冰島英國自由行之旅2013-06-12第五天Part 1(天晴後轉天陰)

臨放工黑過墨斗……….放晏先輪到我死機………都算……仲要俾神秘部門某個不嬲都無禮貌既同事又再串我…….一撞火…..梗係即刻還擊啦……唔係既話我仲要俾你串多我幾多次!!!!!!!!!!你再有下次串我我一定還擊!!!!!…………………….好彩今晚有得同公子食飯~~舒解我內心既苦悶~~~~去左酒樓食左半圍~~痴線架~~



2013-06-12
Day 5—-Part 1(冰島,史卡法特 Iceland,Skaftafell->史卡法特國家公園 Skaftafell National Park->荷芬 Hofn)
今日酒店包早餐呀~~~好野~~~~望出窗外~今日睇黎係好天同無風喎~~~~好野~~~~我地今日既活動係要行冰河呢~~~~

要行冰川要用好多體力架~~~點可以食得唔飽架~~~~這是我的一人份量~~~最開心係佢又有得整夾餅~~~~~~~超級的好吃~~~我加了超多的蜜糖~~如果酒店有呢個早餐我係超級的開心~~~~(其實淨係試過係芬蘭去聖誕老人村之前試過~~)

最後趕時間~~~因為訂左行冰河~~~所以將麵包夾哂d芝士火腿偷偷運出餐廳~~



咦~~唔通我地就係行呢個我地噚日見到既冰河???

集合地點就係我地酒店五分鐘車程既Skaftafell National Park Visitors Centre度~~不過我地初初懶醒轉早左彎….駛到埋去係荒蕪之地~~嚇到我地屎急尿標咁折返酒店叫佢幫我地打電話等我地一陣~~~再揸車行前少少先揾到~~好彩趕得到~~~

好喇~佢有好多好多唔同種類既健行~你可按體力~難度~時間黎揀想行邊個~~有d行2個鐘有d行4個鐘~有d甚至行一日…不過唔知你頂唔頂得順~~之前講過啦~~我地揀左Blue Ice Adventure….ISK7,200=468.1hkd(包冰爪鞋和拐杖…你自己記得著爬山鞋~不過好似話唔岩佢哥度都有得俾錢租~~但唔知乾唔乾淨呀下~~)…….難度係1(即係最低~8歲都行得~)…2小時~~我地唔敢揀太長時間~~驚頂唔順~~俾埋網址大家方便大家睇下其他行程~網址：www.mountainguides.com.is

一黎就就坐低先~~~因為要幫你度岩你大細既冰爪鞋~~~~提提大家~~~一定要著隻唔鐘意既爬山鞋黎喎~~~~因為舊冰爪鞋好污糟架~~~~再套上你那心愛的球鞋實….咦~~~~~~

這是岩我大小的冰爪鞋~

到毛寶豬~有專人幫你度架~~~幾vip feel~~(其實個個都係~)

各人攞住冰爪鞋個樣係威係勢~~~~

好喇~我地坐佢地架專車黎到冰河附近喇~~~一落車又做戲~~~~~~除左包冰爪鞋之外~每人仲有個行雪山用既拐杖~一邊可以爪住地下~一邊可以鑿野~

行一小段路~都要幾用力行….因為係大大小小既碎石…又落又上又落又上咁~真係要小心d行~~

咦~~~差唔多到冰河既尾巴喇~~

行到差唔多到冰河時導遊就停低教我地著冰爪鞋喇~~~~

華….難就唔係好難既….不過將條野穿黎穿去頭都暈…我仲記得我係一路穿…一路流鼻水….好狼狽~~~~~~~~睇下乖既小朋友示範先~~

yeah~~~整好~~~話實在未行我已經覺得好攰~~~~~

耍行入去喇~~~緊張呀~~~~~~~~~導遊有教我地點樣行冰河…..就係要大力踩落去踩實d~~先唔易跌倒…如果要落山….就身向後….拐杖都係向後面爪……..如果上山就身體同拐杖都係向前面~咁樣就會易d借力~~~~

下回正式進入冰河喇~請來看~報時：距離南非觀獸美食之旅2013仲有—-84日~