寄左6張俾自己...好彩~~~最後都收齊哂~~~(有兩張係遲過其他個幾禮拜先收到~嚇死~)




買完上車....坐車去一個遠少少既地方影一影呢個到此一遊既牌...就係話你來過好望角(Cape of Good Hope)了~呢度勁大風大浪...望下我身後既浪~~~~~~






周圍翻起既浪超多超高~如果我倒左落水應該無咩機會翻身....




到底呢度有幾大風...我地搵左寶寶幫我地做左個測試XD~~(睇時請將音量收細....因為風聲實在太大~~會嚇親你~~片中毛寶想示範有幾大風....雖然手腳係佢自己郁既~~但係睇下佢條褲就知有幾大風~~~仲有最尾我放左寶寶出黎....d風係吹起哂佢d手手腳腳!!!!!!!!!!)




呢日行程完結~~今晚食中餐~




呢晚既晚餐標題係:原隻南非鮑魚及全鮑宴.....本身對呢餐期望超大~~~終於食到南非鮑魚!!都幾大隻!!!不過..........個汁好難食....唔似一般食哥d味!!!酸酸地咁...鮑魚亦無鮮味!!!以!!!!!!!!!!!




其他所謂既全鮑宴.....就係炒芽菜入面有幾條好似米粉咁既鮑魚....其他都係咁....咁佢都無呃人既....但係好多汁都係上面原隻鮑魚d汁...唔好味!!!!由呢晚開始我地食親中餐都係同另外相同4個團友一齊坐無轉過...好彩佢地係我地成團裏面最易傾得埋既4個人...好彩咋~~~~

仲有....食飯時傾傾下計...呢4位團友聽到我地每人換左200蚊美金都好驚...仲問我地想點使哂佢...我地都話唔知呢~~~~~wakakaka~~~~之後哥日佢仲問我地想唔想換咁d南非錢...佢幫我地換d因為佢地哥d使哂~~~所以我地每人換番25蚊美金入袋~~~哈哈~~多得佢地咋~~~如果唔係都唔知點用哂~~~~



呢餐中餐唔好食~~呢晚同之前一晚都係住哥間靚酒店Table Bay Hotel.....所以我地番酒店放低野又行去同酒店相連既V&A商場....行下~買下手工藝品(就係呢個時候發現商場既貨品同睇海豹哥個碼頭既跳蚤市場講價後既價錢一模一樣...仲要係乾淨d既...咁我地又入一入貨~~)...買完又去搵間餐廳坐低....食咁d錢佢~~~~~試左第二間餐廳~~~一坐低送個小食俾我地~~麻麻好味...個包似餐包....紅色的醬就好似pizza hut哥個肉丸咁樣....




我叫左杯白酒飲...好似50幾蚊hkd~ok好飲~勝在幾大杯~




最主要我地想驗證下...朝早係酒店食既生蠔係好爽...但好細粒又無蠔味........咁係咪開普敦既蠔都係咁呢???所以特登係餐廳叫生蠔再試下....點知....呢隻已經係叫做大size既蠔....但完全唔覺大仲好瘦....定係南非d蠔都係偏細既?????都唔覺得特別鮮美~




呢個係Mussels served with a choice of creamy garlic sauce....大約130hkd.....不過青口完全俾個汁搶哂味....一d都唔鮮美~~明明開普敦向海架喎...點解都搵唔到正海鮮既???唔通因為係春天d蠔未生好???諗住唔跟團自己搵食會好d添.....不過叫做試過下南非煮的海鮮~




呢日既收獲~~好鐘意右上的木製動物~~postcard都很美~~




超喜歡呢兩個磁石~~超美~~~屋企個雪櫃又多左新成員~~







唉...
很累~
很想去旅行~~
有這個想法...
有很過份嗎??



