食玩訓西葡之旅20100918第四天Part5(陰天大霧及後天晴)

星期一喇~番埋今個禮拜工……下個禮拜又自己放三日假~慶祝生日~~好開心呀~~今日又唔算特別多野做先至好~今日係爸爸生忌呀….祝爸爸生日快樂……係遙遠既地方生活得開開心心~識多d朋友仔同你去環遊世界~



2010-09-18

Day 4—-Part 5(西班牙塞維爾->直布羅陀->西班牙太陽海岸區)

係Mijas番落黎之後….就直衝去太陽海岸區~我本身幾期待….因為上次去哥時覺得個沙灘好靚!!!不過今次黎到呢區都已經日落喇…上一次有成個下晝俾我地玩……呢個係我地間酒店望出去既景觀..都幾靚既~

一望出去就係沙灘喇~




呢個係我地酒店個泳池…不過都無福消受(其實我係唔識游水…哈哈)……同個海灘雖然都好近….行出酒店唔使兩分鐘就會踩到d沙…比上次黎住哥間酒店仲近個沙灘….不過上次間酒店靚好多架…附近仲有超多鋪頭仔賣野….

真係行出黎……兩分鐘就到………..仲近過落7-11買野….

由沙灘影番過去…呢間係我地間酒店….外型好似d宿舍咁

日落時既沙灘都仲係好靚…不過我上次黎哥個原來唔係呢個…..我上次黎哥個海岸線好Q長架!!!!靚好多好多tim…我諗個太陽海岸區真係好大

去到另外一邊海灘…..都唔係咁大….

咁淺水都釣到魚既咩???????????????

到左夜晚八點….佢終於都肯去日落喇~

不過我發現呢個地方都幾多飛機飛過架喎~



行完一陣海灘就番去酒店食飯…呢晚係食自助餐……唔…都ok既

就係呢晚….我地就同某部份既團友仔開始熟絡喇~~大家同一張(木台)食飯….開始傾計~仲傾左個幾鐘~~哈哈~諗起當時都覺開心~



呢個係酒店既西班牙海鮮燴飯….不過三筒話呢個唔係正宗既

難得個廚師見我地影有個女人攞緊飯佢都即刻叫停佢…等我地影埋先~

咁就梗係乜都影左先啦~~



之後食飽飯見到有對新人….我地偷偷地睇…佢見到我地叫我地過去影相….個新娘仲幾靚架…….笑得超開心同我地影相…不過一影完…個新娘即刻變臉…

一轉背就即刻黑口黑面…..超驚~~得我同二姊姊見到咋~(二姊姊就係高哥位著人字拖既姐姐)呢件事之後同d團友笑左好耐~~~~~







不過今日一番到屋企….

媽媽一開門就同我講：唉….我好唔開心呀

原來今日又為左搞大陸銀行d野….

係澳門政府部門同律師樓搞d文件…..

搞黎搞去…..得個吉

搞到佢好悶覺得好煩又攰…..

好慘呀:[…..佢唔開心….我都有d唔開心….

跟住毛寶又有d唔開心野….佢唔開心….所以我都有d唔開心………..