2013年12月13日 星期五

五分公子宴

啦~啦~啦~終於都到左星期五喇~~~~~~~下個禮拜番多4日工~~我地就可以放連續6天的聖誕假期~~~~~~好開心呀~~~應該好少地區會放6日聖誕假卦~~~~澳門就是與別不同~~~今日上左山頂覆診~下午輕輕鬆鬆的過~~~~



今次既公子飯聚係因為有公子叻叻~係工作上有好的表演有獎賞~所以就請其他公子食飯飯喇~叻叻公子有:麥公子~貞公子~杯公子~同埋我~....揀左阿一火鍋(東湖)海鮮酒家~平時叫哥d一圍圍哥d飯局呢~佢有得叫半圍~岩哂我地~半圍現金價:$1,738....賭場消費卷:$2,607.....解釋下咩叫賭場消費卷....應該係d賭客係賭場賭錢(梗係大客)...會俾番d野食既消費卷佢地....咁佢地唔食就會賣出去....通常都係面值6~7折可以買到.....所以我地就用賭場消費卷~(佢地計過話平d~)....就係叫左呢個餐既半圍喇~~~都幾多野食~不過我地有d野改左~
公子食野真係夠全面喇~依家連中餐一圍圍都食埋~




上湯芝士焗花蝦伊麵~~~呢個唔錯~~d蝦又夠大隻又夠新鮮~~~食左超多~~~不過食完呢個好似已經有少少飽~~~好無用呀~~~~




半圍就得乳豬拼盤的~但係公子話想勁d...加錢改左全體~~好勁呀~~~~杯公子沒來~因為小公子病了~(其實七個人無可能食得哂~~所以我地食淨全數打包~)...幾唔錯喎~不怕肥~皮阿脆~肉夠鹹香~正~~每一次去飲我都最期待食乳豬的~所以次次食完豬就會勁飽~






魚翅鮮鮑魚八寶冬瓜盅~我完全唔知有魚翅同鮑魚喎~不過個湯係幾好味幾多料~~~






福果欖仁帶子花枝蚌...呢味我無咩印象咁既??不過我不嬲出去飲呢味餸只會食西芹~




阿一鹽焗清遠雞...呢個就麻麻喇~




本身係一魚兩吃~但有人爭取了要成條原條蒸...幾唔錯~但真係超級非常的大條青斑~




魚湯浸時蔬....菜既野無話唔好味既~




阿一炒飯....超級正喎!!!食淨我記得仲打包左之後開ot食~




最後就係清潤糖水~精製美甜~鮮果拼盤~全部都唔錯~






除左呢半圍之外~我叫仲另外叫左薑汁炒芥蘭~同埋芥末牛柳粒~半柳粒唔錯~不過芥未味蓋過了牛味~~






其實半圍已經大到不得了~~~夠食有突~~~~不過食淨我地有打包回家的~~放心~~~呢餐都算抵喎~我記得4個人夾份...好似夾左$500左右喎~真係幾抵食~又好食~~仲要有得坐房又有電視睇~~~最後送多幅公子"就是你"帥哥照俾大家~~~杯~~下次要一齊影呀~~~

不過我覺得應該只會請到一次咁大把~~下次靠你地喇~





放左工去食上次同mina食過的御泰廚.....
同左冰島填友一齊去食~
諗住試下佢d海鮮煲~
以為會幾正....
點知$5xx一個既冬蔭功海鮮煲..
得隻不太大既肉蟹....幾隻所謂既大蜆
有好多椰菜....車厘茄....
幾棵生菜.....幾條蔥.....
同埋...一堆....米粉............
咁就收我500幾蚊?!?!?!?!?!
個冬蔭功湯底連草菇都無喎!!!!!!!
我唔會再食呢個煲!!!!
我地叫左呢個煲之外...
仲叫左一碟價值$128既雪花肥牛..
華....一d都唔雪花...仲有d霉....
一d都唔好味呀!!!!!
咪搞我呀下次~咁都食左每人$265
如果去番平時食開既乳豬海鮮煲..
一定會飽到抱住個肚走呀!!!!!!



wow~
聽日又係番10-10喇~
好彩番埋呢個禮拜六咋~
如果唔係人都癲呀~~~
仲要小測添架...
讀個課程je...唔使咁認真既.....

37 則留言:

  1. MY █▄❤VҼ 好姊妹☁G♡ღD night☁
    ★⊹*・∴舒適的晚上¤享受幸福和周公子。✿˚*¤
    。✰˚*窩心錫錫又快樂抱抱¤乳豬唔少得呢º°¨ƸӜƷ¤
    ❉•:享受。*░H░A░P░P░Y░•*¨*✿星期六•*¨*ʚïɞ
    ❥█▄█...────────▄▄─▄▄▀▀▄▀▀▄・⊹
    ❥█▀█..`•♦•´。.✬¤─███████───▄▀•*Ѽ
    ─╔══╗──█▀█...─▀█████▀▀▄▀¸„ø¤º°¨❣
    ─║─╔╬═╗█▀█..`•♦•´▀█▀。.開心萬事得¤
    ─╚═╬╝╔╬═╗──█▀█¸„ø¤º°¨⊹*・❦*⊹・*・⊹
    █▀▄╚═╬╝╔╬═╗█▀▀..`•♦•´。.✬¤\(◕ε⌒* )/
    █▄▀──╚═╬╝╔╬═╗─█▀█¸„ø¤º°¨⊹*・❦
    ───█▀█─╚═╬╝─║─█▀▀..`•♦•´\(。◕‿◠。)/
    ───█▀█───╚══╝────█▄█
    ───────█▄█────────█¸„ø¤º°¨⊹*・
    ────────█ 。.♪°•♩¤。.♬。.❉♫•:。\(。◕ヮ^)/
    ▓░▒▓░▒▓░▒▓░▒▓░▒▓░▒▓░▒▓░▒▓░▒▓

    回覆刪除
  2. 昨天是黑色星期五, 好黑仔呀.
    又破財, 放工時又話比客COMPLAINT.

