南非觀獸美食之旅2013-10-21~22第一，二天Part 3(晴天)

今天總算精神了點~實在太好了~但估唔到今日都咁多野做~~聽日賽車喎~只有兩個結果....一係d人怕左塞車唔黎...一係好多人約左但因塞車好多都遲到.....咁.......可唔可以係前者呀???????????????



2013-10-21~22
Day 1~2---Part 3(澳門 Macau->香港 Hong Kong->南非,約翰尼斯堡 South Africa,Johannesburg->南非,開普敦 South Africa,Cape Town)
睇完鴕鳥園(Ostrich Farm)之後就去左開普敦市既地標桌山(Table Mountain)....高1086米....有名你叫桌山....佢就好似平原上既一張檯咁屹立係度~~~咁平坦既山我呢個now仔都係第一次見呢~而我地上桌山既方式就係坐呢d 360度旋轉吊車上去~~~~坐呢個吊車上去既經驗都唔錯呢~~~~

由於佢係360度轉既~所以唔使驚睇唔到好風景~~~咁樣影番落去開普敦市好靚呢~~

當吊車上到最高點臨出吊車既一剎那望出去...wow~好靚靚呀~~~出面好似有雲海同桌山並排呢~由坐吊車哥度直到上吊車到坐吊車成個過程都超級的大風!!!!!但上到黎咁高既桌山又一滴風都無~神奇~

望落去就是桌灣(Table Bay)的景色呢~

剛上來時有薄薄的雲遮住視線的~但企左一陣之後就睇到前方既景漸漸清晰~我好喜歡包圍著桌山的雲海~

其實我當時仲有諗.....唔知....我會唔會掂到d雲既呢~~~~~

跟團有跟團既好~亦有唔好既地方....其一就係唔可以係自己鐘意既景點留耐少少~如果唔係....我會坐係度呆望這片雲海好一陣子~

係桌山匆匆的東影影西影影~逛埋佢山上面既紀念品....買左少少野....就要落山了~(不捨)

天氣好好呢~影d相都特別靚~



落番黎就同開普敦市黎一個留念照~

由桌山開往我地呢晚酒店既途中經過十二門徒山(The 12 Apostles)....大家數數看係咪真係有12個山峰~

係呢個大草地有d長櫈俾人坐的~幾寫意~而長櫈望出去就係大西洋了~~(事實上呢度係大風到癲的!!!!基本上整個開普敦都係好大風的~)

今日係fb睇左個"動新聞"
係訪問人對澳門派$9000既睇法(咁當然唔係訪問澳門人啦)...
有大部份既受訪者都話唔稀罕派錢...
同埋全部人都唔想做澳門人....
原因係：如果政府好唔使派錢
(我都係咁諗....其實將d錢放係其他福利度仲好...可以幫到真係有需要既人)
有人話居住地方不足
(又唔算不足既....只不過係d樓貴到唔係我地澳門人買...住屋方面既問題政府真係要改善下....)
有人話因為澳門交通好唔方便...出入都要搭船....同外界隔絕..
(er..........我地海陸空交通都有架喎...............我地澳門有機場架....雖然航線唔多我都認....但係澳門唔係漁村黎架喇....坐巴士的士出入都好方便架....其實你係咪有10年以上無去過澳門?)
有人話澳門就業機會少...原本做老師既人....過到黎變左做疊碼....
(澳門都叫就業機會少?!?!?!?好多都有工無人做喎......一個老師過到黎其實唔做老師都有好多工可以搵到架....銀行業..酒店業...博彩業都有好多唔同既職位同範疇架...唔係淨係得莊荷....其實你知唔知疊碼做咩架呢?!??!!?!?如果佢係唔想做既話...係無人迫到佢做的...)
最經典試過有人問我：乜你地有新鮮雞食架?
亦有人問過：乜你地有xx一週同三色台睇架??
er.......我真係唔知點答你好.......
其實近呢10年澳門真係變左好多...
淨係行出街既人都多過以前好多....
不管大家喜不喜歡澳門...
或者鐘唔鐘意黎澳門旅遊....講到澳門點衰點衰都好
大家都有自己既家~可以係香港~可以係中國~可以係美國之類之類~我諗大家係可以友善相處架...對嗎??
但澳門....就係我喜歡的家~那是一個吹不脹的事實~
世界上無任何一個地方比得上佢~
澳門就是當我每次去旅行時唯一想回去的地方~
(認不認同我講既野都好...只係睇完段動新聞既一d感想...不吐不快...不喜勿插XD)