今日gilbert坐我隔離窗….突然之間討論到….到底我襯唔襯叫tiffany呢個名…gilbert話唔襯…不過其實呢個名係中學時既花名….0岩0岩番工時因為諗唔到叫咩名所以就改左呢個俾中學同學改既花名….講講下其實我都覺得唔係好襯呢個名…..但係究竟我襯咩英文名呢……gilbert話要襯d有y字尾既…一至兩個音咁…..我話一個音有y尾咩…佢就話有呀…就咁ly囉…(其實有kay既)無聊…後尾佢話應該叫nancy喎……聽到我眼突…..笑左好耐….跟住我就話我自己都諗左一個y尾…不過係我自己鐘意…同襯我無關….就係macy喇….記住呀..係macy..唔係mary呀…..查實我真係想改英文名…我諗我要搞番張DRC更改姓名先得喇…以上對話都係得啖笑…..不過呢段對話娛樂左我一整個下晏..謝謝gil
番工都無時間影相…唯有睇住d舊相先啦….
又係時候投票喇…邊個同麥叔叔最合襯呢
無野講…我覺得係小貞..合襯得好震撼呀
有兩件事我想講:
今日下晏番工….有一個媽媽陪著仔仔黎辦野….我心諗佢咁大個仲要媽媽黎陪佢辦?..點知細望之下原來佢係一個智障人士….佢媽媽同我講話因為臭佢放工所以遲左同我講唔好意思….我突然間個心好暖..覺得有媽的孩子”真係一個寶”…每一次見到d智障人士都會好同情佢地…覺得點解佢地咁慘..對佢地好唔公平咁樣……..但係接觸多呢d個案會覺得佢地都會係比較乖…有禮貌..而且佢地上黎辦野既時候都會有爸爸媽媽陪佢地….佢地既爸爸媽媽同佢地講野都會好溫柔…會讚佢地..同佢地講要俾心機番工做野要好似姐姐咁…俾心機做野爸爸媽媽會帶你去旅行…..聽完之後個心真係好暖同有想喊既感覺….其實智障人士我地一樣…有工作做…有自己興趣….更加有爸爸媽媽錫佢地….其實同我地一樣…但往往有好多野我地唔識去珍惜
夜晚睇電視新聞睇到四川地震既情境..睇到有d小朋友既家人都死哂..好慘..跟住係電視上見到溫總理捉住小朋友隻手同佢地講:別哭別哭….你們不用擔心生活和學費..政府會幫助你們…雖然爸爸媽媽已死….但這是一場災難…而你們倖存下來….你們要為這努力活下來..(大概係咁)仲叫d人多d安慰哥度d小朋友….唔知點解聽完之後個心覺得好感動…..
講完以上兩件事…發現我真係好幸福呀…起碼我身體健全…有屋住…有工做..有爸爸媽媽朋友仔鍚我….其實我唔應該再去無病呻吟…無咩值得我再去抱怨…起碼我每一日覺得好攰即係代表我仲有能力去工作!大家都要俾心機呀
沒有留言:
張貼留言