今晚好開心呀~~~
因為媽媽煎泡菜餃子俾我食~~~



快d到星期五啦~~~
好想快d到放工哥刻~~
我想去食野~~我想去玩~~
(因為好慘呀...下個禮拜開始
連續3個禮拜6...夜晚7點到10點..
要上公司d堂呀!!好慘呀~~~
呢個係每個星期既最黃金時間黎架!!!
咁就無左.......)

41 則留言:

  1. 我都好想考完試去旅行呀T_T ~~
    好多長頸鹿呀我見到 hahahaha
    o係好望角既到此一遊相好靚靚呢~~最鍾意大自然 XDD

    回覆刪除
    回覆
    1. 哈哈~~你直頭要啦~~咁辛苦~~~又番工又番學...想當年我都係咁...我覺得幾攰~~~
      wakakkaka~~無錯~~~留意下下禮拜篇blog你會仲開心~~~
      無錯~~大自然景永遠好看~~

      刪除
    2. 係咪影左好多長頸鹿比我睇呢>3<

      刪除
    3. 係呀baby你好叻呀佢好可愛搞到我都好鐘意佢〜〜

      刪除
  2. 嘩,d郵票都幾特別喎,不過我唔敢寄番香港,就咁帶番嚟算嘞。寄失咗就唔抵啦,最多咪冇個stamp chop。

    回覆刪除
    回覆
    1. 其實我寄過咁多次...淨係寄失過一次...哥次係布拉格~~都可以接受~~
      無左個chop我覺得失真呀~~~

      刪除
  3. 木製動物,我都超鍾意!

    回覆刪除
  4. 程寶最後橋晒腳個post好有型呢~~!!!
    貞都好想去玩AR!!!!!!!!飛AR~~~台灣泰國好耐都未去過LA~~

    回覆刪除
    回覆
    1. 哈哈~~太大風了~~~~
      我都好耐無去泰國...成3年幾未去過~~~

      刪除
  5. 食物方面真係窄窄地,好似無啖好食

    回覆刪除
    回覆
    1. 完全係無一餐會有好好好好味既感覺~~

      刪除
  6. 妳要增值自已、唔好落後比人嗎~~~~努力上堂啦
    有鮑魚咁好........粗粗地食住先...........係外國食中菜味道有時麻麻哋呀

    回覆刪除
  7. 咪就係有個旅遊牌果度囉,吹到我頭都'luck'
    在外地食chinese food 真係爭d,南非食物真係唔好食
    d stamp 巧靚呀
    你問去澳洲的車程耐唔耐,都唔算太長,無歐洲咁耐
    不過我係跟團去,如果你諗住自由行,要玩幾個省份,都要用好多日
    咁又係老土嘅,星期六上午上course就好d囉

    回覆刪除
    回覆
    1. 哈哈~~~不過哥度唔夠角點大風~~~
      但我舊年去德國d中餐又幾好味喎~~可能哥度中國人多d卦~~
      哈哈~~都係諗緊咋~~
      咪囉...夜晚上真係覺得自己好慘..又無得約人去玩~

      刪除
  8. 諗起"溏心風暴"一劇大鮑話要去南非開鮑魚店XD

    回覆刪除
  9. 小t呀, 蠔係天氣越凍越肥美, 10月尾南半球走向夏天, 應該係唔當造呀, 照計南非蠔係唔錯架嘛

    回覆刪除
    回覆
    1. 但係哥時佢先岩岩踏入春季咋喎~

      刪除
  10. MY █▄❤VҼ 小t•*¨好正呀...對住大海...又吃南非鮑魚
    近排無去玩呀。.°就係掛住整屋企野喇...覺覺豬時候又到喇喂Zzz¤.✿。.°

    回覆刪除
  11. 啲郵票真係好靚 可以集齊一套big5 確是件開心事
    想去旅行這個想法唔過份呀 因為咁先有動力推動自己更努力工作嘛 :)

    回覆刪除
    回覆
    1. 無錯~~好彩寄得哂番黎~~~
      你講得岩~~有你呢句說話支持我真好~~

      刪除
  12. 最怕有錢都買唔落手,咁樣濕平就冇乜癮。團餐伙食麻麻真係預左架啦,叫左你唔好對南非鮑魚期望咁大架啦。

    回覆刪除
    回覆
    1. 係啦~~哥度真係無野好買架~~~~
      我有聽你講架~~~不過估唔到咁難食呀嘛~~~

      刪除
  13. 學新野髮乜驚呢? 只是上堂真是令人傻咗咋.

