2013年10月17日 星期四

新東海美食(教主御菌軒正宗雲南紅河米綫)

今日都幾多野做.......仲要係又多又煩哥隻....不過算啦~~我當佢係我放大假前既考驗~~~~~考驗埋我聽日就放~大~假喇~~~~~~~好興奮呀~~~~~~等左成年既大假要來了~~~~~終於今日就上哂個課程~儲左12粒鐘~要再加油~



呢間唔講唔得啦~~~人稱澳門廚神既教主....係雅明商場附近條橫巷開左間以雲南米綫做主題既"新東海美食"....點都要去試試~地址:板樟堂龍安圍5號華龍閣地下A座....電話:6376 2059....或者6376 2069.....好似逢星期一休息的.....簡單d講佢就係我地充滿兒時回憶既鮮果撈舊鋪位~




呢間鋪確實裝修得有點古色古香~但毛寶你有無必要搞到個場合好似鬼片咁~~~~~~~~~~~~

中間哥張相就係人稱既"教主"....教主有上過電視架~~~



教主奶茶 $15....我飲左一啖...不過我唔係成日飲奶茶~唔識講佢好無飲~




佢d野食都幾多元化的~不過一場黎到就梗係試試佢既雲南過橋米綫啦~~~~~~佢會攞出黎係你面前即場"過橋"的~~~個湯攞到出黎係超級熱辣辣的~~~~~~~




雲南藏毪牛過橋米綫 $58......材料非常豐富~~有:藏毪牛花腹肉片,熟咸雞,豬脆粒,宣威火腿,芽菜,豆皮,紅河酸菜,春旦,紅土野菌,芫茜蔥,青菜,蔥花,米綫一客.......起初以為d藏毪牛肉會好鞋嘛(因為食過d人買既手信毪牛肉乾...超硬)....但又唔係喎~~~仲好有牛味...好正~~~咸雞都好正~~雞肉唔怕鞋...套用某人話齋:食雞有雞味~~~超有雞味~~好正~~~加上佢落左紅河酸菜...連埋d米綫一齊吃....風味甚佳~仲有~食極都係熱既~加分~




雲南鮮土雞湯泡飯 $35........雞唔使講啦~食雞有雞味~雞湯做泡飯點會唔好味~~~加上份量超大~




仲叫左個教主招牌鵝肝醬菠蘿包 $30......唔~~~好好味呀~~~~~鵝肝同菠蘿包好夾呀~~加埋煙鴨胸係裏面~~~~~好正~~~~~




呢餐食完已經立志下一次去試埋其他野~~~咁多野才$138~




除左雲南米綫之外...佢仲有雲南蓋飯.....試下先~~佢有好多都有套餐叫...即係飯既原價加幾蚊有野飲哥隻......不過我呢日無叫餐......大理紅紋土雞肉蓋飯 $35.....係咪睇落黑黑實實唔多開胃???不過食落又另一番風味喎~汁確係整得幾好味幾好送飯哥隻...而d雞就一貫食雞有雞味~




教主自制花枝球米線 $28......講真...唔係唔好味既....但佢既墨魚丸又點夠兄弟行黎丫~~~~兄弟行既墨魚丸先係最正~不過你哥以睇到佢d野食落到出黎真係好夠熱~~~




今次再試教主迷你版菠蘿包 $55




上次既鵝肝醬煙鴨胸係鐵膽~正~





呢個芝士三文魚都整得好惹味~




仲有一個係和牛漢堡~不過我食落無咩牛味..反而係蕃茄加埋佢d汁咁juicy又真係幾好味~~~其實3個都唔錯~不過我仍然覺得最好味都係鵝肝醬~下次再叫我會叫番第一次哥個~




話咁快去食左第三次....哥日就係我肚痾發燒哥日....我叫左雲南紅土野菌米線 $32......超足料~不過我哥日無咩胃口...食左兩啖就停手打包~




雲南野菌頭初旦鮮茄湯飯 $35....講真~清清地之選喎~我覺得幾好味~~而且又係成個盤咁大個~

新東海真係幾唔錯~我地去左咁多次就知啦~d野唔算貴~好味~選擇多(我地食左3次都無叫重複)~大份~而且我最欣賞就係佢地攞出黎既野夠哂熱辣辣呀!!!睇下張張相都有煙出的....我最憎去哥d餐廳攞出黎d餸呀..湯呀...只係用暖黎形容..就大扣分啦~同埋我覺得佢幾細心喎...我食唔哂叫佢打包..佢包左超耐....後尾發現佢幫我米線自動波分湯打包(雖然係我俾打包盒錢)...但佢重有幫我將d湯再翻熱先幫我打包...係邊度搵?!?!?!?!佢係新口岸開左間厚薄牛扒原味燒...好~我下次去試下先~(你間唔中仲會見到教主架~~好似明星咁~哈哈~)





哈哈~~~
過埋聽日.....28歲.....
星期六就會踏入29歲....
感覺好神奇~



報時:距離南非觀獸美食之旅2013仲有---3日~
仲未執好哂野~

38 則留言:

  1. 哎吔, 我超鍾意熱辣辣, 呢間啱我!
    不過我真係唔記得咁多, 都係下次過大海前搵你取經把啦. XD

    回覆刪除
    回覆
    1. 係呀~~我都鐘意熱辣辣的~~~
      好呀~~~或者可以黎我個分類度睇睇美食之夜睇下有無野岩你食~~

      刪除
  2. 哈哈哈~~食雞有雞味~~XD飲湯有湯味!!!
    你今年既生日其實有好多特別事發生架!
    你生日歌日同我某學校既老師都係同一日生日
    種有我去畢業旅行
    本來我表哥都係呢日結婚架,但有D事所以要拖到1月先可以結...

