法國瑞士塵世美之旅2012-06-01~02第十四十五天(陰天)

好野~~~~本身今日番工形勢有d險峻~~個個放哂假~幸好都算順利~~係等北區d野遲左少少收工~對我黎講今日已算圓滿結束…..不過我都係想講：其實我都算忍左你好耐….叫做想好黎好去…不過你反而將我當工人真係火都黎(下次再有…決定唔忍)……………….噚晚諗住咁得閒可以覆番哂d留言架嘛….點知yahoo個伺服器一壞….就壞左成晚…..留言回應都做唔到…唉~…….今晚好乖無出街食飯呀~好健康~~~~~(同埋我要出埋最後一篇塵世美blog嘛~)………..聽天氣報告講今晚有藍色月亮喎~天氣女郎後加一句：記得同你心愛既人一齊去睇喇~~~~華~~好浪漫~~(就咁聽完都發哂花癲~~)



2012-06-01~02
Day 14 &15(瑞士Lenzburg->蘇黎世Zurich->香港->澳門)我整架我整架~~~靚唔靚呀~~~~食飽飽早餐~要出發去機場囉~~~~~

哈哈~公子們又扮野~~不過搬行李上火車都幾辛苦~~因為佢d級好高呢~~終於到了要離開瑞士…離開Lenzburg既一刻喇~~好唔捨得呢~

由Lenzburg出發….去到蘇黎世Zurich火車站轉車…..再去到蘇黎世國際機場….大約一個幾鐘~超似d商場……不過我覺得機場既指示唔算太清晰囉……

check左in之後我地就去食野…..順帶一提….最好出發之前自己上網揀左位先喇..我地已經講明想四個人一齊坐….但都係兩個兩個咁樣分開….仲有一程麥公子同凱公子都要單獨坐……sad呀……..去一間睇落四四正正既餐廳食番餐…平時係機場都好少會咁做~因為我地公數仲有淨~咁就去開心下啦~

環境都幾唔錯的~對住停機坪食~

到臨走時食既最後一餐飯…先有得一人一支可樂~;]..不過我覺得…唔係幾好飲~

叫左個Insalata verde沙律食….成CHF7.5=63.8hkd….得哥幾塊菜..少左d喎….

仲有叫左個pizza~Pizza Calzone~CHF19=161.5hkd~~呢個好鬼大個好得意呀~~~未食過個pizza咁既樣架~~其實佢將成個圓形pizza摺埋佢咋…不過好似新年d角仔呀~~~個pizza又幾抵喎~~我見其他人一人叫一個囉..點食呀咁大個~~~~

我自知自己個樣呢日有d殘架喇….長途機嘛…點化妝jei~~~~~~~但我仍勇於面對鏡頭~淨係咁都值得加分啦~~~:P



切開佢~~~都好多料下架~~~~最搞笑就係佢個pizza用d醬整左意大利國旗~~

仲叫左個Risotto con pomodori secchi e gamberi食~很正呢~CHF24=204hkd

食飽飽就入閘了~華~佢係自己bit boarding pass就入得禁區喇~好方便呢~

有沒有一點像香港機場?

我地1535就要登機囉~搭阿聯酋航空Emirates EK0088由蘇黎世飛去杜拜…航機類型係BOEING777-300ER……都幾舒服喎~可惜只搭6小時~

再見了~~~~擁有塵世美的瑞士~~~~~~~我覺得瑞士既空氣真係好清新~

Welcome drink我還自備一包jagabee小食~飲菠蘿汁開場~毛寶叫我唔好飲咁多~睇住濕熱喎~(好慘呀麥公子同凱公子同我地分開左坐~)

中午放飯好似係食咖哩雞的~我又開始唔客氣地飲酒~仲要係7-up溝紅酒~自制特飲~

呢程係下午機~無咩訓~用哂六個鐘睇戲~睇左失戀33天：好睇~好笑~……..Tower Heist：睇在係ben stiller做我先睇~不過不失~……..情迷夢露7天：睇完我唔知阿夢露….想點…………………………

