南非觀獸美食之旅2013-10-21~22第一，二天Part 2(晴天)

救命~我又打敗仗....噚晚食完飯番屋企...頭超痛...喉嚨更痛!!!已經食哂消炎藥退燒止痛藥先訓.......但今朝還是頭痛欲裂...........去山頂睇醫生發現換左新既急症室......而且冷氣還凍得我騰騰震呢~睇完醫生買左碗白粥回家.......平時點會食白粥...家下知衰....不過發現.....其實白粥都幾好味~得閒要買黎清下腸胃~(事實上我食左幾啖即時黎料~)



2013-10-21~22
Day 1~2---Part 2(澳門 Macau->香港 Hong Kong->南非,約翰尼斯堡 South Africa,Johannesburg->南非,開普敦 South Africa,Cape Town)
話說我地出左開普敦(Cape Town)既機場禁區之後...領隊話我地架車黎緊途中既公路有交通意外...所以塞住佢黎唔到...調左第二部車俾我地頂住一日先費事等咁耐..本來都幾欣賞呢個做法...但架車黎到時....天呀...架車舊到不得了~~~出發行程了~~~坐左半個鐘頭車就黎到我地食飯兼景點既地方~間餐廳外圍真係靚到不得了~~~

阿娘...你隻腳做咩好似幼過我咁既.....




咦~~驚喜喎~~呢餐佢仲提供埋白酒俾我地飲~~嚐一口南非白酒~好淡~~

湯係雜菜湯~好味~好開心唔係忌廉湯~

第一餐就係特色餐喇~~個名係：特色鴕鳥肉拼非洲雞餐~~左下角哥d就係鴕鳥肉喇~無咩特別既味~就好似普通既肉味咁~鞋鞋的~~~左上角就係非洲雞喇~都係無咩特別...我地笑佢只係係"非洲"烹調既一隻"雞"~哈哈~~正中間上方係鴕鳥蛋...但我真係唔係幾食得出咩味來~

呢碟汁係擺係檯俾人送飯的...不過睇睇辣椒....辣到飛起!!!!我試左少少.....係個口度越黎越辣!!!!

甜品~~係生果呀~~~太好了~~唔係d超甜既蛋糕~~~~

其實我地食飯既地方亦係景點....我地依家參觀既地方叫鴕鳥園(Ostrich Farm).....食飽就去佢隔離既小型博物館看看...有各種蛋類大小之比較....鴕鳥蛋就係最大哥隻~~

跟住仲有d鴕鳥既標本....其實我唔想影架~~係毛寶逼我影架~~

仲有製作藝術鴕鳥蛋既工場....南非其中一樣特色手信就係係鴕鳥蛋既蛋殼畫花~不過講真..我真係一隻都無買....一來要手提上機...二來放係我屋企應該都係鋪塵~所以放棄~

參觀完小型博物館就到戲玉喇!!!!睇活生生既鴕鳥.....不過我地岩岩先食完鴕鳥肉....依家又黎睇番佢地....個感覺有d怪異....好似對佢地唔住咁~~~導遊說：睇d毛就知佢地係雄定雌~黑色毛係男仔...灰色或淺色d哥d就係女仔~

你個樣好英呀先生~~~~



仲有個環節係餵鴕鳥~~~~佢地好似係食d粟米乾粒既物體~~餵既時候手掌要放得夠平~~~如果唔係佢地會啄到你隻手架~~

話實在...我係猶疑左超耐先去餵的(本身想唔餵添~)....你知啦...我個人其實好蛇"gwhere"<---(有無人知我講咩~~~).......d咁大隻既動物真係會嚇死我的.......不過毛寶話：唔使驚架!!佢唔咬人架!!既情況下......咁就試下餵啦~~(其實我好驚佢咬我個頭~你都知啦...搭左10幾個鐘頭機個頭幾lup幾臭架啦~~~好彩呢度夠乾咋~~)....哈哈~~~你絕對睇得出我有幾驚~~~睇下上面我媽媽餵佢時企到超近~~我就....睇下隻手伸到幾直~~~~~~~(盡量保持一定距離~~)

下一張即刻出醜~~~我餵餵下佢佢突然間唔食我手中既野...走去啄我條手繩!!!!!奀皮得你!!!!嚇到我飛起~~~難得既係...毛寶你咁都影到.....

跟住又係旅行團必做的：踩住堅硬的鴕鳥蛋合照~

其實我諗緊佢有無特製過~



成1xx磅既人踩上去都無事~~堅~~

噢~~仲有小鴕鳥睇呢~~好可愛呀~~~

跟住鴕鳥園既人將隻鴕鳥用木枝鎖住佢隻腳係木架度固定係度俾我地騎上去影相....d人騎上去時佢會先蒙住佢地個頭......如果唔係佢地會驚....由於我食左鴕鳥肉既內疚心理再加上見到佢咁樣鎖住佢隻腳好慘既情況下...我決定唔騎~

放心~媽媽係假騎~佢無真係坐落去~好明顯佢係坐無影櫈:目



咁樣影就好了~鴕鳥還是跑來跑去時最可愛~

我.......放病假的今天...
本想好好食完藥訓一覺~
點知樓上裝緊修....事與願違~
只好......看看我最近的偶像堺雅人做既半澤直樹~~~~
剛好得番兩集就看完.............
咁就唯有睇埋佢(好似講到不情不願咁~)
終完睇完大結局了~~~
真係真係真係好好睇~~~~~
很好的演技呢~~~~~
每集都看得我咬牙切齒的!!!
每集都有高潮!!每次都能闖過難關!!!!
依家堺雅人是我的偶像呢~~
(也很喜歡飾演佢老婆既上戶彩~~實在太可愛~)
好久沒對日本男優產生如此濃烈關注~~~
(對上一次是中學時睇既魔女之條件既瀧澤秀明)
還特地上網google一下下他的資料~~
好衰架~~~~同人地一樣10月出世既~~~~~(花痴mode)
其實睇半澤之前我係睇佢另一套既律政狂人先架~
同半澤直樹角色可以話係南轅北轍!!!
十分十分欣賞堺雅人~
很想握握佢係劇中半澤那強而有力的手手~~~~~(變態~~)
堺雅人很帥氣呢~~~~~~~~~~~~~~~(心心眼)
大結局已睇完....勁擔心自己今晚無寄託.....