Chill Cafe

今日番工了~本身話係唔使ot的...我信喎~真係傻豬~咁梗係要o啦~~~超多野做...不過出得黎行預左要還~玩左咁多日~做番d野好應該~~~平安夜夜晚我買左生蠔~上海野同媽媽過~~毛寶就食飽飽之後帶左支紅酒上黎同我地歡渡聖誕~~聖誕節正日~即係噚日~澳門可以話係無咩聖誕氣氛的~所以我地做d野都係同聖誕節無咩關係的~朝早起身排隊去買戲飛~少可見大會堂有人等開門買飛~去左食青洲灶記(但現在唔係青洲的~).....食飽就去左睇發夢王大歷險....er...呢套野可能我期望過大.....唔可以講話好睇喎真係....跟住又去左食泰國餐~~~我的6日聖誕假就這樣完了~



之前聽人講河邊新街哥頭開左間cafe.....跟住係fb睇人地d相又覺得呢間野既裝修好靚~好啦~咁咪去試下囉~我地8月哥時去試呢間野仲係試業中...紅紙都未搣~呢間cafe叫Chill Cafe~地址：澳門河邊新街239號地下....電話：2853 2376...逢星期一休息

裝修確係幾唔錯的~有成3層樓~都幾多位~樓底夠哂高~

餐牌是簡約的木版加塊紙~睇佢d野食名~我當時係覺得幾好味的~

好喜歡佢餐具碟上突起的花紋~~

到呢一刻我對呢間cafe仲係充滿信心的~



呢杯Strawberry Soda $25...咁少女既飲品大家一睇都知唔係我叫啦~..甜甜地幾可口~不過無咩特別~

我見餐牌茶類哥度寫有Lemon Grass $25.....我就叫黎試...但佢Lemon Grass中文寫檸檬茶喎.....然後Lemon Tea又係叫檸檬茶喎~...我已經醒目指住哥個架喇..再同佢講唔係哥個...但佢最後都係好醒目咁俾左杯熱檸茶我.....其實....Lemon Grass唔係香茅咩?咁我梗係企硬啦~最後換番俾我...成$25杯....連個壺都唔俾我~淨係俾一杯我..好姑寒...d茶長浸住飲係會好澀的!!!!不過呢隻香茅茶我覺得幾好飲~

個茶包大到.....d水就得哥少少



由於唔知佢d野大唔大...都係叫左3樣野試下先~時日餐湯 $32....係雜菜湯.....不過我覺得有d似羅宋湯哥種..因為佢有d酸酸地....不過都尚算正常....係個價錢貴左少少je....係cafe飲個湯$32??

見all day breakfast餐牌度有crepe...叫個試下先....法式薄餅配煙熏三文魚和忌廉芝士 $78...一上....我同毛寶呆哂.....呢個係crepe?????????????塊皮隻色搞咩呀???醜到無得再醜喎!算....可能食落好味呢......頂~~~~賴哂野~~~個皮似食緊膠咁既質地!!!!!由於佢用塊皮吸住d三文魚.....令到裏面d三文魚有少少熟左...........................................搞咩呀???係咪呃人未去過法國呀???????????????????????你唔整法式兩個字都無咁嬲...我覺得稍為識整野食少少既人都唔會煮得咁難食!!!!!!!!!!!!!!!!!!!!!!!!!!!!!!!!!!!!完全不合格!!!!!!!!!!!!!!!!!!

你睇下!!!醜到!!!!!點知低處未見低.....................



我地仲叫左個白酒汁藍青口配墨汁意粉 $78........一上..............................................我真係唔知講咩好.....cafe喎.....塊野擺得樣醜到你..........都算啦.....墨汁意粉d色係灰色的???????唔通你隻墨魚係唔同d既????????似以前小學好鐘意玩既"初"擦膠碎.........一食.....意粉爛爛的...一點也不Al dente......完全唔知呢碟野想點????d藍青口有d得半邊殼有d又完整...你收得我$78都唔同我整靚d??我完全無眼睇呢碟意粉!!!!!!有個老闆既物體狂行黎行去...如果佢走黎問我d野好無味我一定如實講：你間cafe d野難食到癲!!!!!我自己煮都一定好味過你間野.....兩個人食左成$238....我寧願走去食個斬料飯好過.....呢間係我食過最差既一間澳門cafe......難食到不能再去!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

有邊忍受到去cafe食一碟咁樣衰既野??????去cafe梗係想d野靚靚仔仔啦.....如果好似呢間野咁我食永安哥d茶餐廳會無咁嬲!!!!





呢個聖誕假有6日...
睇左4套戲(風起了...掃毒...哈比人...發夢王大歷險)
睇左1個演唱會(容祖兒1314演唱會)
瘋了~



係喎...
今日係12月26日...yahoo blog正式結業..
我已經搬好哂..所以都無咩留戀了.....



報時：距離澳洲探險自由行之旅2014仲有---85日~
hehe~我想到生蠔了~