南非觀獸美食之旅2013-10-25第五天Part 1(晴天)

今日ot....中午食左半個鐘飯......但我唔知點解可以食左咁多野.....我本身已經叫媽媽買左野上黎我食.....一包炒麵...一碗炸魚條粥.....已經可以飽到炸開......但係老細又叫多左餸幫我地加餸喎.......所以我另外又食多左三隻雞腳...一隻雞翼...四塊京都排骨...兩塊豆腐...同埋一舊班腩...仲有一堆生菜.......下午一路做野個胃一路撐開.....我唔敢喇........有好多blog友問我點解食極都唔肥....但如果你係我身邊朋友就知....我係真係肥....我知我衰為食.....今日見到神秘團友呀...佢話我：你真係肥左...你睇下你塊面.....脹哂!!!!!!!!!!!!!!!!鬼叫野食咁吸引咩.............................聽日又要開ot喇....希望我食少d野啦...(其實係我覺得如果開ot食咁少野我係無心機做野~~~)



2013-10-25
Day 5---Part 1(南非,約翰尼斯堡 South Africa, Johannesburg)
起床~酒店的外觀~起身再賴一次呠呠.....大家都知我之前哥晚肚痾+嘔架啦~

有理無理咁多~~都係要食左早餐先~~不過餐廳好細....d人要等一陣先有位入...我就有御用霸位員--->媽媽和神秘團友~

唔算太多野食~亦無左之前間酒店有生蠔食既哥種震撼~

呢朝食左....最開心係佢有即場的煎蛋服務~~喜歡煎蛋多過炒蛋~~~但蛋還是冰島的好吃~芝士也不太出色~

bye~這間酒店只住一個晚上~

呢日既第一個景點就係黃金礦場(Gold Reef City)....本身有得落去d礦洞度帶埋礦工帽去體驗一下礦工們的工作....但由於我地黎之前一個星期當地落左場大雨....所以個礦洞浸左...所以..無得落......於是退番40幾蚊hkd既樂園消費劵俾我地...不過一黎到門口....我完全估唔到呢個黃金礦場....原來係一個主題樂園黎架囉.....(好似迪士尼咁...)

講真...裏面一d都唔靚.....加上我係樂園入面肚痛發作....要即刻去廁所.....搞到無睇溶金術....於是我問番神秘團友睇完點呀??點知佢答我：睇左先係你既損失...........0我~我明了~期間仲睇左4D立體電影...但係係非常的無聊!!!!迪士尼哥個一定好睇過佢~~~~~(其實一路睇一路都好擔心自己會再肚痛...所以無咩心情~)

睇下佢個樂園吉祥物......d毛殘殘舊舊咁...好難有小朋友想搵你影相喎.........死啦我講緊佢地壞話隻龜仲同我打招呼添...我內疚:p

其實個樂園逗留左一個鐘度就離開去食飯~今餐食中餐~

都ok~有煎蛋係令我最開心~不過其他豆腐呀蝦呀湯呀我都唔敢食...因為驚又肚痛~

餐廳外有很美的紫色花既樹~~~真係好靚~~~毛寶話俾我知南非有整條街都係呢d紫色花樹....好想睇呀~~

跟住就有個市內觀光(City Tour)...睇睇聯合大廈同埋保羅魯格銅像...我都唔知佢係邊個呀...導遊又無講...同埋整個市內觀光都係車上....因為導遊話哥區治安好差....所以唔會落車...好彩...我都唔係咁想落~而且呢段路超塞車....原來幾分鐘既路程要20分鐘先過到~係車上淨係影左呢個係公園入面既保羅魯格銅像

行車時經過的充滿紫色花樹的街~~如果開密d會更靚~~~~~可惜車開得太快~角度攞得不太好~

之後再參觀普林托利亞(Pretoria)...根據行程紙介紹..呢度係南非既文化政治中心....有國會行政大廈...各國大使館...同埋各個博物館......我唔係幾感受到...因為都係係咁意影下d外觀..又無參觀過博物館...其實呢個行程好似有d多餘...

國會大廈對開有個大公園就幾靚~幾綠油油~又估佢唔到哥條街仲有小檔口賣工藝品...不過有d檔口唔係好肯減價所以無幫襯~

呢度都有紫色花既樹呀~~~靚靚~~~

哈哈~~
唔知大家有無睇黃子華既My盛Lady呢??
真係好好笑喎噚日哥集~~~~
一集笑左我好多次~~~~
尤其係細細粒哥度~~~
真係爆笑~~~~~;]




快d到星期六啦~~~
因為早上有得去燒烤呀~~~
我要食腸仔~~~
雞翼~~~~
漢堡扒加芝士~~
海鮮~~~
乜都想食~~~
(岩岩開頭先講完話唔好食咁多野...)