    回覆刪除
    回覆
    1. 唔係架都...好驚自己學唔好呀...會好無自信..

      刪除
  14. 境咁靚,但啲嘢食咁難食,都幾難搞。不過你買啲嘢都幾靚吖。
    唔過份,我都係成日想去旅行架啦,諗下都得卦。
    嘩,星期六晚上堂咁慘架,搞到啲時間唔上唔落,堅老土喎。

    回覆刪除
    回覆
    1. 我買哥d真係千揀萬揀左揀右揀先係咋...平時去日本買野係買左驚無錢俾架嘛~~~waakakaka~~
      heheh~~其實我成日都諗的~~
      係啦...搞到又約唔到人去街..

      刪除
  15. 你第二幅相好似盲人.
    鮑魚俾啲汁破壞真係嘥哂.

    回覆刪除
    回覆
    1. .............................................
      其實個質地都唔好味

      刪除
  16. Hi 小t, 增值自己是好架!唔使驚喎!我一定支持妳喎!大西洋靚景真係好正!我好開心有d 舊地從逰feel 呀!Cape of Good Hope 到此一遊個牌、十幾年都冇咩㸃變喎!後面d石我地仲成斑團友影團体相呀!中餐食鮑魚、我個時要自費架!$320 一隻、!又想去旅行是正常呀!我都想去旅行、但冇假!小T,其實有冇星探搵個妳拍廣告喇???bye!!!

    回覆刪除
  17. 真係怪, 去川菜館叫佢地煮飽魚, D鮑汁當然係酸辣, 廣東人唔食辣, 所以D鮑汁係酸囉. 上海人或山東人煮鮑魚, 還比四川人好, 因為沿海嘛, 四川內陸, 唔慣煮海鮮. 其實鮑魚係瘦物, 無乜味, 要用豬油或雞油煮開佢, 再要用雞湯或火腿湯煮, 才會發出鮑魚鮮味.

    CAPE HOPE那裡少海鮮, 主要可能係當地浪大又水流急, 生蠔要係一個水淺浪細水流慢的海彎才會有, 好似流浮山的后海灣. 大概那裡的生蠔不是本地, 是外地來, 不是新鮮, 而水質和水流又不是太理想. 通常肥的蠔係少D鮮味, 一張紙咁薄的生蠔才會鮮味.

    下次你去旅行, 你可以帶頂鴨舌帽, 或有闊邊的帽, 遮下太陽, 我今次旅行D帽, 全部都有大闊邊, 有頂仲係有塊布垂下, 遮到膊頭和大部份面部.

    我這裡的生蠔一兩蚊一隻, 即開即食, 好味, 青口也不貴, 4元2磅, 買回來自己用水煮熟, 再撈蒜頭豉油. 不過, 新鮮魚要去唐人街或特別海產店才有.

    回覆刪除
    回覆
    1. 真係唔係講笑..好難食...
      都有可能啦..因為真係好大風大浪~~~沖走哂d海鮮呢~~~
      帶cap帽唔係唔好..係太大風會吹走~~~~
      好想食下你地d生蠔~~

      刪除
  18. 小t, 其實你仲好後生,學新嘢都會好易上手的,唔需要擔心啦,你個樣子咁精靈,一定係聰明女!多謝你的旅遊分享,好精彩!

    回覆刪除
    回覆
    1. 希望啦~~如果學得唔好我會好無自信~~
      謝謝到訪呢~~

      刪除
  19. 老人家了?嘩,靚靚您傷害了好多人喎!
    您坐的那幅相效果好好呀!
    南非鮑魚 ..... 無鮑魚味 ...... 失望!

    回覆刪除