七公子聚會@師傅仔

hehe~28歲的最後一天~番工很順利~已經係很好的禮物~今晚同左媽媽去新葡京裏面既日夜咖啡廳食晚飯~好開心~~咁岩線隔離檯撞到我既小學同學~~~~佢仲同我講：我岩岩先睇完你個blog(笑)....仲話佢之前去台灣都有參考我的blog~~~搞到人地好開心添~~~hehe~~唔知佢係咪有睇我之前中學同學聚會篇blog.....佢話：我連小學d相都有~~我幾驚呀~~~~我已經唔記得自己小學個樣係點~~~~wakakak~



某天~公子約埋一齊去食師傅仔~~~~好開心~~因為我地今年約得齊人出黎食飯真係3隻手指數得哂~~難得呢日可以約齊出黎~~真開心~~~~師傅仔係食小炒既~~岩哂我啦~~可以叫多d餸share黎食~~超開心~~~d小炒由$40幾開始....多數都$60幾$70就有交易~價錢相宜~~而且佢大部份餸我都好鐘意食~~~~金菇肥牛煲~~有d咖哩味~~送飯一流~~

辣酒煮花螺~味道好味~但花螺太細粒了~~

泰式炒花甲~加左九層塔既野實好味~

招牌既凍蝦~~~加埋圖中帶點泰式既汁~~~好正架~~~最鐘意佢有竹籤串住我唔使用手~~用口咬都得~~(諗下我食蝦個樣有幾醜~)

生炒骨~好味~~

好乖呀~我地有叫菜~~西蘭花炒鮮魷~鮮魷炒得唔怕鞋~

手撕雞~呢個我記得好似麻麻~

仲有菜圃煎蛋~~~好惹味呀~~~又係送飯一流~~呢個我指定叫架~~~(其實我本身想叫蠔仔煎蛋的~佢話無~)

瘋瘋的七公子......竟然可以叫8個餸....我記得....我地仲有叫"靚仔"(白飯)囉..........我地....真係...好變態..............

呢幅毛寶post過上fb....描述係：喂﹗影相呀﹗仲玩﹗.....唔得....呢張相毛寶真係整得好靚~~~~~好配合我地個身~~~~我想知.......以大家對七公子既熟悉程度....從我地既衣著動作身形.....估唔估得哂邊個打邊???????wakakakakakakaka~~~~~~(答案係相下面)....估到記得留言話我知...咁你真係好叻~

[由左至右：宇文公子(即係我)....朗公子....杯公子...麥公子...凱公子...貞公子...三公子(即係毛寶)]



明明食完師傅仔個個都話好飽好飽.....最後都可以去食左咁多甜品....有個公子明明就話飽到唔想食...最後炸魚蛋哥part佢食得最多仲要叫多碟....佢係邊個...咪.......(唔係我呀)

哈哈哈~~
今朝我諗：28歲最後一日...對自己好少少..
早餐唔好食麥皮喇...俾你去買個包啦~
我入到麵包鋪....夾起一個紫菜吞拿魚包...
夾起後想起....我口袋裏....只有7蚊!!!!!
而我夾起又好想食既紫菜吞拿魚包要7個半!!!
最後.....我學會放下...
揀左7蚊既午餐蛋包食...
番到公司用焗爐烘包...
烘完我諗住入番落個麵包膠袋行去檯食...
行到埋檯....我發現個麵包袋俾個熱辣辣既麵包袋..
辣到穿左個超大既窿!!!!!!!!!!!
但個午餐包都無跌出黎!!!!!!
原因好簡單~~~因為我學會放下哥個我買唔起既包~~~
紫菜包個形係瘦長型~~一定跌到出黎~
而我最後揀既沉實午餐包就肥大型~~
個窿跌唔到佢~~~~~~
如果我揀紫菜包....我就跌左落地連包都無得食lu~~
又實覺得自己由朝早開始黑!!!!!可能跟住一直黑落去~
所以學會了放下~可能都係一種福氣~
或者可以講：塞翁失馬~焉知非福?
這是我28歲的最後一個覺悟~
我突然感到我長大了~wakakakaakaka~~~~



今晚食食下飯...
我媽突然大聲話：當年今日!!!!
我入左醫院吊鹽水....
吊左足足1日幾呀!!!!!!!!
你先係19日中午施施然出世!!!!!
你呀!!!!!!!!!!!
(咁....我都唔知架~)
我：你咁辛苦完之後個天咪獎勵你有個咁孝順既女囉~
媽媽：我....想嘔....
wakakakakakakakakaka~~~~



仲有兩個鐘就29歲喇~
要變大個人~思想要變大個~
但個樣可以唔使變大個~
好開心呀~~~~因為~~
生日就是放大假的開始~~~~~~
明天要過香港玩玩~
行下街~食下野~
睇睇何韻詩~(很想搶她的紀念品~)
輕輕鬆鬆的~過一天~
我就想要這樣的生日~
還要好好享受17天的大假~~~~~



報時：距離南非觀獸美食之旅2013仲有---2日~
hehe~原來今次係terminal 2度飛喎!!!!!!
我從來未去過T2的~~~~~~
要好好感受一下~~~~(但有可能無勝博殿吃呢;[)
星期一既晚上先飛~
星期一我會出多個blog先飛~
記住要來看呀~