冰島英國自由行之旅2013-06-11第四天Part 2(陰天後轉天晴)

今日獎自己食麥叔叔精選早餐做一個早晨既好開始~~~食飽飽個人都開心d架~~~~~雖然今日都遇到d short人~~不過心情就是好~~其實我幾鐘意上班日落雨架~~因為人流可以少d~~~如果日日都好似今日咁~~咁就皆大歡喜囉~~~~~



2013-06-11
Day 4—-Part 2(冰島,雷克雅維克 Iceland,Reykjavik->維克 Vik->史卡法特 Skaftafell)
到左中間要參觀既城市維克(Vik)…….由首都揸車黎到呢度大約揸左3個鐘度~維克係冰島最南端一個倚山面海既迷你小鎮…成個維克得600多人住~旅遊書上形容….維克的壞天氣可是出了名的!!這句講得一d都無錯!!!!所以黎到呢度天氣唔好唔使唔開心~係正常的~

講得一d都無錯!!!!!我地黎到哥時天氣超差……落緊密密雨不特止…..仲吹起強風!!!!!!!!可以用舉步唯艱黎形容都不為過!!


由我地之前睇哥個史克卡瀑布Skogarfoss到依家既維克…..一路都有呢d咁靚既紫色花~~仲要超多~~令我一度誤以為佢地係薰衣草~不過行近d睇就知唔係~~~

黎到呢度要睇既….就係維克海邊……相傳好耐之前一個夜晚…兩隻小精靈想將一艘三桅船拉到維克岸邊….結果天光都未拉到……於是兩隻小精靈同艘三桅船俾陽光射到就變左化石豎立係維克海邊~大約係咁~~~睇唔睇到~~就係前面哥幾舊石喇~由休息站行出海邊d風大到…..d雨水全部曬落塊面度!!!!!!大風大雨….我風褸袋內既相機都濕濕地..超恐怖呢段路……連條leggings都濕哂~

而且維克沙灘既沙係由火山溶岩形成既黑沙~咦~又真係幾黑架喎~黑過我地澳門黑沙呀~好彩有買爬山鞋…..你睇對鞋第四日已經咁污糟~

海邊超級的大浪~~~~企多陣都好似會俾佢吹走咁~~~

我都幾鐘意毛寶大師呢張重覆曝光既相~幾有味呀~

跟住又好辛苦咁行番去休息站哥度~我記得呢段路我行到流哂鼻水~有野食喇終於~~~~~不過都係得d快餐野咬下~

我就叫左個Egg Burger with French Fires…ISK1,390=90.4hkd…….又唔好睇佢只係快餐喎~~~~用漢堡點佢d蛋汁食好正喎!!!!漢堡既肉又唔怕乾!!!真心覺得正喎!!!!!!!平時我係澳門好少會讚d漢堡包好味架!!!(除左我好鐘意既麥叔叔~)

毛寶叫了Fish & Chips…..ISK1,990=129.4hkd…..佢話要係去英國之前試下冰島既Fish & Chips好無味先喎~~結果唔錯喎~炸粉整得唔怕厚~而魚肉嫩滑又唔怕腥~~~~唯一要講係隻色炸得老火左d~~~~~幾好喎呢餐快餐~~我buy~~

好開心呀~~~
厄運在呢個禮拜餘下既工作天會離我遠遠的~~
遠遠的~~~~~
本身我今日有d頭痛架~~
知道左之後我突然頭痛轉好~~~~
好神奇呀~~~



噚日我出哥篇blog寫錯左個瀑布名~~
好樣衰~~~
多得blog友Venus提出~~~
等我唔使再樣衰落去~~~
謝謝你~~~~
如果大家發現我有資料寫錯都可以話我知的~~
我會改~~~~~~
始終一個咁長既遊記~~~~
我個人咁大頭蝦~~~都係會有d甩漏~
歡迎指正~~~~~~~報時：距離南非觀獸美食之旅2013仲有—-86日~