睇左三套戲話咁快就到左杜拜lu~

應該轉機等左三個幾鐘度~好眼訓~0305再登機~EK 0384….今次機種係A380這隻巨無霸呀~~~~~~~我終於坐到喇~~仲要係幾長下~~~計埋停泰國一個鐘(唔使落機)….一共10小時……坐16個鐘真係人都癩~~~~~~~~隻機係長就長d….不過座位大左唔關我地d經濟客位事………我地由於無網上揀位..好位一早俾人揀哂….好彩我同到毛寶一齊坐…不過我地係坐中間四人一排哥d…仲要係中間兩個!!!!!!!癲的!!!佢地兩個要自己一個坐…仲要隔超遠!!!

之後慘喇…..d人上哂機….本身已經離開停機坪…..點知一陣就番番去!!!機長話engine有問題…….engineer話要90分鐘先可以搶收到喎…..即係….delay….個半鐘…….個半鐘之後….機長又開咪…話engineer話….需要another 90 mins搶收喎!!!!華!!!火都黎!!!!唔係隻機check好先放人上既咩?仲要開出左停機坪先知有事???前前後後…..delay左…..3小時……..之後又要等排隊升空…又用多…..半個鐘….本身三點飛仲係黑夜….最後等到天都光齊….六點半先飛!!!你話慘唔慘???仲要80個人既機倉….得兩個廁所…..超多人排隊!!!!真係好慘….我地本身番到香港係下午五點…有得搭機場船….delay 3個半鐘….即係八點半先番到去……………..最後一班船係十點半….即係我地最遲九點半要去到counter買飛!!



去廁所排隊時偷影的….大無用架…大都係大係d有錢人度咋….睇下人地d酒櫃…..商務同頭等係哂樓上!!!!所以我地今次終於可以坐到最前喇….不過都係經濟位….

我地好慘…但最慘係d空服員…因為delay關係…佢地狂俾d客問幾時飛??有d仲鬧佢地…不過都唔關佢地事架…又唔係佢地整壞部機….又唔係佢地負責維修…佢地同我地聽d廣播都係一樣je……佢地都好慘啦…對佢地黎講咪即係ot….我地雖然delay唔開心…不過我地都係要求要左兩個杯麵醫肚~有個客仲喊到個身震哂….要求落機…..不過佢落左機半個鐘…就起得飛~



早餐….Creamy Mushroom omelette~食左咁多日西餐~真係己經驚驚地~

之後係泰國停一個鐘d人落機…再接其他客上機…我地唔使落機….點知…..有個客話唔見左野…….全部空服員又係度搵…..成隻A380搵…..搵左個幾鐘….先再放客上黎….等d客坐定…….起飛…….又delay左個幾兩個鐘……emirates….你玩哂喇今次…我地成夜晚十點先番到香港(本身下午五點)….你諗下我地delay左幾耐……一程十個鐘既機…..用十五個鐘先番到去….真係火都黎……加埋之前哥六個鐘….我一共有成22個鐘係隻機度….真係坐足成日!!!!!!!!!!!!!!!!!!!!!!!!!!!!!!!!!!!!!!之前兩位公子黎哥程既A380已經又係engine有問題delay左3個鐘….番黎仲衰….delay左5個鐘……番左黎之後都有新聞報emirates既A380好多野壞……..又話起落架有問題….d乘客驚到喊…..所以我以後都唔想再搭阿聯酋航空既A380!!!!(我懷疑佢係得一隻A380)….最慘係…我地無機場船番澳門…又要自己搬行李出港澳碼頭!!!!超慘!!!!!!!!!!!!!!!!!!!!!!!!!



