2016年8月15日 星期一

南美洲4國新奇探險之旅2016-02-23第十一天Part 2(晴天)

今日星期一無驚無險~又放工番屋企寫blog~yeah~~~~好開心上個星期成個星期都準時放工yoho~~~~~~星期五一放工就蜈蚣彈咁彈左去銀河既Passion by Gerard Dubois~~我同毛寶挑戰左好多次~~我地地次次都失敗架~~因為我地唔識點樣等位呀~~因為佢要好似快餐咁自己等位再去買野食..而且係超多人等...等位又無隊排...即係等如買大細咁睇你企唔企得中張枱就快走...我地次次都失敗..因為咁樣等位真係好怪~今次終於都成功~~(可喜可賀~)....難怪咁多人食...個slow cooked beef...勁好食~~~~~~~(我覺得好食過佢隔離既Ritz Carlton Cafe)..而且個沙律都好抵~可以話以低價食到好西~食飽飽去左睇奪命狂鯊(The Shallows)...呢d一人擔大旗既戲我覺得好難做得好睇...(我想起了n年前的鯊海22小時..睇到想搣飛走)...星期六~期待已久攞左張新既信用卡要去試下憑信用卡去文華東方買一送一既Lunch...係幾抵既...但綜合服務同埋環境...如果係原價..我會去8 1/2囉~之後去睇Blue Man Group in Macao...呢個show..我真係唔識評價..藝術既野我不懂多少........重頭戲係晚餐~~又有七公生日會~~~今次到麥公子~~~~食得好開心~~最緊要壽星女開心~~~星期日中午去左南湖明月飲茶~~~再係觀光塔睇埋自殺特攻~夜晚就食左ABC湯加天使麵咋~



2016-02-23
Day 11---Part 2(智利,聖地牙哥 Chile,Santiago)

食飽飽海鮮出到黎又覺得好熱.....即刻跳入中央市場對面個超市涼冷氣~~~~




都算幾大~~~~





種類都幾多~而且價錢又唔算貴喎~一排餅都係10hkd內~~我地其實除左想痴d冷氣涼同埋黎係為左睇下超市有咩乾糧可以買過去我地下一站~(聽聞哥度d野好貴~所以可能要節衣縮食)




咦~~~唔通頭先好好飲哥杯桃汁係呢d一包包既~~~但我地無雪櫃..都係唔好搞咁多野..




唔知智利d焦糖布丁如何呢?




雖然都有唔同種類你揀...但就係唔吸引囉~我想問下真係會有人想食呢d糖??????????????????




唯一有興趣就係特大時片~但我無理由帶咁大包時片上機架......所以放下....就是擁有........................呢樣唔吸引...可樣又唔想帶......所以我地係咩都無準備到..........去到先算啦都係~




行完超市出黎見到....智利d警察係騎馬架~~帥帥~~~




行左幾步...真係幾步咋...又喊熱.......跳左入附近一間商場涼冷氣(呢日係咩行程黎架)........間商場賣d野真係....唔係好岩我地.....可以用...有少少老土黎形容..........無一樣岩我睇.....突然行過見到.....咦....4D戲都唔夠..仲要7D?!去體驗下先!!每人$3,000CLP=33.9hkd.......入去睇左3分鐘都無就行番出黎.....好無聊呀~~~~~數極都係得4D~~~~~~~~~~~另外哥3D都唔知係邊~~~~4個無聊的成年人~~~~




呢個商場真係好悶....捱唔到好多時間.....借埋佢個廁所就走~(點知要俾錢....都要焗俾..堅急)......行過一間教堂外有個小檔攤~d手繩幾靚~有一條嬰兒size....我同毛寶講:呢條你都戴到....佢唔信我.........我話:信我啦!!!!!......點知買左之後~岩~岩~好~~~~~~~~~我真係好叻~(重點放錯..我其實想講呢個女仔隻手連嬰兒size既鏈都戴到係好離譜既一件事)




行下行下行到商店街哥頭....都係無野岩我買~其實我想搵下有無靚既磁石....點知醜到一粒都揀唔落手....不過成日會見到山齊士賣既廣告海報我會覺得好親切~話哂都係Ozil bb隊友~<3(花痴mode啟動~~~~)....行係智利感覺似去左歐洲~行呢度小心d好...感覺上好多小偷!





