媽媽生日2013@百樂潮州酒家

今日好輕鬆咁訓到11點幾起身....再執小小野~~........星期六：晨早出碼頭~毛寶送左個驚喜給我~真有心思~(有我fb既朋友仔應該睇過~)....->去左中環食野...不過一般....->行街...超攰...但其實行得唔係多喎~.....->哈哈~~5點鬆d去食爭鮮->6點已到紅館準備去睇何韻詩~~~~..........星期日：諗住去食文哥....點知佢話賣哂d野...點幾咋喎....行過隔離街食興記....無開!!!!點知最後去睇沛記...竟然有開!!!終於食到->周街行睇野->夜晚同左屋企人去食稻庭養助~



今年4月媽媽生日哥時~有一位同我地一齊去東歐既團友~話要請我阿媽食飯慶生~~揀左銀河入面既百樂潮州酒樓~呢次我地係去食晚飯的~

環境同座位都坐得幾舒服~不過稍嫌檯同檯太近~

潮州酒家特有的功夫茶~

前菜既酸菜都幾開胃~~~

講下野食先~鹵水雜錦拼盤 $168....老實講....麻麻....全部野都唔入味~

薑汁炒芥蘭 $80.....一般....我個人認為薑汁唔夠~而且$80也太........(不過係呢d地方食..預左~)

太極素菜羮 $88(窩)....本身佢成窩好靚架~~成窩湯既圖案都係太極圖....可惜.....佢係我地後面分左先俾我地...影唔到....食落無咩特別....將d菜打爛....然後煲熱佢既feel

椒鹽鮮珠蠔 $58.....呢個正~~~有出面d小炒feel~~有鑊氣亦夠熱氣~~~如果送酒一流~惹味~

潮州蠔仔烙 $98.....介紹寫係外脆內軟.....但我食到既係....成塊都係濕lup lup~唔算好味...

乾燒明蝦球 $188......簡直驚左呢舊野....蝦下面有舊炸物.....夾埋一齊食油淋淋....加d pat醬.....嘔嘔.......一d都唔好味....

我地本身想叫乾煎糖醋麵...即係兩面黃....佢竟然話無.........逼於無奈叫左個沙鍋焗芋頭飯 $138.....一出黎...個個都問...個沙鍋去左邊?!?!?!炒到出黎既飯竟然係微暖....唔掂...我最憎餐廳攞到出黎係微暖既野食....

不過重點係多謝朋友為媽媽慶生~多謝你既心意~~媽媽哥日都好開心~~~~~~媽媽錫錫~~(係4月架...唔係依家呀~~)

呢個就係我送俾媽媽既生日禮物喇~~~脈衝按摩器~~~初時我地搶住用~~~後尾兩個都懶依家鋪哂塵~~~哈哈~~

我想講講哥日何韻詩個演唱會....
我地六點去到諗住買完紀念品就坐下等入場~
六點已經好早啦!!
點知去到佢紀念品檔多人到....
打左十行蛇餅不特止...
仲要打完蛇餅再轉哂彎排到去藍區!!!!!
我地就由6點.....排到8點半.....
都仲係買唔到!!!!!!!!!!!!!!!!!!!!!!!!!!!!!!!!!!
佢收哂我地d order單...完場佢執好哂我地俾錢攞
好喇坐低開show.....
何韻詩把聲無得講...好聽~
平時去唱k覺得佢d歌勁難唱...又高音又剩..
佢仲唱極都勁有氣......
不過..........................
佢d衫真係....好"靚"
想知有幾靚....上網搵黎睇下...
加上佢個髮型............真係.....
我地無等佢encore我地就出左去攞野先..
好彩我地係第一個攞...唔係我地有排等...
攞完行去的士站等的士就見到完場...
好彩~我地上左的士~
可以輕輕鬆鬆搭到1點船~
又好好彩一番到澳門又有的士番屋企~



報時：距離南非觀獸美食之旅2013仲有---就在今晚~
今晚就飛~~~緊張呢~~~
唔知南非好無玩呢~
番黎為大家報導~~~~~~
只去8天~大家要等我回來呀~~~~~~~
同埋記得..."好好..記住我~"