冰島英國自由行之旅2013-06-09第二天Part 3(下大雨)

華~今日開ot開到我呀…攰到我呀….聽日一於唔開……日日都食半個鐘飯我個胃真係有d頂唔住…….多野做好彩今日d人都算生性~~~星期六：一早起身去UA睇早場~~睇怪獸大學~~超期待~~~早場3D價$65…抵睇到爛~~朝早10點架車經過大會堂…..已經有一條人龍排隊等買怪獸大學~~~癲架~~我好耐未見過大會堂有人咁早排隊買飛過~~好彩我醒目~~一早上個禮拜買定飛咋~~~結果係好好睇~~我好鐘意大眼仔細個哥時~~得意到我直頭想伸手摸佢呀!!!!->去永利軒飲茶~~真係好正~~….->又訓左陣晏覺~~…->夜晚約左皮皮同企鵝去食譽路八!!想食好耐!!第一次食!!好貴!!但係好好味!!!…….星期日：去左氹仔食文哥~好味~仲去埋許留山食甜品~不過我覺得貴同唔好食~….->金沙城同威尼斯人行左陣街~咩都無買過~(唔係去旅行時真係好難令我買野架……)->拜老豆….因為老豆就黎死忌….但正日我要番工…所以提前拜佢….燒野俾佢哥時我成塊面都係汗!!->夜晚同左阿婆佢地去食祖兒泰國野~~正~~



2013-06-09
Day 2—-Part 3(冰島,雷克雅維克 Iceland,Reykjavik)
買完電話卡就行番過去哈爾格林姆教堂(Hallgrimskirkja)拍拍照~最衰落雨啦~

跟住就行過隔兩條街既旅遊書推介既平價超市~Bonus~~~隻豬個樣真係..有d咸濕~~

平價超市~沒有靚裝~不過呢間比較細~貨品唔算多~

仲有呀~~佢地d冷凍櫃係成個室架~~唔係一個個架~~~所以要成個人一齊走埋入雪櫃~~~真係超凍囉~~~~~~

聽講話呢隻牌子係冰島最常見的乳酪~咁梗係要試下~(唔知點解去到外國就會好想食乳酪~)

買定兩日係首都既晚餐同早餐~不過我發現…唔知點解佢地d火腿超貴的!!!!我見過有ISK4,000=260hkd…..但係普通size咋喎~睇旅遊書佢地有一隻火腿用羊肉做的!!!我超想試~不過搵左幾間bonus都唔見~呢度買左ISK10,825=703.8hkd~

番民宿擺低d野~又出發~呢個時候係7點幾~野都未食~有一件事好趕要做的~揸車揸左大約45分鐘度黎到~一落車……wow….呢段路我記得好凍!!!!!!!又大風!!又有微雨!!

hehe~~~我地趕住去浸冰島名物藍湖溫泉(Blue Lagoon)呢~~入去之前~~已經見到藍藍的泉水喇(不過呢個唔係俾人浸的~~)~~~~~~~~~好high呀~~~真係好藍呀~~~~~~不過黎呢度之前我地係民宿位置入Blue Lagoon落GPS…點知搵唔到…入埋冰島文都搵唔到…最後絕到用GPS position搵先搵到…..個GPS真係正到呀~~~~佢地個GPS position：N 63.88113, W -22.45391…….地址：Blue Lagoon,240 Grindavik……網址：http://www.bluelagoon.com/……電話：+354 420 8800…..開放時間：6月1日~8月31日 每天09:00~21:00…其他日子都係10:00~20:00

藍湖之所以有咁藍既湖水~係因為當初呢度只係一個普通溫泉…附近既發電廠汲左d地底岩漿既高溫海水….諗住俾市區做加熱系統既運作….而呢d海水經降溫後落入周圍既低窪火山岩地….點知將d岩層裏面既礦物溶解…就變成左藍湖藍藍的泉水了~

好喇~影完一輪~我地就入去購票喇~成人門票每位ISK6,400=416.1hkd~(呢個價錢係不包毛巾的~因為我地自己帶左~不過……我建議你租佢d浴袍囉….因為….由室內直奔溫泉哥幾十米路…..著住泳衣…..依家就話夏天有10度je…但哥段路都凍到我抽筋咁滯……冬天既話…………………..)

