冰島英國自由行之旅2013-06-10第三天Part 4(時陰天時天晴)

唉~唔知點解我今日好想嘆一口氣~好彩今日已經係星期五~其實我星期一二三都過得好開心的~係星期四五……..不過…..上天關左我呢對門唔俾我行……就會開番另一扇窗俾我~雖然只得一日~都好過無~今晚同左媽媽出街吃飯去~因為今日係一個很特別的日子…我不想媽一個人過……..



2013-06-10
Day 3—-Part 4(冰島,雷克雅維克 Iceland,Reykjavik->金圈之旅 The Golden Circle)
去完間歇泉就揸車去金圈之旅最後一個景點~就係黃金瀑布(Gullfoss)喇~我地泊好車…一落車….wow….d風大到呀~~~~~~~有多一樣野要提提自駕遊既朋友們….每次落車開車門時都要拉緊車門!!!!因為真係有人試過大風到吹走車門!!!!咁樣就算你買左全保都唔包架!!!!!!!!呢個時候天又變會陰陰的~大風的~

行去睇瀑布呢段路都唔知點解可以咁大風架~~~~~~我地行得超辛苦先行到黎!!!!我地要手繑手咁3個女仔齊行先得!!!!!!!先唔會俾風吹走~

wow~~~瀑布很宏偉呢~~~~咁大風d都值得~~~呢個係冰島第二大瀑布黎架~~~

好靚~



你睇下大風到…..如果我唔捉緊頂帽一定會吹開囉~~~~

咁大風仲要係崖邊玩跳起!!!!後生仔真係唔知個屎字點寫!!!!!唔使講都知佢係邊個啦

我同佢家姐叫住佢唔好跳都係要跳!!好彩我一take過影到咋!!

現在時夏天…陰天的時候影~跟住睇佢d介紹牌….wow!!!冬天好靚呀!!!結哂冰咁樣!!!有太陽可時又有彩虹喎!!!!我地依家睇左初級版添!!!跟住團友就紛紛說…唔得喇!!要冬天黎多次!!!

跟住有條木樓梯可以行落去既~~

然後再行一大段石仔既斜路行近d個瀑布….呢個瀑布水量非常大!!!一路行近….一路超多水花撲去塊面度!!!

"琴"上幾舊大石後就可以同呢個瀑布作最近既接觸喇~~~~好勁呀~~~~好似落雨咁呀~~~

好膨拜既感覺~~~~~

點解成日去外地旅行叫d人幫我地影相….d人永遠都係唔影景…..淨係影人既???咁同我係屋企影張相有咩唔同?????

呢度既水量係大到我一開相機影相…..成個鏡頭都係水點!!係呢張相可以睇到~~矇哂~

超鐘意毛寶幫我影呢張相~

呢張係用iPhone既全景模式影架~都唔錯呀可~

hehe~拜拜喇~~我知我地一定有緣再見的~~~~

今天是爸爸的死忌…
早幾日已經拜左佢….
咁就3年……很感慨…..
不過已經無早兩年哥種力竭聲撕哥種傷心…
唔係忘記左呢件事….
係反而將掛住爸爸既感覺放係心入面~
就係因為將佢放係心~
所以我時時刻刻都可以諗起我地一家人一齊時既點滴~
雖然我地有鬧過交~有互不理睬對方~
但開心既時光特別的多~
想起爸的笑聲~想起爸的爛gag~
想起爸的美食~想起爸的疼愛~
想起爸所有好的一切~
我有好好的照顧媽媽~(雖然佢照顧我既時間多d~)
我要告訴爸~我有好好的生活~
爸~我愛你~
很喜歡阿sam係衝上雲霄2說的(唔係我地團友呀~~)：
與其聽天由命…不如自創風景~
鼓勵成份很高~我鐘意~



我和媽今晚去吃烤肉…
我問媽：我地今晚應該食齋先岩喎…
媽：hey~食得係好架~爸爸見到我地咁開心佢都會開心~
我真要學習我媽的豁達~報時：距離南非觀獸美食之旅2013仲有—-91日