法國瑞士塵世美之旅2012-05-30第十二天Part 1(晴天)

睬~~~噚晚係AIA小泉等朗仔放工上堂時頭暈到不得了……晚飯都無食過……….上完堂番屋企又係咁嘔…………………我挺佩服自己~差唔多十二個鐘無食野仲有野嘔……..又食藥訓….又係心臟狂跳…….BingLingPangLan咁跳…….到四點幾又痛醒……起身…嘔….六點幾又單拖上山頂……..從未試過……成個公立醫院急症室侯診人數得我一個…….可能放暑假又唔係星期一卦….醫生超細心幫我睇….由分流到睇完其實只係用左10分鐘……不過醫生一句：你嘔呀又食唔到野我唔放心你走呀…………….叫我驗血同打止嘔針…等左兩個鐘先有報告….期間佢有叫我一次入去睇下我有無再嘔(真係挺細心)….我只係回答佢：下…其實我係出面恰著左……..連醫生都忍笑…….之後出左報告話我嘔到缺咩鉀離子….叫我好好休息兩天…..仲開埋止痛消炎補鉀藥…..仲要開埋電解質沖劑我飲….林醫生….多謝你的細心~……..我諗我真係要試下杭菊沖水療法……..



2012-05-30
Day 12—-Part 1(瑞士Lenzburg->伯恩Bern)乖乖的我最早起床~為公子們準備好味的早餐~~~(有芝士同火腿夾架~)

食飽飽早餐就出發喇~~今日去瑞士既首都伯恩(Bern)~(其實我一直以為首都係蘇黎世呢:P)….伯恩規定所有建築物都用紅褐色的磚瓦屋頂….保存到呢個城市有中世紀既面貌….1983年伯恩既舊市區仲俾聯合國教科文組織確認為世界遺產!!

黎到呢個地方除左要欣賞佢d建築物之外…..仲有一樣野要睇~~就係佢地係路中心有好多噴泉架~~~仲要個個都起得好靚~~~~好搞笑~佢呢度又多電車…..而d噴泉偏偏又起係路中心~d電車都要跨過佢地行~我地呢日就不停咁集郵~不過影時小心d~因為佢d電車好多好密的~

伯恩另一樣出名既地標仲有呢個鐘塔(Zeitglockenturm)…..旅遊書寫整點既時候會有雞鳴…有人偶出黎…..好鬼吸引咁~這是鐘塔的背面~

其實我覺得呢個噴泉個公仔好恐怖….因為佢食緊個小朋友入口….

跟住見到有賣longchamp既鋪頭~d女仔衝哂入去買袋~明明longchamp係法國牌子..我同毛寶去法國時都無睇真係…..蠢呀!!我都買左一個俾自己….一個送俾媽咪~好似七百幾八百蚊一個????唔記得~聽麥公子講都平話係香港同台灣買~



無用~買完野就手軟腳軟叫肚餓~又搵野食先~~~~~

無睇旅遊書架….自己見到四四正正就坐入去食~



仲叫左杯啤酒飲~係咪黑啤呀???幾好飲喎~CHF4.5=38.3hkd~價錢正常~

先來一個Winzer-Roschti…….好似好勁咁喎!!!!!!!!

原來就好似我地第一日食哥個薯絲煎餅咁呀!!!今次仲有兩隻太陽蛋~~~仲有火腿~~~~蛋黃溝埋落薯絲煎餅度好好味呀~~~~~~~~~~~~~~~~~~~~我諗瑞士真係好鐘意食呢個~~~我都好鐘意食呀~~~~~CHF21.5=182.8hkd~~~

跟住仲有鄉土菜~伯恩大盤(Berner Teller)~CHF26.5=225.3hkd…..咩都有d~公子們唔係咁欣賞….有d唔同既腸呀~肉呀~酸菜呀~仲有舊牛骨髓~佢地都唔鐘意食牛骨髓….話好似肥豬肉~我就覺得幾好味~黎到都要試下d特式菜的~雖然味道不如自己心想~不過體會下當地風味~才是重點~:]

愉快的一餐~:]

兩個主菜share黎食…超飽~加一杯啤油~食左CHF52.5=446.3hkd~今餐算幾平喎~原來自己撞彩搵餐廳都搵到好野的~:]

講番噚晚學化妝既情況先~
好好玩呀~
好開心~
ceci教得好用心~(其實就係幫杯化結婚妝既子慧~)
9個女仔~都分配得好好~
噚晚上堂佢講解完一輪…
話要搵一位同學做模特兒….
我話：咁哥位同學咪無得自己化囉?
ceci：唔會….所以我淨係化佢一半面架咋~另外哥半佢自己實習~
我：^^&$^#咁咪陰陽面囉~~好醜呀~~wakakaka~
ceci：好啦~咁我地就請tiffany做我地今堂既model啦~
………………………………………………..
於是我就做左哥個陰陽面既人………….
哈哈~~
化左一半上左粉之後(由於我無帶眼鏡睇唔到)…
朗仔貞仔佢地話：好貼好犀利呀~開始變靚女喇~
我：下~真既(我”另”轉頭問佢地)
因為我一”另”過去….佢地就睇埋我另一邊無化到既面…
朗貞芝：你都係”另”番過去啦…(笑)
哈哈~用一半黎做比對又真係發覺差別好大~
亦都好好笑~
第一堂就教哂大家化好個底….畫眉….打陰影…highlight…胭脂
我有影相~不過留番四堂學哂先post啦~
大家唔好嚇親喎~哈哈~



其實我噚晚發夢….
自己個頭好痛…然後上山頂睇醫生…
仲突然好驚話：死喇…我唔記得打番去話俾老細知請病假呀!
所以今朝我好記得…
一定要同老細講我請病假!!
之後睇完醫生番屋企食完粥再訓..
又發夢話我講錯野…俾個客話我係賤人..
超驚咁又醒左…來來去去…我發d夢全部圍繞公司的..
你睇我幾咁愛公司~



報時：距離六公子出使韓國之旅仲有—-38日~
報時：距離東歐六國文化之旅仲有—-55日~