    回覆刪除
    回覆
    1. 咁黑仔?!?無事既~過埋今次之後都係好運~

      刪除
  3. 好正啵 有6日假 hehe
    半圍之後再要加送 勁丫公子!!!!!

    回覆刪除
    回覆
    1. 係呀~~~仲可以睇祖兒演唱會~~~
      哈哈~~唔係你估~~

      刪除
  4. 雖然會打包,都唔駛咁狼,仲要extra 加餸架。同你地寫菜果位唔知,仲以為係幾個大隻佬食添!

    回覆刪除
    回覆
    1. 係呀~~~我地都係咁話~~聽d餸仲以為係幾個大男人黎食~~

      刪除
  5. 請埋朋友食,仲加餸,又乳豬又魚.....$500-好抵喎
    大合照毛宝入型入格,chok爆
    6日假期,去個短trip都得,正呀^^

    回覆刪除
    回覆
    1. 係呀~~真係幾抵~~仲要幾好味下~~
      係啦~最chok係佢~~~~
      又真係無安排去呀~~~算啦~當休息下~~

      刪除
  6. 嘩﹗半圍份量都咁大,好抵呀,放6日假超開心,不過一到假期澳門多人到不了﹗

    回覆刪除
    回覆
    1. 無錯~~超多野食~~~係啦~澳門哥6日實超多的人~~

      刪除
  7. 杯公子冇去食但都要夾錢???4位公子喺工作上有好表現有獎賞確係叻,重要係喺唔同部門,間公司你哋玩哂啦......呢半圍七個地盤佬都未必食得哂啦,你哋六位嬌滴滴公子去,傻的嗎?
    "讀個課程je...唔使咁認真既....."呢句真係錯哂!!打你手板!!

    回覆刪除
    回覆
    1. 係呀~因為佢都係5分公子其中一位嘛~wakakak~咁證明公子人才濟濟~
      係呀~~~~我地都話幫我地落餸哥個野都以為係10個地盤佬去食~~~~
      係咩~我唔覺得喎~~呢d被迫讀既...唔使咁認真既~

      刪除
    2. 本來都想話你哋人材濟濟,又有貞公子份喎,但你又係其中之一......
      被迫.....咁你啱!!如果你答"認真就輸了"我即刻去澳門亨x你個頭.

      刪除
  8. 小t你係一個充滿正能量嘅公子,睇完你啲卜煩惱都少左,開心左.
    係呀,低潮之後就會好架喇,希望在明天!

    回覆刪除
    回覆
    1. 真既真既~~咁你要黎多d睇喇~~~~~
      無錯!!!我相信好運之後會一直跟住你!!!加油!!!

      刪除
  9. 澳門就是與別不同的啦!哈哈哈
    (暫時不能在我的 blog 回覆您的留言,但很多謝您來探我。)

    回覆刪除
    回覆
    1. 無錯~~~澳門最正就係咁~~
      唔緊要啦~我會照留言給你的~

      刪除
  10. 西芹炒花枝蚌是我的至愛小菜!

    回覆刪除
  11. 覆診ok嗎?~~~~有六日假去短線旅行啦
    隻乳豬好大件喎~~~~啱晒妳咁大食

    回覆刪除
    回覆
    1. ok呀~無野呀~放心~
      哈哈~~無訂野呀~~貴~算~留澳消費~
      wakakaka~大食極都食唔哂~~

      刪除
  12. 放六日假咁多?! 羨慕ing
    香港得兩日作,可憐~~
    每次我去飲都好期待乳豬,因為想食豬腳隻,餸酒無得頂 ^.^

    回覆刪除
    回覆
    1. 哈哈~~全年最多假連放就係聖誕~~
      但係你地放26時我地要番工~
      咦~~我未食過腳仔喎~下次試下先~

      刪除
  13. 嘩~~好羨慕, 六日假~~~~
    你餐中餐好唔錯喎~~我都好鐘意食乳豬同埋芝士焗伊麵, yummy~~

    回覆刪除
    回覆
    1. hehe~~~係呀~~全年最多~~~
      係呀~~~我都好鐘意食架~~

      刪除
  14. 六日假,好幸福呀。我啲同事/朋友就攞3日AL放9日,哎,最衰我已經無晒假啦。
    你地好似食到大咗啲喎,係咪剩好多嘢要打包架,堅係誇喎。

    回覆刪除
    回覆
    1. 我都想攞呀~不過每年呢d時候都搶到不得了架啦~實搶唔到~~
      hehe~乳豬打包左番去煲粥~我就打包左炒飯同牛柳粒番去開ot食~

      刪除
  15. Hi小t,香港今個星期都是10-12度溫度咋!澳門凍嗎?覆診o.k.嗎!半圍酒唔貴喎!全體乳豬好正呀!放咗六日假期,有冇去玩呀?最尾張相妳同毛寶chok 爆,正!bye!!!!

    回覆刪除
  16. WOW..點解你地貢開心gar,可以有6日holidays..真係羨慕屎我地.
    你地6位公子好勁ar..已經貢多野食仲叫到隻..乳豬全體...wakakakaak不過乳豬皮真係好yummy...脆卜卜
    你下次黎hk試下hk d hot pot la..好yummy gar.d海鮮,牛好好味..應該值過你呢間呃人既好多..

    回覆刪除
    回覆
    1. 舊年都係咁~~我都幾鐘意佢咁~~~~
      乳豬我真係好like的~~~~
      我之前有食過呀~~正好多~~

      刪除