噚晚好叻咁開始左我篇論文….而我所做既就係….開左個file喇…跟住打下自己個名呀…題目咁…之後save左佢咁就算喇….真係懶得好過份
我想講下我目前夏天最想食既生果…就係菠蘿同埋香蕉喇…以前呢兩隻生果不嬲都唔係”賣飛佛”….之但係有一次番學放break去買雪糕食買左雀巢雪糕既菠蘿味黎食之後….我就覺得菠蘿味好清新好夏日…即係好似我咁..所以就好鐘意好鐘意喇….第二種就係香蕉…事緣有一日下晏我同sasa一齊去廁所..去完之後行過canteen佢問我食唔食香蕉….我話梗係食啦…依家咁悶乜x都食呀…於是我地一齊入左canteen度食蕉喇…佢將條香蕉你一半我一半咁分開大家一齊食..食完之後好開心咁行番出去…見到阿ann同佢講野…阿ann問我..你係咪0岩0岩香蕉呀???我話係呀…好開心佢聞到我個口d蕉味..但唔知點解要開心…之後仲特登唔飲水再感受哥d蕉味….唔….好香甜呀…….好變態呀我真係…仲加上食埋呢隻香蕉核桃味既雪糕之後………….(又係因為食雪糕)我好為食呀
順帶一提…我終於搞掂左張Agnes B 200蚊現金劵喇…..之前買生日禮物俾媽媽買夠2000蚊而送的…我無錢無野要買加上要5月份用左佢….Ada話想買錶..所以俾左佢..因為我都唔想特登買佢d野….完滿解決……
我幾時先可以好似佢咁..可以好有閒情咁望窗外面既境色呀
沒有留言:
張貼留言