冰島英國自由行之旅2013-06-08第一天Part 1(天晴)

今日好慘~要開ot~開中午食飯一個鐘….平時食中午飯我係食兩塊麵包…但今日食左個雞奕炸魚片撈米…一舊蛋糕…兩粒麥樂雞…仍然肚餓…奇怪~…星期六：唔使學ukulele~感覺好多時間用~~中午去左食味藏~好好味~又抵~…->休息(食飽就休息~~)…->夜晚食左艾菲兒~開心~…->夜晚去左睇非常盜(Now You See Me)…..超級的好睇~~真係好睇~~精彩呀~~劇情估唔到~佈局亦夠細緻~喜歡看~~~……..星期日：攞命~~我地買左朝早9點半早場睇地球末日戰(World War Z)…..真係好早~~不過3D戲早場價係$65….抵睇~都幾好睇~~不過你知啦~呢類喪屍戲…佢第一次打橫衝出黎時….我又係叫到全戲院都聽到….叫到手腳高舉..真係勁驚~(其實我隔離哥兩個人都俾我嚇親~)….後尾我用手遮住自己對眼係手指縫度睇…遮到連畢彼特個樣都睇唔到~~~~…->去食橋記~終於食到乳豬~~唔錯~食完先落大雨~勁好彩~….->之後再去朋友的新鋪開張->休息->同婆婆佢地食飯~….超豐富節目的周末~



(哈哈~一如以往~呢篇blog係由好多輯相集合而成…我的數碼相機2712張+我的iPhone273張+毛寶的iPhone477張+毛寶的LC-A+ 324張=3786張相合成~咁當然出blog時唔會咁多啦~所以排相都排到暈~~好囉好囉~終於入正題喇~~~冰島英國之旅正式出發~~~~~)



2013-06-08
Day 1—-Part 1(澳門->香港->卡塔爾多哈Doha->英國倫敦London->冰島雷克雅維克Reykjavik)
第一天已經不只得一part喇~~~原因係第一天對我地黎講真係過得太漫長~~~~~好喇~~出動了~~~~~~~~~~~~~~我地6月8日哥日係搭凌晨機的~所以係6月7日夜晚我地已經要搭機場船過香港囉~~~~~我地係搭最後一班夜晚20:15船的~所以19:15我地就要到碼頭~哥日我仲要番工的~~攞左兩個鐘OT早走等自己時間鬆動d~~沖好涼~由團友之一車我同毛寶和所有行李出碼頭先~~~該名團友泊番架車番屋企再拖埋老婆行出黎港澳碼頭!!!!!好恐怖呀~~~行出黎熱屎囉~~~睇下佢地~~幾開心~~~睇下我哥時幾白!!!你地再睇埋我番黎塊面就知我黑左幾多!!!(不過個咀粒瘡好礙眼~~)

好喇~~~我地要介紹下今次冰島英國遊既團友先~~~有新既人物出現呀~~~~~有我啦~鐵腳毛寶~仲有佢既親二姊大比~仲有姐夫阿sam~毛寶有很像大比嗎??我覺得都幾似架佢地兩個~~尤其藝術天份~真係要鳴謝下大比先~~我地有好多民宿呀租車呀…之如此類都係呢個女人仔一手訂既~辛苦哂~

呢張應該係我地最正常既一張合照….往後哥d請多多包容!!!簡直係嚇人~~~好喇~~大家一起出發喇~~~~呢個時候我個gip已經係21.7kg….痴線….

係船上面…笑聲根本完全未停過~~

今次我地揀左搭卡塔爾航空公司(Qatar Airways)………….之前都有搭過…………我地係澳門飛前36小時就做左online check-in喇~所以可以一齊坐~~~…如果唔係實好似上次去法國咁一個一個坐~~網址……點解要揀佢….唔….無他既….因為佢平d囉~~~~不過因為我地既目的地係英國…d機場稅好貴….其實張機票就$3000hkd架咋..不過加埋其他加埋機場稅同附加費就變成$8087hkd…驚未?!大比同阿sam後我地幾分鐘買…佢地哥張仲貴我地幾百蚊…..真係睇岩時機買真係好重要……..(其實新年哥期平少少的…大約$7100hkd左右…不過我地貪心以為過左新年會再減…..點知….)……今次等攞機場船既行李等左超耐!!!成30分鐘都有…..本身唔趕時間都算……但係…..

但我應該有同大家講我有幾想係上機前食勝博殿架啦!!!!!就係因為行李攞遲左….原來勝博殿係入面最早收的!!!!!!!收夜晚10點!!!當我行到埋去想叫野食時….係22:03!!!!!!!!天呀!!!!點解你舊行李唔出早d呀!!!!!!!!搞到我唔知食咩好求求其叫左個咁既臭包食咋…食完仲覺得好熱氣!!!