睇到電話上既地圖app寫附近有間郵局~梗係衝去啦~人家要買郵票呢~華~好靚~同澳門郵政總局有得揮呀~(即係新馬路噴水池哥個呀~唔知你地認為點~我就覺得好靚喇~)




當參觀下都好呀~




入到去都係咁靚丫~~~尤其盞吊燈~好典雅~佢仲有d郵票展出架~幾靚~





我係超鐘意用自然光做照明既建築物~~~~夠光猛~




郵箱好靚!!好懷舊~





做左正經野先~~~我地要買郵票~要攞籌排隊~好彩溝通上無問題咋~~~~~~買左喇~似乎係d紀念郵票喎...紀念d咩100週年呢~寄international的係$500CLP=5.7hkd....咁平?!?!?!!?!?係南美洲寄去澳門喎!半個地球喎!!!!!!好似仲平過澳門寄過香港咁既?!?!?!?!?!!?我仲問左佢幾次做確認(請不要懷疑~我已經收齊智利d postcard~)




然後我地就係郵局對面個大廣場影下相~毛寶影智利國旗哥張真係靚喇~~~就係此時...大家都知我唔係斯文哥類人啦...時值四點幾....天氣極熱....我個人都怕熱....好容易就係外地爆出:x...真係好xx熱呀......................(我好怕醜呀我走喇~~~).........哈哈~~~~就係呢個時候有一位女士行埋我地身邊:你地係咪香港人?(真係唔好意思~~累到你地添~~~我懷疑佢聽到我運用奇準無比既廣東話粗口而推斷的~~~)......然後我地就話:我地係澳門人呀~~~~~~.....然後就開始傾起上黎喇~~~





然後我地企係度傾左超耐~~~包括互相問慰~~然後各自講下大家去左南美邊度玩~~將會去邊~~~原來佢係香港人黎架~叫做Rita~自己一個遊南美(超堅挺..我真係唔敢~~)...退左休...已經係南美玩左兩個幾月....離開智利後會去哥倫比亞玩~~~~然後一路行一路推介我地天氣咁熱要飲下智利人好興飲既Mote Con Huesillos~係一種智利既傳統飲料~我地其實頭先周街行哥時已經見到想試..但唔敢試...你知啦..出外旅行都係小心d好~仲有成大半個月行程....呢個時候肚痾我真係好驚~~~但Rita真人試過話咩事都無我地先夠膽試~~~




我地揀左最細size哥杯~一杯$700CLP=7.9hkd




一飲~咦~又幾好飲喎~而且依家咁熱~好解暑氣~上網睇呢種Mote Con Huesillos係由南美小麥(Mote)...同埋南美桃乾(Huesillos)加糖水混合而成的~d小麥好似我地食既薏米咁上下口感~幾好味~下次去智利記得一試呢款傳統飲料唷~




hello~Rita~So nice to see you~~~~~~知道你之後既哥倫比亞行程都玩得開心我都替你開心呢~~~~~~而且佢超好人~佢同我地講:你地仲留係度幾耐?...我地話仲有聽日....佢話你地諗住去邊...我地話無呀都係聖地牙哥行下...不過聖地牙哥堅悶......然後Rita都話真係好悶...所以佢推介我地去聖地牙哥隔離既外港山城城市瓦爾帕萊索(Valparaiso)走走~佢話哥度好靚~值得一遊~而且仲係世界文化遺產之城~(重點係夠近~)好啦~既然聖地牙哥咁悶~一於去一轉啦~多謝你同我分享左咁多呀!!




