冰島英國自由行之旅2013-06-10第三天Part 3(時陰天時天晴)

er~我都唔知為我今日既生活講咩好…….我真係有認真咁安慰過我自己….我覺得呢個世上係有因果架……如果唔係我前世欠左你咁多……今世又點會有個咁既厄運?????但係……你搵我報恩…..都唔好咁狠啦…….我實在係受夠了~多野做我唔介意…..大家一起努力我也做得開心…….到底厄運幾時先走??其實你跟左我好耐喇….有無考慮下痴下其他人?定係我前世真的欠你欠得咁誇張?我今天很氣餒….



2013-06-10
Day 3—-Part 3(冰島,雷克雅維克 Iceland,Reykjavik->金圈之旅 The Golden Circle)
去完國家公園~我地就再揸車黎到第二個景點—-間歇泉(Geysir)喇~就係平格維爾國家公園去間歇泉哥段路…佢老點我地轉去馬棚同溝渠!!!平安無事咁黎到~呢個時候都差唔多兩點囉~佢呢個間歇泉景點有配套的~因為係佢對面有個停車場….停車場隔離就有紀念品店同食野地方~咁我地都未食午餐~就係度食埋先~

望下餐牌~有個叫”Kjotsupa”….明明全部寫英文架…睇睇旁邊解釋：Traditional Icelandic meat soup……心諗…傳統野喎~要試啦~~~ISK1,490=96.9hkd…..附餐包….華!!!!我番到黎先知咁貴!!!!!!!!!!!!!成舊水個湯!!!!係咩肉湯呢??係羊肉!!!講你知..我平時食羊架..唔怕騷….但呢碗野我都搞唔掂!!!!!!仲要超級超級的咸!!!!!!!!!其實真係唔係幾好飲…..不過我諗住….算啦….唔好浪費….飲左半碗….唔知係咪太咸…..成個咀腫左囉!!!!!!又甩哂皮咁!!!!

自己諗清楚試唔試啦下~

跟住每人一個包~我就叫左芝士漢堡ISK950=61.8hkd…..都幾好味~…仲有叫小食….薯條ISK490=31.9hkd…呢個麻麻~唔夠脆~…..雞翼ISK890=57.9hkd…呢個正~

叫埋野飲呢餐食左ISK6,120=397.9hkd…..每人100hkd度~算係咁啦~

食飽飽就行過對面既間歇泉區參觀了~影左個路牌俾大家睇~有大景點就會係路牌見到呢個四葉草既圖案架喇~

wow~間歇泉區處處冒煙呢~~

第一個見到既就係呢個~唔記得係咪呢個會噴得最高呢???但係呢個唔會再噴lu~無得睇~只係見到d水好滾~好似煲到100度既水咁~

另外呢個叫Strokkur既間歇泉就最乖仔架喇~~~有d間歇泉要等4個鐘先有得睇~呢個就3-8分鐘就有~而且仲唔馬虎架~野野都超有力度~~

都幾大下~~不過我記得呢個位係好多蚊的~~要帶風褸頂帽擋蚊~~因為d蚊亂衝~



wow~企左無耐佢就爆左一次喇~~~~好勁呀~~我咁都影到~~(其實我揸住相機等左佢超耐…手都攰~~~)

我就話用數碼相機je….點解毛寶你用菲林都捕捉得咁好既???

原來行過另一面睇得仲清楚d!!好大呀個泉!!!(因為我地頭先企哥邊地勢高起左~)

第二take~wow~~一樣咁勁呀~~~~

毛寶張相影得好靚呀~~~

為左大家感受佢爆哥下威力~~我有為大家影到短片的~~(係咪好甜心呢~~~不過睇哥時小心d喎~~~因為爆哥一野幾大聲的~~~睇十秒得架喇呢個~~後面影多左~)

阿sam用寶麗萊都捕捉得好靚呀!!!!!黑白照勁有氣勢~

跟住仲有睇多一次~~~影左短片~~~~呢次仲抵死~~~連爆兩次~~~得我一個影到~~~皆因我夠堅持~~~~~讚下自己先~~~都係爆哥一野有d大聲~~小心~~

片內有兩把好老土既人聲~唔係我~估下係邊個啦~~~~幾貼心~~~帶埋影片俾大家~~



跟住沿路行上去睇下有咩睇~~~就見到有另外的間歇泉…好少人圍住..相信就係等4個鐘先爆一次哥個~~無咁好氣等~~~見到佢另外有d好似小溫泉既物體…..寫明有成80-100度既水溫……話實在我真係想試下摸下的~~不過我驚我隻手熟~~~記得黎到呢度唔好亂咁掂d水喇~~~熱呀~~(其實有個團友摸過d流落黎既水..佢話唔熱囉~~因為可能流到落山腳太耐~~無咁熱~~咪亂試呀都係~~點知有咩物質呀!!)…佢呢d泉眼超靚….望落去好深…現場睇顏色係超鮮艷的!!!超藍!!!裏面仲好似有珊瑚咁!!!(我知唔係~~)

行番落黎時既最後一影~~~遠影仲正~~~可以影哂全景~~~睇下d人幾細粒~

初頭以為…間歇泉je~好多地方都有啦~之前係夏威夷都睇過~~但睇過呢度既….wow~又真係大開眼戒喎~



wow~呢張影到阿sam好正呀!好有韻味!!

次後臨走去埋廁順便睇睇紀念品店….大家估下呢罐係咩黎….痴線架!!!!係冰島既”空氣”喎!!!!!!!!!!!!!!!!!!!!!!!!!!仲賣成ISK1,100=71.5hkd……有無人會買呀!!!!!!癲架..不如我自己用個礦泉水樽入仲好啦!!!大樽d添呀!!!!

廿蚊都話買黎同你玩下丫….70幾蚊買個冰島既屁~我以為呢d咁搞笑既道具係星爺d戲先會出現~

wow~
好開心呢~
有blog友仔話我知我的冰島遊記上了人氣精選的遊歷遍天下~~~
yeah~~~~~(懶驚喜~~明明就係你自己投稿既~~)
唔怪得噚日望下個今日人次…就係覺得咁多人既..
仲以為自己老花眼添~~~~
講起老花眼….
今日同個女個阿媽講：你個仔呀??
shit~~~~~太醜了~~~~



依家我要出街食飯~~~今晚媽媽出街wet無飯食~
我要去吃好吃的來平衝心理~~
我都係好乖的碌回家出左blog先~~~
費事我的朋友仔失望~~~~(無人期待呀~~)
回來再覆大家~~報時：距離南非觀獸美食之旅2013仲有—-92日~~~~