琥珀日本料理@午市套餐

今日一半時間係另一邊~一半時間係自己哥邊~~~下午做到暈左~~~~~星期六：同上個禮拜六差唔多...晨咁早八點幾出門口去m記食早餐....獎自己食左個珍寶早晨套餐~..->番學;[ ->去食依家呢篇blog介紹既琥珀日本料理->番學小測;[ ->放學買包去毛寶家休息->番學;[ ->放左學去海立方裏面既食堂度食~都幾抵食~又夠大碟~味道就同佢既價錢成左正比啦~.....星期日：陪毛寶去攞番佢d大作~佢既作品真係一次比一次靚同有驚喜呢~...->去滿記食牛肉檬粉~滿記真係唔錯的~...->去800伴攞tester~~滿載而歸~~攞埋公子今年送我的禮物(吸塵機)~~勁重~~...->去venetian行街~買左條leggings~都算節制(其實係無野岩我買~)->食開左有好一段時間既海榮上海菜館...去食飯既途中發生左件事....睇埋今日既介紹先講~



由於我之前係皮皮的instagram成日見到佢去食呢間野既午市套餐幾靚靚~作為午市套餐控既我~梗係要試試啦~~呢間野叫琥珀日本料理....地址：澳門皇朝波爾圖街493號地下U鋪...電話：6328 9898....去過三次~無訂過位都有位坐~(午市咋下~)

我淨係坐過樓下咋~不過樓下d檯同檯之間我覺得靠得太埋~講野無私隱~(講實在就係不能大聲講壞話~)

第一次去既時候我叫左呢個行政午市套餐 $159....平就唔算平啦....酒店食日本午市套餐都係呢個價...不過見咩都有d咪試下囉~內容有：鐵板大蝦一隻(唔錯地好味~用牛油煎香的~)，炸雞柳一份(份雞柳係蝦隻碟度...一般~)，刺身"三文魚兩片..八爪魚兩片..甜蝦兩隻"(唔會唔好味既~不過如果三文魚可以大片d會更好~)，壽司"加州卷兩件"(正常味道)，生果沙律，面豉湯，跟飯或湯烏冬(我揀左烏冬..不過唔掂~唔夠熱之餘質地仲唔知點咁~).....呢個價錢既話還是星際酒店的稻菊比較抵吃~

毛寶叫左滑蛋雞柳飯 $58....套餐附送：生果沙律，麵豉湯，刺身兩片....咁先係架嘛~咁睇抵好多喎~~~~~而且飯的味道不錯吃~~~~

再另一次去試試~毛寶的燒汁牛肉飯 $69....套餐附送：生果沙律，麵豉湯，刺身兩片....好好味呀牛肉飯~~~~~個飯仲要超級夠多汁~~~仲要好似個盤咁大~~~

我叫的壽司定食 $72.....不錯吃!!吸引!!唔叫行政套餐就無事~

之後再黎~~~~~就係星期六番學哥時食的~~~成9個人一齊黎無訂位都有位~~呢次試左雜錦魚生飯 $68~~唔錯喎~~仲有紫菜俾你~~我幾鐘意紫菜+飯呢個組合的~~

另外的朋友叫了海鮮烏冬 $96(隨餐有生果沙律及加州卷兩件)......華...使唔使咁貴呀?????個海鮮烏冬都唔係d咩費野je....因咩事可以貴過壽司餐同魚生飯???????而且我飲過佢個湯........並唔係平時飲好好味的豬骨湯!!!而係有種味精味既肥淋淋湯....嘔嘔!!!!!

叉燒烏冬 $63(隨餐有生果沙律及加州卷兩件)....湯底一樣係味精湯味....難食.....叉燒仲要肥到化開......難食!!

總結：睇過佢晚市既餐牌~我覺得貴囉~佢咁既價錢我不如去食譽路八好了~不過午市套餐的確唔錯~平平地~可以一食~只要唔好叫行政午市套餐同拉麵就好了~飯餐同壽司魚生飯類真係唔錯唔錯~~~~





噚晚去食飯既途中...
毛寶揸緊車...我坐佢隔離
落橋時係我哥邊無啦啦有啪一聲巨響..
原來有架電單車係我隔離跣低左...
架電單車飛左去前面...
有個女人倒地....
嚇到我鼻哥窿都無肉...(不過唔係我地撞佢..)
於是毛寶停低車我落車睇下佢...
原來後面都有個阿叔連人帶車跣低左
個女人坐左係地郁唔到....
個阿叔高呼：佢剎車太急自己跣低左...搞到我都跣低!!
於是我問哥位坐係地既女仕：你得唔得呀?使唔使call白車?
個女人點頭.....我叫毛寶：幫佢call白車...
於是我地幫佢call白車...
根據999報案中心既指示...叫我地唔好離開住...
等白車黎到先走...
咁就尷尬喇...因為我地係橋中心...
單行的...我地架私家車無得泊埋一邊...
硬企係度.........後面d車過唔到...
只有電單車可以攝下攝下咁過.....
d電單車過我地既時候斜望我地....
我肯定佢地覺得係我地撞到哥個人既!!
當時落住雨...我帶住褸帽擋雨....
係咁尷尬既時候....毛寶叫我上車等...
我話唔使啦....咁毛寶叫我攞遮....
我先發現佢件褸無帽....
咁我上車攞把遮俾佢.....
點知佢話：唔係俾我呀...你遮佢啦(佢指個傷者..因為我企佢隔離)
我又先諗起...係喎...雖然佢帶頭盔..都要遮一遮喎
咁細心又咁乖既孩子係邊度搵?!?!?!?!?!?!?
最後有個交通警早過白車黎到..(因為成條橋塞住左)
我同交警講：我地幫佢call左白車但未到
交警問：call左白車有無call交通??
我：無呀...因為唔係我地撞佢架..係佢自己跣低左我地幫佢call白車...但白車哥邊話我地唔走得住
之後交警詢問傷者問題...咁我地就問佢我地走得未..
佢話我地架車夠過就走得架喇............
er.....我想講.....
天雨路滑....大家真係要小心駕駛!!!!!!
尤其電單車呀....皮包鐵...
落雨個地濕真係好容易跣到...
盡量使用公交為上策~~
(今日先知原來毛寶架車係噚晚被整花左....er..........)



今日真係冷得我騰~騰震呀~
真係好鬼凍呀今日~~~~
又落左成日雨喎~
又大風喎~~~~
仲要.................
我地公司今日仲係著緊夏季制服~
真係真係好清爽呀咁著~



咁凍既天氣會令人....
唔想寫blog~~~~~~~
但我今天還是寫了~
好乖呀我~