冰島英國自由行之旅2013-06-08第一天Part 2(冰島微雨大霧)

我今日真係覺得好攰…..我今日真係覺得好攰…..我今日真係覺得好攰…..有無人明白我有幾攰????點解我要俾厄運纏身??因為我前世做得衰野多???點解唔可以俾d喜歡厄運既人同佢一齊???我真係覺得好難頂…..難頂都要繼續頂…我就黎心理唔平衡喇…..



2013-06-08
Day 1—-Part 2(澳門->香港->卡塔爾多哈Doha->英國倫敦London->冰島雷克雅未克Reykjavik)
食飽飽推番舊行李落樓…發現個counter都係根本未開!!!咁又唔奇既….一整日得哥兩班機係英國飛…一班早上….一班晚上9點幾…即係我地哥班…個counter無人都好正常~於是我地搵左個位坐低等佢開….好彩個地勤好好人~仲同阿sam又傾計又講笑咁…佢仲話毛寶同阿sam好似樣…笑到胃反!!又以為我地個護照係中國護照…仲問我地有無簽證…嚇壞人!!其實我之前已經做左網上check-in..不過都要寄行李….仲好嚴咁一件行李真係要23kg…仲唔可以share d kg….所以阿sam同大比都好驚~因為佢地兩個人一個gip~係喎~未講~呢程來回英國倫敦至冰島首都雷克雅未克既機票係£255=3,009hkd~

搞掂check-in後就過海關….於是我地同一日又入境~又出境英國…佢地真係好認真咁check你既hand carry喎…液體要分開擺既規定好耐架啦….不過唔係好多個國家真係好嚴咁執行…..我淨係試過美國囉….估唔到英國都係!….仲要照得超仔細…阿sam背包內既好多寶麗萊相機同菲林都俾佢查左超耐….但反而出境就無再睇過護照喇喎~



入左禁區咪行下街囉…又唔算太多野行…我又唔見有名牌買既?但行完街仲有好多時間淨….成班人坐哂係度恰眼訓….因為呢程機太攞命….我地之前由香港黎倫敦已經坐左成15個鐘架啦…黎到又要再硬等8個鐘先再上機….呢野真係好難頂….唔講唔講….我地已經有24小時無洗過頭喇~最好笑係….我同毛寶行黎行去……大比話：你地個唔知邊個個頭一郁我聞到臭味呀!!!…哈哈~~好嚴重~~

等到21:10我地終於可以上機喇~~發現左個gate開閘哥個就係幫我地check-in哥個~~我地仲笑..會唔會連機師同空姐都係佢做埋~我地既航班係FI455….呢程機係唔包野食的!!雖然我地有食牛扒…但都已經係6小時之前既事~~於是我地又餓~又凍~又眼訓咁過呢程機~我本黎特登揀呢個左邊窗口位架~因為睇人地d blog話係去冰島時坐左邊會易d影到北極光的…..但你睇…根本無黑夜~何來極光….仲要傻傻的mark錯係機翼旁….咩都影唔到~傻仔~

大約3個小時就到首都機場克夫拉維克國際機場(Keflavik International Airport)~冰島再慢英國一小時~到的時刻是23:10….但你看看天色~wow~白天來的~天氣好似麻麻喎~有點唔開心~坐左成18個鐘機….終於來到冰島了~

Iceland Air~

一到埗就入境啦~一踏入入境大堂…..整個地板都係木地板~充滿濃濃的北歐味~i like it~佢地入境手續好簡單~問我係邊度黎…吸印~走得~咁咪好囉~一出黎見到其他野都收哂~有d失望~(大佬~11點幾喇~仲唔收咩~)

落左下一層~好野~~見到仲有一間免稅既超市狀物體未收~~~即刻衝入去~~~點解~因為睇書仔講如果鐘意飲酒係呢度買就岩喇~因為呢度d酒平過出面好多~因為佢地d酒收好重稅的!!!!!所以我一衝入去問職員邊d係made in Iceland既啤酒~唔諗~即買~仲買左支紅酒~