大比說要買頸枕…..見到個小朋友size的…話好得意….就買左~……但我係機上面見佢訓覺訓到個頭西左出走廊~~~~仲俾行過既空姐撞到佢個頭~~笑屎我~~~

食飽飽~買埋雜誌~我地就去左31號閘口等~~我地係搭卡塔爾航空01:20 QR813班機….由香港飛去卡塔爾既多哈轉機…..飛去多哈…大約7個幾鐘~

d人已經開始唔正常!!!

hehe~仲有佢地一齊去架~~有寶寶有囉jer有熊大同熊熊~係我地四個既假身~

澳門特區護照去冰島和英國都不用簽證呀~

洗好面~等上機~我真係覺得香港既機場係最好的~暫時去過既機場黎講~最好都係香港~又舒服又大又乾淨….最緊要係：wifi好慷慨~我記得我仲睇完一集康熙來了先上機~

呢程揀左中間哥排坐~無靠窗~所以無空中照睇~第一餐飛機餐~頭盤：豆腐青瓜沙律(好味~清新~)….主菜：薑爆雞配鮮蔬和蒜香炒飯(ok~唔難食~)….甜品：樹莓杏仁蛋糕(er…..)….餐飲叫左紅酒+7 up….希望訓好d~

毛寶主菜揀左紅燒牛肉配西蘭花蘿蔔和薯蓉

訓左一陣又起身食早餐~我哥個係西班牙庵列配焗薯及蕃茄仔和忌廉菠菜….那個忌廉菠菜好難食!!!最開心係見到個兩舊生果~

毛寶的鯪魚粥~佢唔鐘意腥味~但呢個佢可以食到津津有味!!仲話好過我食庵列喎!!

呢程機淨係睇左一套戲…就係傑克：巨魔獵人(Jack the Giant Slayer)….呢d戲都唔會唔好睇~…….其餘時間我都訓左覺~

食完早餐就到左呢個之前都行得爛熟既多哈國際機場~好似好多野買~又好似無咩野買咁~

好彩我之前訂機票特登揀d轉機時間短既航班~~唔係實等到傻~不過今次又係咁囉….我地用澳門特區護照係多哈轉機唔過24小時係唔使簽證架嘛….跟住佢又睇左我地本護照超耐!!!

我地05:05到~07:55又飛過~多哈超熱~機場也超大….坐shuttle bus出停機坪可以坐成10分鐘先出到去!!

拜拜多哈~

哈哈~我真的很愛填入境表~常常搶毛寶的來填~

這次的位置很好~靠窗口的~但係係最尾~係二人位~正~可以無限靠後~

咦?!點解同上一餐既差唔多既~不過d茄汁磨菇好好味~

第二餐簡餐….wow….個包裏面充滿了綠油油的中東風味醬…我….連我都頂唔順…..嘔嘔~

呢程機搭左大約7個鐘度~ok喎~又唔覺得好長~因為我睇左兩套戲….一套係魔境仙踪(Oz The Great and Powerful)….唔係話幾好睇..一度令我昏睡~另一套係熱血喪男(Warm Bodies)….呢~情人節哥時上哥套講個喪屍鐘意左人類哥套….幾好笑喎又~我係唔記得香港譯名架~~淨係記得哥時去台灣既台灣譯名：殭屍那有這麼帥~個名真係…不過佢又真係幾帥喎~~~傑克：巨魔獵人都係佢呀~呢套靚仔好多~好好笑~

10幾個鐘機程….終於到英國了~咦~英國好似幾好天喎~我地係英國倫敦(London)的希斯路機場(Heathrow Airport)降落了~興奮~

可惜的是~英國不是我們的終點站……一落機…乖乖的跑去入境英國….因為我地去冰島只有冰島某幾間航空公司先去到…..有d係廉價航空….我地就穩陣d揀左Iceland Air…所以我地要先入境~同一日再出境英國~起初以為佢地入境會好似法國咁樣…打開護照…吸印…走….咁樣架嘛…點知我地睇前面d旅客去到counter度…問超多d問題!!!!!開始劣~~~我同毛寶劣劣地~一齊過海關~~點知我地抽中左個好好人個樣好似聖誕老人咁既關員~簡單咁問下黎英國做咩呀~傾下閒計之類….仲同我地講哂笑咁….仲大哂佢識既普通話~但大比同阿sam就慘d…..勁質問佢地..又問佢地帶幾多錢黎呀之類之類…..好慘~

攞行李時係輸送帶前面七情上面~博得一位男士幫手~哈哈~

由於我地係Terminal 4落機….而我地去冰島哥程機就係Terminal 1….於是我地就要拖住舊行李由T4搭免費shuttle去T1喇~

好靜…個counter仲未開…無得check-in…….於是拖埋舊行李去搵食~

最後揀左呢間Cafe Rouge..一睇個名就知係食法式架啦~

無咩人~

French Onion Soup £5.95=70.2hkd….wow~計番先知咁貴~都幾好味既…咁當然法國飲的會好飲好多啦~…但食左4餐飛機餐之後…就會認為呢碗熱湯係極品~

Blue Cheese & Walnut Salad £5.25=62hkd~好味~清新~藍芝士夠臭~

跟住我地叫左兩個牛扒四份食…..大家都係叫Sirloin 8oz £15.95=188.2hkd…….一個跟薯條一個跟沙律~沙律同薯條都好好味~不過塊扒既生熟度佢地真係拿捏得麻麻~

仲有….要汁係另外加錢的….上圖為Peppercorn £1.5=17.7hkd…麻麻…….下圖為Garlic Butter £0.75=8.9hkd…..都係麻麻…..早知點鹽就算啦~

呢餐未計service charge已經食左£56.3=664.3hkd了~好彩唔係一人一扒咋~

仲有想講既係：英國機場太姑寒了!!!只有45分鐘的免費wifi!!仲要收得唔好!!!45分鐘後要9個鐘先可以再上……大家明白點解我會話香港機場慷慨呀le~

下個禮拜做衝上雲霄2喇~
不過唔係eason唱主題曲真係有d失望~
希望會好睇話第一集啦~~如果唔係我睇幾集就無心機睇~
(因為通過續集都差過第一集~就好似我之前睇既怒火街頭咁~)