冰島英國自由行之旅2013-06-11第四天Part 3(陰天後轉天晴)

今日無瘀血~~工作又輕輕鬆~~成個人就是神清氣爽~~~今日天陰陰咁到左星期四~~但內心一d都唔天陰~~~真係好想快d到聽日收工哥剎那~~~我會開心到係counter度跳舞~~~因為聽晚約左公子們食飯~~~~時間行快一點點啦~~聽日落雨我都唔驅架~~:p



2013-06-11
Day 4—-Part 3(冰島,雷克雅維克 Iceland,Reykjavik->維克 Vik->史卡法特 Skaftafell)
之前係維克天氣咪差到無朋友既…..離開維克揸左大約兩個鐘車之後~wow~有陽光~有雪山喎!!!!應該已到史卡法特Skaftafell~

拿~大家要向呢個小朋友學習喇~落車要扶緊車門~因為好可能會超大風而吹走車門而保險係唔包架~

好靚呀大佬~~~~~越揸越近個雪山呀~~~睇住咁樣既景揸車都會開心d~~~但唔知會唔會分心呢~~~~

唔係喎~~拉近d個相機睇…..直頭覺得係冰河黎架喎!!!!!乜咁隨便就可以睇到架喇???

有個凹位係前面~~~停低架車慢慢影啦~~橫掂都唔趕時間~~

好喜歡這兩張相呢~尤其愛毛寶訓係度哥張~~點解….因為係我影架囉~

我地架靚車~~~~呢個時候都仲可以講係一架正常乾淨既車既………影影下超大風….凍到想跑番上車~~

由頭先個凹位去我地呢晚既酒店只需5分鐘時間~~~即係話~~我地今晚睡在雪山下~~~

呢間係酒店黎既….叫Fosshotel Skaftafell……哥時上網搵過….好似附近係得呢間酒店….地址：Freysnesi,Oraefum,South Iceland,785 Iceland…..電話：+354 478 1945

間房其實唔算細既…呢晚我地四個訓同一間房…我係覺得個廁所細左d~不過我地要承認…..呢晚房價係€174=1,740hkd…..每人即係435hkd…….其實我地係訂左…..3大1細既房……..即係….家庭房….其中一個係小朋友………………………………因為咁樣訂會平過4個大人…….之前我地仲諗左好多藉口….仲諗住叫毛寶扮小朋友(毛寶話叫我抱住佢佢扮手抱嬰兒添:目~~)….又諗話賴係個朋友幫我地訂我地都唔知say哂sorry咁….哈哈….人地根本睇都無睇過任何一個人護照~~~~輕鬆的攞完鎖匙就入房喇~~~我地想太多嗎???佢地根本唔想理~~但咁樣我地就慳左幾百蚊hkd~~

放低d野之後我地就行去酒店附近有個羊棚諗住影佢地~~點知佢地一見我地行過就跑開哂~我諗我地個樣應該好衰~(你睇佢地幾唔乖!!係條高速公路上面行喎~毛寶隻腳幾姣幾作狀~:D)

今晚晚餐~~四野無人~~只得酒店一間餐廳~~~但無幫襯佢~但唔係因為佢唔好食…甚至上網睇其他blog友講話幾好味添~係因為我仲有杯麵好阻地方呀~~要解決左佢~~~又係對住雪山食杯麵~~真有情趣~~

晚上活動~開紅酒~食ham~正~(不過我唔鐘意隻紅酒既味~應該係百幾蚊hkd~係機場買哥支~係智利紅酒~)

Day 5 6 7係我最鐘意既行程~~係我見過認為最靚既景呢~~~我會俾心機寫的~~





wow~~~
噚晚kapo baby同我講我某篇冰島blog….
上了新一期的yahoo人氣遊歷遍天下~~~~
好開心呀~~~
我唔知同一個遊記都會再上的~~~
好開心~~~~~
謝謝大家來看呀~



噚晚同毛寶講某個計劃….
搞到我超興奮~~
仲有d訓唔著~~~~
唔知會唔會實行到呢~~:D報時：距離南非觀獸美食之旅2013仲有—-85日~