2013年7月5日 星期五

冰島英國自由行之旅2013---旅行前準備篇

好野~~星期五~雖然下午無理地多野做~但我唔會影響我心情渡周末的~因為我唔會俾自己一路頭痛一路過周末~好似上個禮拜咁~~~頭先出去食左上海野~買左兩件打底用既背心裙~已經好開心~



去冰島旅行前真係要好好準備一番~去完之後同大家分享交流下~所以特登出個準備Blog~去冰島自由行既朋友仔有興趣就睇下我發Up瘋啦~



兌換貨幣
我地去之前將全數使費換哂做英鎊(我地去完冰島會去英國…睇番你自己去完冰島會去咩地方就換咩貨幣啦)….因為….澳門根本唔會有冰島既克朗賣~攞英鎊去既話係機場兌換店或者銀行換就ok~我地哥時就係機場兌換店換….因班機到既時間係夜晚11點….加上第二日係星期日銀行係唔會開~有一間冰島銀行換錢係唔收手續費的….唔記得係咪Landsbanki Islands呢間….如果時間岩又問過真係唔使手續費應該抵好多~不過我地係機場都係換左每人£100…因為我地所有既使費諗住一齊出公數咁俾~又唔想換咁多錢~~其實係冰島我地大部份既使費都係用信用卡俾的….如果可以用到銀聯就最好啦…因為銀聯係外地碌卡唔收手續費嘛(張卡數單番左黎~個匯率中銀都唔錯~比另外一間銀行好~)…..不過冰島唔係度度地方都會收銀聯….碌咁多次卡大約一半機會會收啦…有d商戶就算門口貼明有銀聯都碌唔到哥下先奇~最好帶定埋VISA或者MASTER卡啦~…..咁講下匯率….我換左3次英鎊…分別係11.6358…11.6958….11.7359…….係冰島機場既匯率….英鎊兌冰島克朗匯率係181.52….即係£1=181.52ISK…..咁£1=11.8HKD(大約)…咁經我精密既計算…當時1HKD=15.38ISK~當時得就係帶住£1500=17700HKD咁就出發喇~(無換咁多因心諗無錢就碌卡~)






規劃行程
由於我地係自駕遊既…唔係join local tour或者搭巴士方式遊覽….所以去旅行之前真係要好好計劃左去邊d地方先~講真….冰島d景點車程都幾長……不宜太貪心一日安排太多景點….因為要預定d時間俾自己要搵路嘛~團友大比仲好有心機將成個行程打哂出黎~連所有資訊都詳細列明~~~真係抵鍚~~~搵起上黎都只要攞住份表睇就一清二楚~~我都有份架~~不過我係手寫哥份仲要只係寫左英國行程~~記得自駕遊去要搞國際車牌呀~~澳門居民攞住身份證車牌同相仲有$100費用去南灣中華廣場交通事務局攞籌搞就得架喇…聽毛寶講10分鐘已經攞到個國際車牌~~超方便~國際車牌有效期一年




衣著方面
記唔記得我之前咪話死死地氣上網買左北面(North face)既??(事實上毛寶勸我好耐先肯買)….係呢個行程….我不只一百次講:好彩我有買件風褸咋!!!!!!!……冰島既天氣真係神神化化…….明明好好天但風力可以吹到好似澳門既10號風球咁!!我無誇大呀!!!!有時佢落起雨上黎….又大風喎….有件風褸好過有把遮!!因為遮一定會吹反!!!!風褸又可以擋風喎~又可以擋雨水!!!!!係冰島真係相當好用的!!!聽我話!!一定要買風褸!!!仲要係功能好d哥種…因為我件北面都有d入水!!但擋風一流~冰島d風又強又刺骨~




另外一樣一定要買既野就係…一對你唔係太鐘意既爬山鞋~~點解咁講….因為我唔鐘意呢對鞋….所以我先可以全程係冰島任意行仲行得超舒服~因為…上山下海…泥地又多….如果你著一對心愛的限量版波鞋去…我擔保你對鞋可以番到黎面目全非~呢對就係毛寶勸左我買超耐既類似爬山鞋喇~…毛寶:買啦…呢對唔係好樣衰咋..我求下你買啦!!!…呢對鞋499mop..好~我聽你話~



好彩有聽毛寶話咋~~~你睇下哥兩對鞋去完旅行之後…….毛寶對黑色鞋直頭變左白鞋咁…我哥對都灰灰地…….呢張相仲要係…..我地已經用水洗乾淨左既狀態!!!恐怖呀呢~毛寶還說:好彩你肯聽我講有買呢對鞋咋…唔係我全程一定不停重覆聽你講..以~~~我對鞋呀~~~以~~~好污糟呀~~~(你扮我挺是扮得很起勁)