同Rita道別後我地就去左附近既information度攞料~睇下聽有點樣可以去到Valparaiso~




行左一陣~又見熱~~~好無用~~衝左入starbucks抖抖~~~~雖然可能你話咁遠黎到智利仲飲starbucks?但係我都想每個地方既starbucks都試一試嘛~~~而且冷氣好涼呢~~~呢間starbucks有好多會講廣東話的遊客呢~





我地諗住聽日一早出發~~所以就諗住快d搭地鐵番酒店哥頭先食飯~~見到地鐵有咁大個自助售賣乳酪機~~~我覺得好吸引~~





好啦~番到去我地酒店哥頭就亂行下啦~順便睇下有咩好食~發現原來酒店係位於一個幾寧靜既住宅區~但我覺得幾舒服喎!







華~乜得你咁古惑走得咁快既~毛寶相機捉你唔住~成舊塵咁飛走~~~~~~




日落了~




行下行下發現呢間Amadeo幾靚喎~~~一於揀你啦~~地址:187, Constitución 183, Providencia, Santiago Metropolitan Region, Chile




裝修都可以話係好靚下!!!!好!睇你食裝修定有埋美食先!






Order好先上餐包~~好味呀~~~連牛油都好好味~




野飲方面本身想叫唔叫...多口問佢有無Mocktail(無酒精)...本身係無的....但佢竟然為我地特調~~感動無????每杯$4,000CLP=45.2hkd...算抵~佢仲要4杯唔同味先有誠意!!!!!!毛寶問我做咩唔飲酒...我話出面天氣咁熱再飲埋酒我真係會暈低~~~~




佢仲要再誠意到....原來係按我地個人黎調架!!!好衰架~~~~大比哥杯係少女生果味~我哥杯有薑味架好好飲~知我老要驅風呀le~~~毛寶哥杯好似酸梅湯咁~~阿Sam哥杯唔記得~~




先上前菜~叫左個Choritos...$7,990CLP=90.4hkd~不錯吃呢~青口嫩嫩的~~~~不過個汁有少少漏~~~薯條好味~




Erizos de Temporada....$4,990CLP=56.4hkd....我地終於食到終於食到終於食到!!!好激動!!所以要講3次!!我地食到智利海膽喇!!!!!!!!!!!平到咁?!?!?!而且有超多海膽!!!不過我地覺得個汁佢整得酸左d..可能檸檬汁落多左!!!!配多士吃唔錯呢~~~好抵!!





Ostras D.O......$9,990CLP=113hkd......華!!!仲試埋智利生蠔呢!!!好興奮!!!!第一次食來自智利既生蠔!!甚至以前唔知智利會有生蠔的~~~~~一入口.....唔................係我好鐘意既重海水味唔係creamy味呢~~~~~超!級!正!!!!!!!!由於太好味...我地再叫多一打~~~~~~實在太平~~每隻才9.4hkd!!!抵食!




我真係估唔到餐廳食都咁平!!!!!!澳洲哥d都好平.....但一入餐廳食就身價幾倍咁升!!呢度食堅平!




Filete de Res.....$11,990CLP=135.6hkd.....食牛扒都係咁既價咋?!?!?!!?抵喎!!!仲配個薯蓉~





而且生熟度也掌握得不錯~




Pollo....$7,990CLP=90.4hkd~雞黎既~都唔錯~~




Helados Y Sorbets....$3,990=45.1hkd.....檸檬味既雪芭~好清新呢~~~




Creme Brulee...$3,990CLP=45.1hkd.....咦...成餐既唯一伏....極度難食....................




