冰島英國自由行之旅2013-06-10第三天Part 1(時陰天時天晴)

雖然今日唔使ot….但係都係咁多野做~~~不過都好既…..起碼可以番屋企訓番大半個鐘下午覺……鬆一鬆~今個禮拜唔知搞咩~~~由星期二至星期日都會係街食~~~媽媽偷懶呀~~~~唔乖~~~~~~(我打呢句哥時….佢企係我後面~~好彩佢老花睇唔到~~~)



2013-06-10
Day 3—-Part 1(冰島,雷克雅維克 Iceland,Reykjavik->金圈之旅 The Golden Circle)
晨早起床~~要食番個靚早餐先得架~~~又係阿sam煮~~正呀~~冰島d雞蛋癲架!!!!超好味~~~阿sam呢日煎既蛋好正~~係流心的~~用d蛋汁點烤過的麵包!!!正!!!!!佢地d雞蛋好重蛋味!!!非一般的好吃!!我到依家仲掛住緊~~~

但呢隻矮杯乳酪超杰……杰到好似牛油咁………..食完夠哂飽~~



好~出發~~我地今日既節目就係金圈之旅(The Golden Circle)喇~~~有3個主要的景點：1.平格維爾國家公園(Pingvellir) 2.間歇泉溫泉區(Geysir) 3.黃金瀑布(Gullfoss)……這是冰島的熱門行程~同首都近~所以去冰島短時間既人呢個係唔錯既選擇~今日天氣點呢~有d陰咁喎~~~唔制呀~~噚日已經落左成日雨啦~~

係喎~~講下冰島d公路先~~~其實冰島揸車d公路真係….好窄……雙行線…但每條都只係夠一架車行多少少…..旁邊好多時就係海…懸崖…或者斜落去既碎石路….而對頭車…冰島d人開車係超級的快囉!!!!!!!!佢經過你身邊時係會”縫”一聲好似賽車咁架!!!痴線架!!!!所以我地叫司機位旁邊既位係”熙蕾bb位”….點解??因為佢要幫sky哥睇下夠唔夠位過!!(唔好話我知你唔知邊套戲係sky哥呀!!)…所以我地好多時…如果見到條公路無對頭車…都係會行哂成條公路…..即係…我地長期行住中線~~咁會安全好多….因為睇過好多blog都話…會反車呀!!!!!!!!!!!!!!!!!!!!!!!!!!!!!!!!!!!!!

呢張擺明騎緊中線~

如果有d大景點…公路會有指示牌顯示四葉草圖案~挺貼心~我地見到第一個四葉草圖案….又見到有其他人停低喎~咪睇下囉~~點知只係一個湖~影左一幅相就上番車喇~(因為都幾大風~)

咦~見到有平格維爾國家公園(Pingveller)個牌喎~停低睇睇先~點知係成大個草原~有好多人砌左好多許願既石堆~~真係有好多個~~唔知有無上百個~

跟住兩姊妹又話要砌埋一份喎~

我地哥個…..得個肥字~全無建築力學可言~點知毛寶話未砌完喎….仲以為有咩大工程….最後完工一粒…..華下….碎石仔黎架喎~~大風少少都吹走~唔該哂~

咦~團友有無一路砌一路許願架~

睇下人地哥個幾高~~~~~

我地哥個細小到咁~~~~~~好好笑~~又肥又矮~~跟我很像~~此時有一隻陌生的手殺入鏡頭~

呢位有趣的先生係德國人黎架~佢話黎冰島旅行完鐘意左呢度…就移民左黎呢度(講到咁簡單既~)……佢主動同我地傾計~應該係佢見到阿sam用寶麗萊影緊相有關~~原來佢以前係寶麗萊度做架~阿sam遇上知音人~仲話等佢番到澳門寄部寶麗萊送俾佢喎~(唔知係咪真既呢~hehe~)

wow~呢段路開始毛寶第一次揸車呀~~~好勁呀~~~佢自己主動叫我post呢張出黎架因為佢話要俾大家睇下佢係合埋眼揸車架~~~~~~(講笑咋~~咁岩線影到~~)…所以我依家做緊”熙蕾bb”呀~~~

hehe~~~
衝上雲霄2第一集暫時黎講幾好睇~~~~~
希望keep住啦~~~
雖然首主題曲…真係唔係好夾~~~



我宣佈~~~~~
10月有得去旅行~~~~~
好野~~~~
噚日落左訂~~~~
係去我地都好想去既南非~~~
今次同寶寶媽媽一齊去~~~
仲要係我生日哥日出發~
所以~~~
又有報時器喇~~~
報時：距離南非觀獸美食之旅2013仲有—-94日~~~~
(即係我距離生日仲有94日…..)
好興奮呀~~~~~~
睇見個行程~~~~又睇企鵝又海獅又坐吉普車睇野生動物~~~
又食原隻鮑魚又食龍蝦又迷城皇宮高貴英式下午茶…..
淨係野食都搞到我心花怒放~~~~~~
好~~~要努力工作了~~~~
呢個今年最後一個旅行了~~