冰島英國自由行之旅2013-06-09第二天Part 2(下大雨)

wow~好勁呀~原來已經OT左4日….不自覺地覺得自己好利害~~鼓掌~~~~(但其實呢兩日我都係使不上勁度….因為我背的肌肉好似痛到就黎爛開咁~~~)終於到左星期五~~~岩岩食完pizza~~~好味~~~~跟住落黎哥兩日…..我要狠狠的玩夠佢!!!!!!!!唔玩夠佢….下個禮拜又開OT咪好唔抵!!!!係咪先!!!!(下個禮拜開埋下個禮拜一好喇…唔準再開喇!!真累了喇~~)



2013-06-09
Day 2—-Part 2(冰島,雷克雅未克 Iceland,Reykjavik)
食飽左龍蝦湯~買完手信~係GPS輸入我地第二個目的地…….呀頂~原來係龍蝦湯下一條街~~出錯車添~~~~又要搵位泊~~~第二個景點~~就係萬眾期待…..被英國某報章喻為全歐洲最棒的熱狗攤既Baejarins Beztu喇~~~地址：osthusstraeti,101 Reykjavik….電話：+354 894 4515…..網址：http://www.bbp.is/…營業時間聽講會開至清晨~好博命~係長龍店來的~

小小的一間鋪~只有一張小檯~不過唔緊要~食熱狗企係度咬就得啦~~

襯等緊既空檔我影左d冰島紙幣俾大家睇睇~係咪好甜心呢~(想嘔呀le~)~好~唔該我地既model~

yeah~到我地喇~呢間熱狗店係連克林頓食過都話超好食既熱狗攤~~~有一隻熱狗就叫克林頓熱狗~就係只加芥末醬的~其他都唔加~~如果想試試只加芥末的熱狗~就叫克林頓熱狗啦~~~好期待呀~~~~我係熱狗忠粉~~

呢度好簡單的~只有熱狗ISK360=23.4hkd~或者可樂ISK190=12.4hkd~熱狗好平呀~~~平過海洋公園呀~~~~平過丹麥呀~~~~不過我地無叫克林頓熱狗~~因為我也愛茄醬的~~

真係真係好好味呀~~~~~我覺得佢地好味既原因除了包夠軟腸夠脆之外~~~佢地個芥末真係超正!!!!!!我懷疑佢地自家制的~~~~~咦…你班人好似岩岩先食飽飯咋喎~~咩構造~

此時又下起大雨~食飽熱狗行過對面…有一個類似澳門既文化中心既地方~見外型幾靚~入去影下相~最衰唔好天~如果唔係藍天白雲會仲靚~

跟住就行下首都既購物街~咪咁開心住~~~因為呢日係星期日~你知歐洲啦~咁…..梗係要休息啦~~~其中一條係Skolavorwustigur路上…另一條就係舊區Austurstraeti直至Laugaveguf……(其實d街名唔好盡信我呀因為有d係冰島文字我打唔到呀~)

黎到冰島…最緊要買既名物應該係66°NORTH牌子既風褸同保暖既衫喇~有興趣可以睇睇~好似買超過ISK4,000=260.1hkd就可以退番15%稅~

周街都有塗鴉~好搞野既長頸鹿~

係呢條購物街無咩令我心動~唯一心動係呢盒手掌咁大的火柴(係呀..我有儲火柴的~太多野儲…立立雜雜~)…..好似一本聖經咁架!!!不過太貴….成百幾蚊~我唔捨得買~又係影低佢就算~

離遠已經睇到首都一定要影的哈爾格林姆教堂(Hallgrimskirkja)~

其實黎購物街既重點節目係要黎呢個Tourist Information Center度攞料同book野~地址：Bankastraeti 2,IS-101 Reykjavik,Iceland

問完想知既資料之後~重點係想搵佢地幫我地訂後幾日行冰川既活動~我地就係想行呢個左手邊既Blue Ice Adventure(ISK7,200=468.1hkd)….難度只有一級!!大約行兩小時~8歲都行得…..佢另外有好多唔同既tour…有唔同難度~可以自己上佢地公司個網址睇下：www.mountainguides.com.is…….提前一日預約就ok了~不過我地見有得幫我地訂就訂左先啦~費事再自己煩~我地問過哥日天氣…佢話會下雨呢(哭)…..我地問如果落大雨有無得取消…佢話無…佢地只會係太大風既情況先會取消…無因為落雨而取消的~

問左information個女仔邊度有電話卡買..之後再行去呢間1011既24小時超市買電話卡…..不過就唔好係呢間買日用品喇~因為呢d 24小時超市係貴架…..之後再同大家講邊間平野~我地買哥張電話卡好似買左成200hkd的…不過….我地只係打過一個電話….send過一個短訊….就無哂錢囉……痴線架!!!!!!!!!!!!買完呢次之後..我地都無再買喇!!!呃錢….加止我發現佢地d電訊收得好差…….荒山野嶺收得差都算…..市區都可以無訊號到沒有服務…誇張!!

好開心好緊張呀~~
聽日要去睇怪獸大學喇~~
心仔撲撲跳~
好耐未咁想睇一套卡通片了~(證明我老了~)


星期日就有狂迷聚會BBQ喇..
不過我無參加(主因係因為…太熱…咁熱仲BBQ..布志綸想熱死人咩..)
如果你地去開元朗哥個3個英文字既燒烤場…
代我呢個澳門狂迷向佢問聲好啦~(我嫌熱無撐場哥d就唔使講架喇~)