所以到冰島~最好有風褸同一對唔鐘意可以點踩都得既爬山鞋~



決定你的領路員
哈哈~~我地今次係自駕遊嘛~~4個人去..有3個人有車牌….睇得我個blog耐d都知今次無車牌既傻仔係邊個啦~~~咪就係我囉~~我只可以為大家遞遞零食~送送茶水~講講玩笑~(好多時聽唔到我把聲表示我已進入沈沈睡鄉~)…….正題係….去景點….我地主要係靠係租車公司哥度俾錢租既GPS黎帶路…不過此物絕不能盡信…同風水佬一樣..我地俾佢呃左唔止十次八次…..試過有一次…明明個景點就係前面100米度(因斜坡視線範圍睇唔到前方)…佢叫我地轉左喎!!!都算啦…行行下….一把冷冷的女聲說(GPS發聲):turn right…….望望右邊……..係一條溝渠同埋一個馬棚黎架喎………個GPS真係咁想我地死????仲有成日都帶我地走冤枉路…….老點我地兜超遠話3個鐘先去到…其實只要個半鐘…..有d新路開左個GPS又唔知喎……..




仲成日都話無訊號~~~最後我地頂佢唔順….自己係油站買左個冰島公路地圖自己睇行邊條公路轉邊條算喇~不過GPS都有用既…因為可以幫你定位….定位完之後你自己再睇公路地圖~所以GPS還是必須的~但要外加公路地圖~(係冰島既油站超市買~)
我見佢地用左公路地圖就事事暢通無再迷過路喇~



糧食方面
俾大家參觀參觀一下下~~呢個係大gip黎架…我平時去旅行如果我用大gip既話出發前多數只會用到四份之一~因為其他地方要用黎裝戰利品嘛~~不過今次….你睇睇…出發前…已經爆滿~~~除左d禦寒既衣物…..其次最重要既野係:杯麵~~~~~~唔係話冰島d野唔好食…唔係話冰島既野食貴到接受唔到食唔落口(其實我覺得可以接受可能舊年去過瑞士)…而係…有時我地入住左某個地方民宿之後…..方圓十里…..都係無餐廳的…..想俾錢食都無得食~~~有個杯麵~~真係可以為你解煩憂~~~~如果係首都住民宿既話就可以去平價超市買野番去煮都得~~不過如果唔係大城市就….信我啦…帶幾個杯麵去無死既~~再唔信睇埋我以下呢10幾日既行程喇~~





英國準備
今次去英國其實又唔係一心想去的~~不過見去冰島係香港無機去…要係歐洲轉機…又見仲未去過英國….咁英國又係冰島隔離..咁就順便係英國行幾日啦~去之前毛寶都買左好幾本英國既書…..不過都係呢本最得佢心~佢話呢本最好用喎~

不過俾我再去冰島我係唔會揀係英國做中轉站…因為英國機場稅太貴了….令到我地張機票好貴!~~



下一篇就會出冰島遊記第一天咯~~~希望大家會來看看囉~~~

9 則留言:

  1. 真係好準備充足喎
    三個司機好好多無咁累
    係咪德國或荷蘭轉機平啲?

    回覆刪除
  2. 請問你的鞋是什麼牌子?我準備1O月去冰島!��

    回覆刪除
  3. 您好
    我想請問一下您照片中native的靴子適不適合穿去冰島呢?踩在冰上上的防滑,保暖防水您覺得好嗎~謝謝!!

    回覆刪除
    回覆
    1. 絕對唔適合~~因為哥次第一次去冰島咩都唔知~~~所以隨便選一對像爬山鞋的~但其實一點也不能爪緊碎石地~冰滑不能防的要另外買冰爪套在爬山鞋上~建議你買比較專業一點的比較好唷~還有這篇相片已七零八落~
      如果你有時間去我另一篇秋冬預備篇的會好一點~也比較新一點~(2015年的~)
      http://tiffanylei.blogspot.com/2015/11/2015.html

      刪除
    2. 好的!!太謝謝你了! :-)

      刪除
  4. 作者已經移除這則留言。

    回覆刪除
  5. Hi, 我想問問除了頭幾天,是否必要每天轉民宿呢?

    回覆刪除
    回覆
    1. 如果你想環島遊既話就要喇...因為如果你唔搬住咁玩你會來來回回每日要花好多時間係揸車方面....

      刪除
    2. 除非你每日都係玩同一個點或者附近既點咁就幾日可以唔使搬既

      刪除