熊出沒燒烤料理

哈哈~~~今朝食左我朝思暮想~夢寐以求既肥仔記雙雞翼薯仔米中辣~~~多謝小i請我吃呢~~~我覺得小i去買的特別好味架~~~唔知點解呢~~~~~朝早食到咁飽~我中午諗住乖乖的回家吃白麵包的....但係...咁岩線今日同朗公子一齊放點半....朗公子話係天狗蝕日喎~一定要同我出去食....所以....我跟左佢出去食拉麵~~~~~~~~好開心~~~~仲走左去自由行d野睇睇~朗公子問我：咁快又睇定出年呀??...我：唔係呀~我upgrade下自己d旅遊資訊之嘛~~~~哈哈~~其實我成日都攞黎睇的~~等自己keep住愉快的心情嘛~



澳門食任食烤肉既地方真係唔多~呢個以日式燒肉放題做主打既熊出沒燒烤料理係幾個月前開張~咁就去試下~....地址：澳門沙梨頭52AB楚昌大廈B....電話：2895 7168.....我諗最好訂位...我地食哥時食到9點幾10點仲有人等....依家我唔知呀下~價錢係成人：$228/兩小時.....如6點前或10後入座就成人：$198/兩小時.....都幾貴喎~之前見好多同事係fb洗板去左呢間野食....去試下囉~

最鐘意d女仔食野食得個樣咁狠勁~




咁佢除左烤肉之外仲有好多其他野叫既~例如刺身..鐵板燒..炸物..沙律..壽司..甜品之類之類~未見過任食咁多張紙叫野食~不過望到眼都花~坐得一d都唔舒服...超窄位~

其實叫野食既品種選擇幾多既...刺身都有多種選擇

當日就每兩人送一隻龍蝦~都幾大隻下~

不過我第一次見.....燒烤爐要墊住張紙燒?!?!好似話洗碗哥個野發哂爛炸話唔洗燒烤塊野喎....於是墊紙燒....但我想講令人燒得好唔方便囉!!!d野成日郁黎郁去!!!!!仲有張紙又唔係襟燒...超易燶!!

牛肉既種類非常多!不過唔算特別太好食..牛味亦唔見得太多~

海鮮都有d平昤見唔到既選擇...帶子呀....大蝦呀...不過都係哥句.....無鮮味!!!叫左一次都無翻叫囉

刺身.....味道還可以...我已經降低左我既要求....同埋幾薄片下~

壽司同卷物都係好一般般~

沙律算係幾好味既一樣...但唔使煮的...

炸物算係幾唔錯~

最後終於食到甜品......哥個和菓子難食到不得了~~個皮超硬.....綠茶雪糕比較好!!

總括黎講：任食既野都係信唔過!!!200幾蚊仲要加一我可以去d好少少既日本餐食....仲要坐到我腰骨痛哥下衰....所以俾我列為無下次之選~一句講哂~唔推介~





今日天陰陰...
我有點頭痛~
不過食左藥....又好了一點~



南非之旅就快出~~~
請耐心等候~~~~~~