今次旅程最後一餐飛機餐…..Stir fried chicken with soya sauce….帶點中式味~又估唔到幾好味~

呢程機又睇左四套戲…..勁抽福祿壽：無聊野~俾錢睇會喊……Mission Impossible 4：正~之前係戲院睇過~要重溫~~~…….神探福爾摩斯 詭影遊戲：無得頂~兩集我都係戲院睇~~熱愛福爾摩斯~~~~~因為佢係Robert Downey Jr.做~~~超鐘意超鐘意佢~~~因為佢好賴皮~~好好笑~~其實我都好鐘意佢既外型~~~好man呀~~~~……最後仲有睇左一半既夏日樂悠悠：angelababy同彭于晏做….垃圾到無朋友…..睇左一半都唔想再睇~Emirates既A380好唔得….但佢既娛樂系統真係頂瓜瓜~好多新戲睇~又多類型~~我今次四程機就睇左11套戲~~~~~~



總結：
1.今次既使費：機票6146hkd+法國民宿6晚(€810/4=€202.5)2025hkd+法國落瑞士TGV車飛[因有3張特價一張正價所以全部加埋除4—(897hkd+909hkd+909hkd+1150hkd)/4]966.3hkd+瑞士民宿5晚(CHF800/4=CHF200)1700hkd+上少女峰前一晚酒店(CHF285/4=CHF71.3)605.7hkd+Paris meseum pass 4 days(€54)540hkd+巴黎交通飲食購物使費6000hkd+瑞士4  days swiss pass半價(CHF113)960hkd+1/2 pass(CHF110
)935hkd+瑞士交通飲食購物使費8000hkd=27878hkd(15天大約使費係咁多)
2.呢兩個地方都係比乾燥更乾燥既地方~最好有幾多護膚品帶幾多護膚品去~仲有帶d磨沙去磨下塊面d死皮!!
3.去到法國真係要做石歧婆….唔好扮有型咁將d袋孭去後面…你會後悔的
4.Emirates airline既A380….我真係以後都唔敢坐!!
5.其實巴黎人無我想像咁冷漠喎~我都遇上幾個好心人主動幫忙~
6.千祈千祈一定記得係巴黎坐任何櫈之前都睇清楚有無雀屎先好坐!!!!!!!!!!
7.同埋巴黎條街d狗屎都係多到你唔信….睇清楚先好行~
8.yahoo天氣對預測瑞士同巴黎兩個地方都幾準!!可以參考~
9.記得喎~搭emirate係杜拜轉機超過4小時或以上就攞住你哥兩張機票去一樓既information攞免費meal voucher食野喇~
10.少女峰真係好凍呀….可以既話係出發之前買定d朱古力補充體力~blog友教的~
11.好重要呀…上雪山記得要戴黑超呀!!!如果唔係實俾反射光射到咩都睇唔到呀!!….仲有唔好相信UGG幫你行路順暢~動作要慢~唔好懶醒跑同行快~
12.第一次寫50篇既長遊記:]…雖然都幾辛苦~不過都值得的~我好唔捨得完結~就好似寫完一個長篇連續劇~終於要完結了~多謝由頭睇落尾的觀眾~

~The End~





今次個遊記大拿拿寫左成50篇….
歷黎最長!!!!
亦係最多字….
寫得最耐….
由6月10日出第一篇…..
到依家最段一篇….8月31日…
寫左差唔多三個月~點解我咁想今日出最後一篇?
因為寫完岩岩好代表暑假放完~
希望下個禮拜開始有好日子過~
如果你地真係睇足50篇….我真係好多謝你地咁俾面~
我真係又長氣又盛~
不過寫低個遊記都好既~因為我第日自己都可以係度搵番d資料~
雖然寫遊記其實真係好辛苦…好多字打…好多資料要睇番…
不過滿足感都好大~
希望大家都enjoy我d遊記啦~
有機會下次再寫~(其實下一次咪十月囉~)
呢個月暫時寫番d生活記事先~(b
希望大家都多多黎睇啦:]



報時：距離六公子出使韓國之旅仲有—-28日~
報時：距離東歐六國文化之旅仲有—-45日~
要寫一寫低去韓國買咩好喇~
我怕買漏呢~~~~~好興奮呢~~~~~