南非觀獸美食之旅2013-10-21~22第一，二天Part 4(晴天)

噚晚去左賀凱公子牛一~一放工就衝去黑沙環哥頭既石獅賀一賀佢~不過我乖呀我無飲啤酒架~淨係飲可樂咋~~(其實飲凍野都唔岩~)...呢幾晚訓覺都咳好耐先訓到~~一係就訓左又咳醒~~真係可憐豬~今日個鼻好塞~不停流鼻鼻~搞到個鼻損哂~但係今日開心~媽媽買左三文魚俾我食~~~哈哈哈~~~~



2013-10-21~22
Day 1~2---Part 4(澳門 Macau->香港 Hong Kong->南非,約翰尼斯堡 South Africa,Johannesburg->南非,開普敦 South Africa,Cape Town)
好喇~食飯之前我地去酒店放低d行李先~不過無得上房住~呢間就係我地今晚既酒店喇~Table Bay Hotel~

外觀望落唔錯~因為我好鐘意d充分利用室外光線既酒店~令人好舒服~~~~

放低左行李之後~導遊小姐就帶我地行過去V&A維多利亞海濱度假區(Victoria & Alfred Waterfront Shopping District)......呢個購物中心係同我地酒店相連的~非常方便~~商場係10月尾已經掛上聖誕裝飾了~~

導遊帶我地係咁意行左一次....都幾大.....裏面賣普通商場既野囉....tommy呀...zara哥d.....我比較有興趣係佢出面對住桌山既景~~~~好靚~~~~還有個幸福摩天輪呢~

番黎睇人地個blog先知...原來呢度直行過去....有個市場架!!!有好多野買....無花果呀風乾牛肉之類!!!輸了!!!!

呢個商場都ok既~都幾大~又多餐廳~~不過我都係想睇市場多d~~~~~錯了~~~點解無好好出發前睇人地個blog~~~

好~趁未食飯前去行下~~呢個商場裏面仲有一間當地人都去買既超級市場...睇睇有無手信買啦~~~你地都知我最鐘意去超市買手信架啦~~~~

裏面係大....但係..................裏面....無一樣貨品......吸引.....我............睇下d蛋糕............連零食都吸引唔到我.............實在少可....平時去英國法國日本自由行點都掃少至一兩件多則十幾件走.....呢度我完全無野買.......我地開始好驚....驚哥每人200蚊美金唔知點散走......

好~係超市捱夠半個鐘~去到食飯餐廳集合(就係頭先出面影相哥排餐廳其中一間)

今晚晚餐行程紙既介紹係：維多利亞海濱娛樂城內著名餐廳享用西式晚餐.......睇睇點.....佢係下午已問哂大家想食咩....個主菜有3款選擇...有mix grill...有魚...有雞.......



先上湯.....雜菜湯....但係呢個有d咸!!.....呢間餐廳環境燈光異常昏暗....令人昏昏欲睡..........我最憎去d黑munk munk既地方食飯!!!

我揀左mix grill.....燒雜扒......我又選錯了....d腸好咸(可能係南非口味!!)....d牛扒超熟....10成熟(最憎食全熟牛扒)....仲有羊扒....完全熟到係切唔開!!!!!!!!成碟最好味係d薯條...無樣好味!!!!!!!!!我切左幾下就無心機再食...因為係完全切唔開d肉....未食過有一餐團餐可以咁難食...

毛寶叫的魚.....一定好過我哥個!!

甜品....雪糕和蛋糕.....無咩評價~普通雪糕一球~

好野~搭左15個鐘機...一落機就由朝到晚玩左成日食埋晚飯終於可以上房休息~~~~一推開房門.....咦~~~唔錯喎~~~間房仲幾大下~~~~~~完全唔迫~~~~好滿意~~~~~

本身我地唔係住呢間房架~~由於服務員將我地d行李調轉左~於是我提出：一係唔好搬行李喇我地直接交換房啦......既情況下...............我得到了面向桌山和桌灣的望海房~~~~正呀~~~~摩天輪亮了燈好美~~~~~~

這天的戰利品~只有係桌山上買的小小紀念品~有兩張好美的桌山postcard~~磁石一粒~~~郵票發現原來係南非的動物界big 5~~~~但呢日買既只有3種動物!!!我要努力的買郵票集齊一套~~~~~

我諗我份工係不久既將來應該有變動...
不知是好是壞....
只擔心不易適應的自己會趕不上時代的變遷~~



哈哈~~
我晚晚都有偷偷地睇番半澤直樹d精彩片段的~
我依家仲要連堺雅人d綜藝節目都撈埋先夠開心~~
睇左個綜藝節目係半澤直樹上映之前的~
睇到佢係一個好溫文爾雅既人~
好鐘意睇書~細個想做舊書店既老闆~
叫佢推介一本自己想睇既書~
佢既推介係.....漢字係點樣形成..........
我暈了~帥氣和溫文爾雅得那麼緊要~