2013年7月11日 星期四

冰島英國自由行之旅2013-06-09第二天Part 1(下雨天)

我無寫一日blog~俾兩個人催我出blog~真夠面子~我噚日好慘~隻眼唔知有咩….頂住頂住成日…勁流眼水…..因為隻眼痕…搞到我個鼻都覺得好痕….流左成晚鼻水……中午又開ot…加上夜晚去左neway…..所以身體+時間+疲累…..搞到我噚晚無mood寫blog~……今日都有開ot….真係好攰…不過你可能話….間間公司都係咁開架啦….人地咪又係日日開…..但我地要對外呢……對住d人特登問d刁難問題….要追籌…要收錢….其實坐counter要兼顧好多野….加上d人會無啦啦入黎鬧你兩句你又要應酬佢……都算…..開完ot我仲要俾人求其揾d野係要鬧下我….哥下先火!我個膊頭同手臂d肌肉痛到就黎舉唔起手….為乜??放工仲要走去買膏布貼膊頭…………………………



2013-06-09
Day 2—-Part 1(冰島,雷克雅未克 Iceland,Reykjavik)

好~平躺在床訓番5個鐘~叫做有番d精神~今日係市內觀光~天好似有d陰呢~唔理~出發~





民宿外觀~



係喇~如果係冰島揸車其實泊車都幾方便的….我地民宿條街有好多街位泊車…..佢地d咪錶係咁既~不過佢地都幾好喎~~因為”要”入錶既時間係星期一至五既10:00到18:00…星期六就10:00到16:00…星期日直頭唔使入….er…基本上呢d時間我地都出左去玩~景點又會有免費parking…..加上係大城市先有咪錶…小市鎮隨你周圍泊…我地咁多日係度都無需要入過咪錶~



市內觀光開始~wow….點呀…個天黑到咁架~



我地就揸車黎到呢個Reykjavik Old Harbour~人唔算太多~因為只係早上11點幾左右~~



此日素顏~因呢晚有特別活動~請勿嚇呆~冰島六月天氣…..話說已是夏天…但係都只係得10度左右…..呢日我著左兩件防寒內衣…一件面衫…一件冷衫…一件風褸….我平時其實唔係好怕凍…你自己諗下凍唔凍啦~



其實重點項目係要去旅遊書上推介的餐廳Saegreifinn來一個早午餐~~~~呢間既馳名菜:龍蝦湯仲埋燒魚串~~地址:Geirsgata 8,101 Reykjavik……電話:+354 553 1500….網址:http://www.saegreifinn.is/……佢好似開11點半~



因為我地去到未夠11點半~~好彩我地膽粗粗走入去佢又俾我地入~~地方唔大~就係得呢3張檯~不過我地差唔多食完時大約12點度…開始超多人黎囉~~~~~好彩我地咁早~~



野食就得咁多款啦~~~佢地將d材料放哂係度~你睇完想食咩~去收銀機同佢講你想食咩…收左錢佢就會幫你攞去即燒架喇~~~~



我地點左一串帶子ISK1,900=123.5hkd…一串燒蝦ISK1,300=84.5hkd….一串Tusk魚既燒魚串ISK1,800=117hkd…..仲有龍蝦湯ISK1,250=81.3hkd…..龍蝦湯無放出黎直接同佢落order就可以了~我地叫左兩個~



成餐總價ISK7,500=487.6hkd~



團友們好心急呀~



先來的是龍蝦湯呢~wow~超級的香~~同平時飲開哥隻深啡色既龍蝦湯完全不同~這個不怕太鹹~好鮮味~



跟住呢個龍蝦湯黎係一盤白濛濛的麵包…開頭見佢咁既色都唔太想食….不過一食之下….痴線架!!!!!佢d麵包好好味囉~~~~~原來好脆好香的~加埋冰島的土產牛油….正到癲呀!!!!



龍蝦湯同麵包團友們一致推介~~飲完成身暖粒粒~



飲完湯d串燒都剛好出來了~



Tusk燒魚串~又唔怕腥喎~其實都幾好味~不過呢隻魚既質地我就麻麻~



燒帶子燒得好好味呢~~~~燒得剛好~~



燒蝦我就覺得燒得老左少少啦~少了驚為天人的感覺~如果再黎首都~我都會為左龍蝦湯同燒帶子再黎呢間餐廳的~好味~下次試下其他魚串~



食飽飽開始有d落雨~行左附近一間手信店~毛寶最喜歡去旅行買一個特色擺設呢~
佢買左左二哥個呀~首都出名既教堂~





最正既係…
我知道聽日我要去ot….
仲正既係….
我知道我星期一都要開ot…………………………………….

沒有留言:

張貼留言