呢餐食左$86,910CLP=983hkd....每人才245.8hkd!!!!!!!!又海膽又生蠔(仲要兩打)又青口又牛扒又Mocktail又甜品!!!!!!!係澳門一定食唔到呢個價啦!!!仲要間餐廳坐得咁舒服!!!!抵食過今朝哥間中央市場入面間海鮮~~仲要差唔多價~~~餐廳有英文餐牌...而且侍應也說流利英文~~但呢區係住宅區....無咩人行過咁....我地呢晚....計埋我地得兩枱人食飯.........其實呢間餐廳真係唔錯喎~食完呢餐...我終於感受到.....我番左城市旅行~~~~~~~好開心~~~




呢日買既野~智利d postcard正常好多~幾靚~而且我未番到屋企d postcard已經早過我到屋企~驚喜~其實呢日仲買左另外一樣野~不過包好左~聽晚先再影俾你地睇~~我依家要寫postcard先~寫完早d訓聽日加插左新行程~









講講奪命狂鯊(The Shallows)...
呢d一人擔大旗既戲我覺得好難做得好睇...
(我想起了n年前的鯊海22小時..睇到想搣飛走)
難得既係呢套又真係好睇同埋緊張!!
Blake Lively好野~
再講講自殺特工:超能暴隊(Suicide Squad)
其實我覺得成個故仔個起因又係自己搵黎搞~
但係成套戲我極度欣賞小丑女~~~~~~~
實在傻得可愛~~~如果佢單飛出一套戲~我一定睇~
直覺上我覺得史奴t同佢會做到朋友(誤)



星期五何韻詩個演唱會開賣~~~
我同毛寶入左個網頁好耐都入唔到!!!!
通常越買唔到越想睇~
最後.....憑我隻幸運手手入到個網!!!!!
天呀!!!!!!!!我入到呀~~~~~~
仲買到連位呀~~~~~~~~~~好!開心~~



2016/08/15的開心事:
鼓起勇氣...食左包我的薯片榜第4位的激辣魔薯..
好好味~~~~~~~~~~~~~~~~~~~~~~



報時:距離"七公子"帥帥出使東京之旅2016仲有---46日~
報時:距離冰島環島自駕遊之旅2016仲有---82日~~~~~~
報時:距離合家歡台北聖誕之旅2016仲有---136日~

46 則留言:

  1. 咁大包薯片一定買嚟食咗先算!!
    呢餐咁平,仲要好味!爽
    不嬲都以為你係詩詩文文架

    回覆刪除
    回覆
    1. 我好驚無食帶上機佢充氣充到爆~~~入gip又無位...帶上機又充哂氣~算啦~唔買喇~
      真係幾正呀呢餐~
      其實我係真係斯斯文文架~唔熱哥時~

      刪除
  2. 間郵局外觀及內裡都一樣咁靚,今餐好豐富呀,價錢吾貴呀,去旅行就係咁,緊係要食好啲啦,吾通餐餐省住食咩,個四杯飲品色好靚﹗

    回覆刪除
    回覆
    1. 係呀真係幾靚~參觀下唔錯~
      無錯無錯~~~~我對食係最唔慳既~

      刪除
  3. 咁請問一聲,呢間Passion by Gerard Dubois 係一個food court 咁定係好似大家樂咁嘅快餐店,而家真係好少地方可以企响人家張枱後面等位,其實坐响度食緊嘢嘅人會好唔自在。
    嘩,間超市d貨架使唔使咁高呀,我諗起美國的超市,好大,好高的貨架,仲有d貨都係加大碼!!!

    回覆刪除
    回覆
    1. 佢地賣果d群,真係無肉地都著唔起><
      間郵局好靚,我鍾意郵箱果part,好古典
      真係好彩,遇到Rita 有佢教路,唔使浪費咗一日時間去咗唔好玩嘅地方,真心佩服Rita 一個人大膽上路,南美喎,我驚架!!!