哈哈~我地咪23:10到既(雖然我地已經做左好多野..搭左10幾個鐘機…等左8個鐘…再搭左3個鐘機….因為時差所以呢個時候仲係6月8日晚上)…我地話懶下懶下咁過入境…..咪會過12點囉~咁咪唔使俾多一日租車錢囉~真係好醒目呀我地~~~我地上網訂左呢間租車公司…叫Blue Car Rental….網址：www.bluecarrental.is…..電話：+354 773 7070佢有好多車款揀…咁按你車款分唔同價錢……有職員會係機場接你去佢間公司度(但哥個野遲左10幾分鐘先黎到)….係佢度搞好手續….登記哂揸車d人既國際車牌就ok~

可以攞車喇~我地揀左呢隻車呢~個車尾箱都算幾大~放得落兩個大gip同一個中gip~我地租呢架車8日….連埋全保同GPS係ISK122,050=7935.6hkd……咁多日每人都只係1984hkd(未計油錢)…..不過後尾係佢公司佢又建議我地買多個沙石保險ISK12,000=780.2hkd(咁全保唔包既??)….算啦~冰島沙石路咁多~買埋啦~……攞得車喇~~呢架就係我地架靚仔車喇~攞車既時候記得睇睇架車o唔ok呀~

wow~第一程機場出市區係阿sam揸車~~雖然已經係凌晨時分….但就好似日頭無分別~~唯一分別係…….大霧到痴左線~~~~~真係好大霧….能見度我諗得哥幾十米!!!好危險!!但咁危險我都忍唔住訓著左~大約一小時多d就去到我地民宿~(因為第一次揸…有少少迷路~)

到左民宿~但我地蝦碌的事實在不少~因為個民宿主人唔係度的….所以我地係租車公司叫個職員幫我地打俾佢話佢知我地到左…..佢就教我地係個key box度入密碼攞鎖匙….阿sam係出面搬緊行李…我地3個小女孩點知誤以為呢個係key box(眼訓到傻左)….輸入密碼亂按一個制….點知原來係呢間屋既防盜!!!!!!!跟住個防盜就發出超勁巨響!!!嚇死我地!!!佢一路響我地一路驚….係大聲到不能留在屋內…..連對面屋既人都嘈醒埋…..跟住連防盜公司既職員都黎埋…..不過佢望見我地3個竟然車都無落就走左去…..之後越響越大聲…..我地好驚忍唔住打左個電話俾民宿主人….仲記得大比一句：the alarm is ringing!!!!仲俾埋d聲佢聽….之後佢叫我地再入多次密碼就無事….頂……嚇到成個人醒哂!!!!!哈哈個屋主仲半夜三更衝番黎佢間屋~~好彩佢番得早~~唔係屋都俾我地拆埋~~

我一世都記得呢舊野…你地千祈唔好亂搞!!!!!



呢間民宿上網訂的…網址：nestapartments.is….呢間民宿叫NEST Reykjavik Apartment….我地住係S座…即係一樓….好彩咋…唔係d行李咁重~~呢間民宿我地會住3晚….3晚價錢€385=3850hkd……每人3晚即係962.5hkd….每晚才321hkd!!!平到笑……冰島大部份租房都有季節分的….旅遊旺季係6-9月….呢幾個月係最貴的….其他月份都會平d…同埋佢地都好興會收會清潔費~廚房~我地真係日日有用架~好新既設計~我諗佢呢間民宿開左唔係好耐…d野超新仲有d裝修味….樓下哥層就仲裝修緊~

順便講講~冰島水喉水可以直接飲用~記得將水喉調去冷水哥邊….不過真係超冰既冰水~好似加左冰既冰水咁凍!!!如果想飲熱水就用冰水煲水飲…唔好飲熱水哥邊呀兩邊唔同喉架!!!飲常溫水真係唯有煲好熱水攤凍飲~

其中一間房~

廁所都算幾大~不過就無洗衣機

飯廳~睇睇阿sam拉開既窗簾….依家係凌晨3點幾…個天仲係咁既色!!!!根本就無日落!!!

我同毛寶就訓係廳既梳化床喇~都幾舒服架訓得~~

呢度咩都好~係個wifi弱左d~又夠大~我地先講：我地咁白目…可能佢以後唔租俾黃皮膚既人~

我地就係買左呢隻VIKING beer喇~~~好正呀~~~好似芬蘭哥時飲哥隻~~唔通d水靚d啤酒都靚d??????

去到凌晨3點幾我地先有晚餐食…救命呀~~~~對我地黎講一日有多既行程….終於結束~