    回覆刪除
    回覆
    1. wakakakaka~~你都知邊個啦~~~~
      華~又會咁岩既~~~我淨係知你去畢業旅行咋~~~
      點呀執好野未呀~~~~~~~~
      明天你出發喇~~~要玩得開心d呀~~~~~

      刪除
  3. 唔洗急, 仲有時間 :) 我次次都係臨上機前o個幾個鐘先執, 突然間個小宇宙會好勁, hur hur聲就執好晒^.*

    回覆刪除
    回覆
    1. wakakkakakak~~~我就鐘意拖長黎執~~~~~
      懶係執下執下發現無咩仲可以去買~~~~

      刪除
  4. 妳是否星期日飛?~~~提早祝妳生日快樂及遊戲愉快,有艷遇~~~~~~哈哈哈

    回覆刪除
    回覆
    1. 我星期一夜晚飛呀~~~依家已經好緊張喇~~~~~~
      謝謝祝福~~~

      刪除
  5. 鵝肝醬菠蘿包.,好特色呀,仲有咁多款菠蘿包,得意^^
    執喼有時都好煩,尤其係溫差大的地方,由十幾度至廿幾度,都唔知帶咩衫><

    回覆刪除
    回覆
    1. 係呀~~~我都係貪佢有咁多款所以叫黎試下~~~
      今次都係十幾至廿幾呀~~煩死人~~~

      刪除
  6. MY █▄❤VҼ 好姊妹¤*以煮熟比神公吃左隻蟹仔呀
    ¤。♦•░大░家░天░天░歡░樂░無░限░F░U░N░。☾❉

    回覆刪除
  7. 食物賣相唔吸引.
    又放大假, 好衰架.

    回覆刪除
    回覆
    1. 係咩???我覺得ok喎~
      我今年未放大假呀~~

      刪除
  8. 好似好正咁呀!! 下次過澳門一定要試下先得!

    回覆刪除
  9. 雲南嘢我超like的,好想試下喎。但澳門我好多嘢都想食喎,點算好呢?

    回覆刪除
    回覆
    1. 其實我幾鐘意過橋米線的~~~~
      唔........咁要揀一樣你最想食的~

      刪除
  10. 個菠蘿包好正呀~~~好想去食呀~

    回覆刪除
  11. 好正,好想食呀~小t你係時候要搞個澳門飲飲食儂旅行團,我第一個報名呀!^^

    回覆刪除
    回覆
    1. waakakakak~咁可能個旅行團得我同你喎~~~~

      刪除
  12. 吓,咁快又大一歲呀?咁我又跟你老一歲囉!
    睇你介紹個三個神奇組合嘅菠蘿包,簡直令我目瞪口呆呀!

    回覆刪除
    回覆
    1. 唉~細個想快d大個~大個又想唔好再大咁快~
      點解呀??覺得佢地好樣衰呀??

      刪除
    2. 唔係,係佢地嘅組合,諗你同估你唔到,不過如果係好味,咁真係抵讚!

      刪除
  13. Hi小t,新東海美食好正喎!地方都正!鵝肝醬菠蘿包$30 正呀!香港都唔知邊到有得食!食咁多野都係$138好低喎!板樟堂是否近在大三巴個邊呀!電話抄低咗!好啦!明天生日啦,有冇願望喇!29 歲喇,心情如何,祝妳生日快楽,身體健康、一年靚過一年呀!是否21-10-2013星期一 凌晨飛呀,在香港機場出發嗎?一路順風、旅途愉快喇、bye!!!

    回覆刪除
    回覆
    1. 類似哥邊啦...又無去到咁遠....
      飛星期一晚

      刪除
  14. 之前唔識教主真係孤陋寡聞,今次又學到好多嘢!!新東海美食好似有好多間,唔知有咩網有介紹呢?開飯啦又係冇資料......
    澳門好似好多好味嘅粉麵,咁有冇邊間飯係好味架?啱一個人去嗰啲?

    回覆刪除
    回覆
    1. 哈哈~~~我代教主原諒你~~~~係咩????我唔知邊度有介紹呀~~~
      食飯呀...你突然咁問我係答唔到你的~
      自從上次聯記...我唔敢介紹你

      刪除
    2. 一間聯記啫,以前你介紹成功率係一百巴仙架嘛.
      澳門人......喎......

      刪除
  15. 今次呢間吸引好多呀!!!正!
    我之前咪話向日本急性腸胃炎既,你痾到已經好好,我經典既係完全瀉唔到,只係不停好痛同嘔,行唔到,要call救護車送入醫院gar..
    去到南非有機會一定要影多d 長頸鹿呀,我都好鐘意 hehehe

    回覆刪除
    回覆
    1. 係呀~我幾鐘意呢間呀~~~~
      唔係呀下...你一定好驚...仲要人在外地先入院....嚇壞你又嚇壞你d朋友...係咪食錯野?????
      好的~~~如果我見到我一定影好多~~~

      刪除
  16. 好似好正咁呀!!
    我30號32歲喇!
    我明白geh, 我29歲時覺得好矛盾, 覺得好似30歲wor, 要做d野改變下自己, 我最後做左媽媽喇.

    回覆刪除
    回覆
    1. wow~~~~~
      做媽媽真係一個超大既轉變~~~~
      我真係覺得我自己已經30歲~~~

      刪除
  17. 小t 我的名字又變回Wind Storm 真奇怪, 希望妳找到我啦.
    又放假 好過份.

    回覆刪除