      刪除
    2. 唔....都似food court既...因為都係self service...但佢坐既地方好細....要等位就係企係人地隔離等...我都覺得唔係幾好....因為人地食緊野好似催人地咁.....我同毛寶都唔鐘意咁樣等位...所以過左咁耐先試到...不過試完今次可能好耐都唔再試~~自己搵完位再去買野食.....除非佢等位都有條隊排啦~咁就好好多~
      咁美國超市d野食吸引好多~~~~

      刪除
    3. d裙你咁都留意到~~~~~~~好犀利~~~
      係呀!!我都覺得好靚~~~
      咪囉~你睇我地幾懶~~無做過功課~~~~~~因為當初真係唔識plan~~~
      佢真係好堅...我都唔敢咁樣一個人去南美

      刪除
  4. 又係我呀,驚寫得大段又唔見留言,分段寫^^
    正,間餐廳幾靚,咁係咪d mocktail 由佢地自由發板,整咩飲咩?呢餐绝对係南美blog 出咗以嚟,最精美的一餐!

    回覆刪除
    回覆
    1. 叻叻~~~~
      係呀!!!我地無點過要咩味架...佢地自己調架~
      真係幾唔錯~終於有啖好食~

      刪除
  5. 今餐餐廳又靚野食又正 找到寶了
    Rita好好人呢 好期待佢地推介你地去果個地方呀
    D郵票好靚好有特色呀 !!

    回覆刪除
    回覆
    1. 終於有啖好食~~
      哥個地方真係唔錯呀~
      係呀!!

      刪除
  6. 好友★。゚☾又瞓覺時候嚟☁¨*☆晚安♦・゚✬
    💖*¨💘眨吓眼又💜。゚💕╠╣aΡpy星期二💞

    回覆刪除
    回覆
    1. 好野~~~星期四寫親blog就明天係星期五喇~~~

      刪除
  7. 外國地區D食物我就麻麻哋呢,不過看你的分享還好些了

    回覆刪除
    回覆
    1. 呢餐係第一餐覺得食得舒服同好食~

      刪除
  8. Passion上網search過啲甜品好似好吸引:P
    咦~~~~~鯊海22小時我都有睇喎,無聊到爆,經典割凳戲XXXD
    有時去到外地超市都會買餅,有時會有意外驚喜,搭長途車又可以咬下無咁悶
    智利係咪盛產桃?都幾多桃製食品飲品喎
    間餐廳抵食,最後有冇去食多一餐?

    回覆刪除
    回覆
    1. 係呀!!但係我未過呀因為我地食主食已經好飽~~~~~~~~~~如果下次有位再試下~
      係呀你都有睇呀完全同感!!!!睇住佢係個海飄飄下真係有想嘔feel...真佩服哥個野諗到個故事黎拍.....
      哈哈~~望完佢d餅唔係幾想食~~~
      係囉我估係..因為佢地傳統飲品都有桃乾~
      無呀~~~~無咁多時間~~~~

      刪除
  9. 妳咁啱遇到嘅Rita女仕,返咗香港後上咗香港電台第一台,旅遊節“旅遊樂園”“拉丁美洲系列第4炮”探索哥倫比亞,講述佢南美之旅,及遇上小偷及病咗去睇醫生經歷,佢之前同電台主持一齊去架,後來各散束面,我想貼妳同佢合照到香港電台“旅遊樂園FB網頁。
    妳可以隨時上網重溫!2016/08/13(六)香港電台第一台FM926下午4時至6時,“旅遊樂園。

    回覆刪除
    回覆
    1. 我見杯桃肉Mote Con Huesillos飲品幾健康,應該好好味,
      妳哩餐超正,海膽湯仲有新鮮海膽超正,好爽呀,生蠔好味又唔貴喎,
      個幾杯嘢靚味道真喺特別。
      雪芭好味,夏天至啱。

      刪除
    2. 後生真好乜都可以率性而行,一時講下粗話可以,但外地好多人都識廣東話架!

      刪除
    3. 好利害呀~原來佢大有來頭~好彩遇到佢咋~~如果唔係我地就要悶多日~佢真係好勁!!一個人去南美~~佩服~~~
      我唔知佢願唔願意喎~~~~我驚佢介意~~~~~~~~~

      刪除
    4. 哥杯野幾好飲呀~~~
      生蠔真係好正~想念中~
      都ok丫~佢地幾有誠意咁調出黎~
      係呀~~

      刪除
    5. 放眼望以為無亞洲人~~~點知有~~~
      真係太熱~

      刪除
    6. Rita佢回覆咗...
      佢記得妳地幾個呀!
      哈哈!妳地都好叻....自己搞好哂去咁遠旅行!

