江記(雞佬)粥粉

今日有幸呀~~~可以上堂呀~~~上午只做個半鐘野~~~雖然有兩個鐘唔使做野....但係我仍然覺得好攰~~~可能我成個人成個情緒已經去左旅行當中~~~~~~~~好開心呀好開心呀~~~好緊張呀好緊張呀~~~~~~~~~~~~~好彩呢個禮拜番晏~可以睇埋拳皇先訓~~~~~就黎大結局喇~~~



今日要推介既係江記(雞佬)粥粉......地址：澳門柯利維喇街25號地下....電話：2836 9322.....夜晚6:00開到凌晨04:30....星期日唔開架~~哥日我地就係約左教我地ukulele姐姐係呢度簽保單~~係佢推介我地食的~~話：雞佬又平又好味~~...好~~黎會一會佢先~話實在~唔算易搵....ukulele姐姐之前黎過都搵左一陣先搵到~~

鋪頭唔大...一入去得3張檯~望望餐牌....野食都唔算貴喎~仲幾多選擇下~

我叫左黑椒雞扒豬大腸撈米.....雞扒撈米就$21....加多個餸唔知加幾多~~聽ukulele姐姐講雞扒係必叫的~雞扒確係唔錯~~撈米就淡口左d....

不過可以試下佢d辣撈下d米~幾特別的~因為我食到有一粒粒的應該有蘿蔔係裏面~~(唔知有無食錯~~)....令到佢d辣有少少甜甜地的~~

ukulele姐姐叫的法式蒜香蝦麵 $29....不錯不錯吃呢~~~~d蝦唔知係咪有用咸蛋黃一齊炸過呢???幾好味喎~~~~~因為齋炸蝦應該唔會係呢陣味架.......好香口~~~~~

毛寶叫的泰式金不換牛肉米 $27....將炸左既金不換放係碗粉度~~唔~~好正呀~~~~~~~

之後一次去我叫過花雕豬腩片撈米 $21......食落一d花雕味都無~不過佢d豬腩肉d味醃得幾好味~~~豬腩肉有少少肥痴住~~幾正~

雞佬都幾有特色~~值得一試~~~~





噚日中午食左個咸魚雞粒炒飯...
之後.....就連夜晚都無食野喇....
一直到今朝食早餐先食左個麥皮...
個炒飯又幾抵喎~



我噚晚已經打開個gip開始執野入去喇~~
好緊張呀~~~~~~~~~~



報時：距離南非觀獸美食之旅2013仲有---5日~
6月之後就乖乖的~~
就等這天~