2013年7月3日 星期三

糖主Azucar

今朝早餐我叫人幫我買左個蘿蔔糕同埋炒米粉….係公司食緊既時候…..好多同事都話:你痴線架???…..我:唔係好多咋….舊蘿蔔糕好細舊咋…………但跟住我自己又做一陣戲:死喇食食下又覺得好多添~好驚食唔哂呀~………眾同事:你喎~一d都唔鄧你擔心…你一定得既………我形象真係好差~下午做籌好慘…少左個人但又無減籌…係我出盡力做到最後…竟然俾人話我唔叫籌….我….真的生氣了!!



今日想講下呢間之前熱極一時的甜品鋪”糖主Azucar”…..地址:氹仔成都街519號濠景花園31座櫻花苑地下….電話:2885 6789….不過成夜晚八點先開….好似開到十二點就收……..






間鋪係極細極細的!!!!下層兩三張檯…上層五張檯左右




第一次去食時叫左草莓柚子配涼粉$36….味道都唔錯既…不過…我覺得貴左少少~又唔係大碗喎~





最多人係fb post既相係呢個…流心抹茶蛋糕配紅豆雪糕$68…我地改左草莓雪糕…..真係未食過抹茶心太軟喎~~~~但過份期待…..心太軟…是微暖的……食落一點也不享受呢…..而且$68呢個價錢真係太貴啦!!!!好似仲貴過酒店d甜品喎~但收得呢個價錢…..又唔覺得食完會飛天~



兩個人食都食左成$104….飯都食到餐~



俾左第二次機會再去試~糖主焦糖布甸$42….咦~呢個整得幾好味喎~~~



雖然溫度還是差一點~但味道唔錯~



花花世界配士多啤梨雪糕$48….最鐘意呢d清新既甜品~~有生果食又有雪糕~~罪惡感減少了一點點~而且外型唔錯~~~






芒果汁..鮮果配黑珍珠$35~還可以~但無咩特別~以無咩特別又收我$35我唔會再叫~

今次3個人食左$125~感覺比較好點~而且證明佢唔係樣樣都唔好食~~要謹慎選呢~~




今日萬年曆金句:
華麗的跌倒,勝過無謂的徘徊
善哉善哉~(呢句我自己加既…)…



俾人話我咁慘喎!!!
唔得!!!今晚去食日本補番!!!
正衰人黎架!!!!!;[
我頭先同媽媽講…
我:我好嬲呀…頭先俾人屈我呀
媽:邊個!!
我:我xx呀!!
媽:叫佢仆街啦~
好野~都係媽媽最好~~
但我媽媽以前唔係咁架喎~
係咪俾我教壞?

沒有留言:

張貼留言