      刪除
    7. 佢仲堅到玩滑翔傘...厲害!

      刪除
  10. 我都有興趣試試那個焦糖布丁和傳統特飲。
    7D?好誇張!

    回覆刪除
    回覆
    1. 特飲真係唔錯~
      哈哈~~我地數黎數去都無7D囉~~~~

      刪除
  11. 7D咁誇? 點7D法呀, 笑C我!
    5.7寄半個地球真係平到好離譜, 咁算盤打唔埋都要寄(如果知地址), 呵呵 ^0^
    係呀, 如果冇人試過話ok, 我都唔敢喺外地食街邊嘢或亂食嘢, 肚痾的話就麻煩
    香港人真係叻(自high中), 但其實我未試過咁堅自己一個去旅行 :p
    嘢食唔貴, 賣相又靚, 去聖地牙哥的話一定跟妳食呢間!

    回覆刪除
    回覆
    1. 哈哈~~我地數黎數去都無7D囉~~~~
      真係勁抵囉...佢仲要每張都真係寄得到番黎!!!!哥下勁!!又無寄失!!!
      我就係試過係南非肚痾...所以我都係覺得小心飲食好!!
      佢真係叻!!佢叻在自己一個去既地方係南美!!仲係哥倫比亞!!佩服!!
      呢間唔錯呀~~不過佢生意好似麻麻~~~~好驚會執~

      刪除
  12. 個晚餐真係好吸引呀,好彩都叫做食左餐靚嘅,哈哈哈

    回覆刪除
    回覆
    1. 係呀~~咁多日暫時食餐好少少既~

      刪除
  13. 鍾意睇你買的post card和郵票。

    回覆刪除
    回覆
    1. 多謝~因為我次次去旅行都會寄的~~~

      刪除
  14. 嘩~個郵局靚到好似皇宮咁!

    回覆刪除
  15. 外國超市真係好鬼大........
    呢餐有蠔同青口睇落好正喎.....吸引死我啦

    回覆刪除
  16. 間郵局又真係好似澳門D建築物咁, 好拉丁風情.

    其實, 你地下次去咁遠咁多日旅行, 應該考慮一下當地天氣, 或許遲一些時候去, 會舒服一點.

    我每次都係揀好當地最宜人的天氣時段, 才去咖.

    回覆刪除
    回覆
    1. 似呀似呀!!好歐洲式建築~我諗起澳門既郵政總局~
      其實我地已經考慮左架喇~因為我地今次4個最想睇天空之鏡...所以著重就天空之鏡既時間....佢一定要12月至3月睇~所以都無辦法了~...我地10中先去完格陵蘭...無理由12月又去過~所以揀2月同屋企人過埋新年先出發~
      去4個國家..好難就~

      刪除
  17. 一人擔大旗既戲我鍾意"127小時"呀,有無睇?
    肚痾使乜驚! 好快就會好返啦~ 呵呵~
    好多人講廣東話<-- 而家去南美真係好hit~

    回覆刪除
    回覆
    1. 無呀~毛寶話過俾我知好好睇~~~我有機會都睇下~
      wakakakkak~~~我唔要似你呀~~~~~~~~~~呠呠~~~~~
      聖地牙哥係特!別!多!

      刪除
  18. 嘩嘩, 他鄉遇故知...勁呀! 有冇交換下fb呀, 我好佩服佢呀, 一個人走咁遠!!
    你地夜晚食個餐好正呀, 仲要咁平,我特別想食海膽, 超鐘意食!!

    回覆刪除
  19. 海膽同生蠔真係又平又正, 極吸引. 估唔到去到智利係冇人識講英文.

    回覆刪除