冰島英國自由行之旅2013-06-10第三天Part 5(時陰天時天晴)

又到左一個要開ot既星期一…不過厄運不在我身邊就算工作多我都無有怕~~~~~可惜…..明天厄運又再與我同在…….原來唔上我一個覺得呢個係一個厄運……基本上遇過厄運既人都覺得係咁…..咁證明我無偏見啦~~~~~星期六：終於去食左大比同阿sam推介既蟶子米~確係幾唔錯~…->又番屋企訓晏覺~真係好變態~…->與毛寶貞貞一起在mug’s talk晚膳…笑到牙都甩~~….->諗住再過金玉滿堂再食…點知發生左一件嚇壞我地3個既事~即刻打道回府……………..星期日：hehe~終於試左琥珀既lunch set~大滿足~….->文化中心睇展覽(我地真係好有文化氣息~)->回家小休(周末就要常休息啦係咪~~)->去觀光塔睇捍戰太平洋Pacific Rim…我覺得幾好睇~熱熱鬧鬧咁(講到睇笑片咁)~因為我覺得人人都講有某種生物侵略地球架啦….但佢講到哥種黎地球既方式都幾特別呀…於是咪buy佢囉~不過嫌佢打怪獸時力度唔夠….明明咁大隻機械人可以mark爆怪獸個口….或者咁新式既機械人應該有d好勁火力既武器~佢又無喎~…毛寶評價…一般je~…->行左陣800伴買左兩包減價冷麵~不過你知減價野啦…但我買哥時無睇係咪就黎過期~失敗!!麻煩毛寶你睇到呢個blog去睇睇過期未~唔該哂~…->食左檀香山…好古怪呢餐真係~~哈哈~~



2013-06-10
Day 3—-Part 5(冰島,雷克雅維克 Iceland,Reykjavik->金圈之旅 The Golden Circle)
仲有一樣好緊要有關自駕遊既野要提大家…..就係……因為冰島佢地d油站大多係自助式既…而俾錢既方式有d可以收信用卡(不過我同你講..係冰島文..我完全唔識睇)…..而最方便就係有呢d Prepaid Card喇….我地就買N1呢間油站既油卡….因為我地之前睇人地個Blog就話呢間油站係分佈冰島最多架….而我地架車行左冰島一圈…發現最多油站都係呢間N1~呢d油卡通常如果你見到油站有休息站有野食買哥d都有得買….但有d就淨係得個油站俾你入油!!!咩人都無!!!……所以你買開就一定要買多幾張傍身用….我地買左最大哥隻面額ISK10,000=650.2hkd……唔使一次過用哂一張架…可以分幾次用~都好方便~

呢次係我地第一次要去入油呀!!!!!!你睇毛寶幾叻~指東指西咁~

我地係入哥隻95字樣哥隻..至於點解….er….佢地有同我講話…佢地話…貴d既…er….好d既….我淨係記得咁多咋~

由於我地第一次入…..玩左好耐都唔知點玩!!!!!!好彩呢個油站好多人~~可以問下其他d冰島人~阿sam叻仔~…..問題係…我唔明點解點解呢度可以咁多蚊同烏蠅!!!!!多到係見你一企係度就狂”嬲”你!!!!!超恐怖!!!!!

入好油就番首都lu~



見今日淨係陰天無落雨~~即刻走番去首都個地標哈爾格林姆教堂(Hallgrimskirkja)度影番幅無擔遮既靚相先~~~~

其實我幾鐘意佢呢間教堂既外型架~不過可惜~我地黎到哥刻教堂收左~~

係教堂望番轉頭就會見到佢~基本上佢地係一頭一尾~位於碼頭邊既維京船骨架~冰島都係維京人既後代~

呀~唔講唔知~~~~首都d人係超級超級的鐘意養貓…基本上係首都咁多日都見到超多既貓~~~呢隻黑貓仔~d毛黑到好似個影咁~~~~~~好得意~~

呢度真係好~咁多人養貓~可以俾愛貓既兩姊妹玩個夠~~你睇下大比隻手對隻3色貓幾咸濕~~摸黎摸去~~~三色貓個樣真係超醒目~~~佢地兩個仲周街追住d貓玩~~~~

呢日既行程完結…..但我既功課依家先開始……er……我d postcard功課呀~~~~今次買到4種唔同既郵票~~好開心~~好靚呀~~(我淨係買郵票買左500幾hkd…痴線架我)

我好多功課做……罰抄咁寫左廿幾張postcard…….我超鐘意右下角哥張呀…哥種冰藍色~~大愛~~

呢張係我其中最愛既…因為……佢右上角哥粒野裏面係火山灰黎架!!!!(可惜寄到番黎壓到貶左…..慘~~好彩無甩仲係度~~)

另外哥幾張~~都好靚~~

朋友們我都大多寄這張~

之前哥日買既磁石~我依家去旅行都好鐘意買磁石~~可能受chlo子影響~~~下次同大家分享我家的雪櫃~

做哂功課可以食晚飯喇~~~時為晚上11點~~~~痴線的~~食埋餸尾~~因為聽朝搬走~離開首都~敬請期待~~

有一個星期六既故仔我一定要同大家分享~~~~
話說星期六晚我番到屋企….
我媽同我講：你係屋企要小心d!
我：(流一滴汗)咩事?!?!?!
媽：今日有個電話打黎….係操大陸口音架!!!!
我：(緊張mode)
xxxxxx(我媽開始用大陸口音演繹)xxxxxx
媽：喂~
男人：樓婆!救命呀!禾俾人打緊呀!
此時我忍唔住插咀：媽~~~~你撞鬼呀~~~(大家明我意思啦~~~~)
媽繼續扮：你打幾號電話呀?
男人：(佢無答我媽問題)樓婆!你要攞錢黎救禾呀!佢地會打屎禾架!
媽：………………….咁你去死啦~
xxxxxx收線xxxxxx
我地稱呢d為低級騙子~
唔清楚人地背景….又唔知人地有無老公老婆….
你點呃人呀??????????????????
請小心家居!!
呢單野我同我媽笑左好耐~
好彩我媽係一個醒目仔~~~~~
同埋你打呢呃人電話之前……
請你戒左大陸音先啦~
就算我老豆落左下面…
我相信佢都唔會無啦啦變大陸口音XDXDXDXD



報時：距離南非觀獸美食之旅2013仲有—-88日~