你俾左錢….佢就會俾呢條電子感應既手帶俾你….入場出場都係靠呢條0都一0都~……入到去佢有locker既……開同關locker都係用呢條當鎖匙~離開藍湖哥時0都完之後佢部機會打開個口…你放番條手帶入去就可以走架喇~咪做now仔呀~…..入去換左泳衣….係室內我已經打哂冷震…….落溫泉前要認真的沖一次涼….有職員監看….要由頭洗落腳…不過我揀左d有門既~佢睇我唔到~佢睇我唔到~~~~~我係唔會洗塊面的….洗到咁乾!!仲要吹風又無野查…..nono~沖完涼就要受極刑喇!!!!!衝出室外~~~~~~~~~~~~~~~~~~~~~我一出室外…….一路跑一路叫咁衝去個溫泉度!!!我諗全場都聽到我怪叫~(講番…其實佢室內有個細池…而個細池有對門的….對門可直通室外溫泉….即係話你可以浸住行出去…唔使好似我咁怪叫跑出~~~~~)

不過…..一浸到落溫泉…..車~~~~~水溫都唔係熱既…..只是暖暖的~要不停的行~尋找比較熱的水溫…..有時你行到去某個地方覺得熱…過一陣又唔熱…好頂癮…就好似以前細個暑假去公眾泳池遊水….你有時會feel到一浸暖流經過…那代表…可能你隔壁的小朋友偷偷的尿尿了~….重點係佢既水深真係….好淺….如果企直係度既話…..有某d地方只會及屁股…….而且地下係好多碎石哥種…真係要小心d行…唔係好易整親腳~仲有….係溫泉範圍有一d大筒….裏面有藍湖d礦物….白色的….聽聞撻係塊面10分鐘之後洗會好滑喎~我淨係撻係膊頭同頸咋~面唔敢試…我哥三位敢死隊團友為大家冒爛面試過~佢地話真係好似滑左~(講到似層層~)…….我無影哥筒野添….因為我怕攞個相機出去會濕….後尾諗諗下唔影咪好浪費…於是…我又冒凍死風險衝入去攞相機然後又衝出黎….為大家呈獻：團友出浴照~(藍湖可拍照)…….其實浸呢個溫泉係不太享受的….當時都幾大風…又落密雨….水溫又不夠熱~下次黎我唔會再浸藍湖了~(不過第一次黎就點都要感受下既!但呢度係超多人的…我仲見到好幾個講廣東話的人呢~)

d水溫望落就懶熱咁~



浸完一輪~佢呢度有個自助式既cafe…同埋一間貴既餐廳的….我地唔係想入去食野….係因為經過呢間靚既餐廳先可以上到去一個高空既地方拍照~阿sam膽粗粗問可唔可以行上去影相….點知人地輕鬆的答：sure~….真大方~不過聽講呢間餐又貴又唔算好食的~

黎到高處喇~噢…..很可惜呀….點解咁大霧架!!!唔制呢~睇人地d旅遊書影呢個景好靚架!!

藍湖有出產自己品牌既護膚品架~有興趣可以買下~我就無買~大比好似有買佢既mask~再係出面個溫泉留影啦~呢度仲藍仲靚啦~

好囉~byebye~就算我下次有機會再黎冰島~我都未必會再黎搵你咯~我下次會試下浸另一個無咁多遊客既米湖!!

大霧到好似春天咁囉~~~~再係藍湖門口影個相我地就走囉~好戲的團友們~

不過呢段路總算叫浸左個”暖”泉後..無咁凍囉~



又揸左45分鐘車番民宿~今晚呢餐阿sam煮~有沙律有煎蛋有磨菇意粉有小pizza(我烤的~~烤到過哂火~~質地變餅乾~~)….請鼓掌~我地食呢餐時為晚上11點幾喇~~痴線架~~我要表達!!!佢地d雞蛋好味到震!!!!!!!!!蛋味超濃!!!!!!!!!!!!!!!!!

呢日我買左呢本小影集俾自己~因為我一定影唔到咁靚既景!!!同埋有哂四季既景…而且本野超級厚~才160hkd~

睇下d景幾靚~~~~令我好想在冰島的冬季來一次~

er…..
我咪上個禮拜六無去到狂迷聚會既…
跟住噚晚睇番會長個微博我又好後悔!!!!!
有野送之餘仲要得哥30幾個狂迷參加!!!!
咁少人既話我一定可以埋身!!!!!!!(或者可以燒埋腸仔俾布志綸食…)
仲有佢個妹都有去囉!!!!!!我好失望呀~~~~
明明毛寶都應承我去咯!!!!!!!
點解我要嫌熱!!!!點解我要懶!!!!
我恨我懶懶閒!!!!!!!!!!!!!!!
更正既係…我依家個狂迷會過埋期…
拜拜~~


今晚做衝上雲霄2喇~~
緊張緊張~~
希望佢唔會係一套為續集而續集既爛劇啦~~
阿sam~~~~~吳鎮宇~~~~~好緊張~~~~~