法國瑞士塵世美之旅2012-05-28第十天Part 2(晴天)

好煩呀……煩到我同我阿媽哥件事仲未解決到…………………..搞到我噚晚都訓唔好….個頭又實實地…….搞黎搞去都搞唔好….最後結果都係……要我同我阿媽親身飛番過去搞…..火都黎!!!!!!!!!!!!!!!!!!!!!!!!!!!!!!唉…………………唯有依家諗定去到….有d咩可以順便玩下輕鬆下啦……….好想快d解決……呢年事已經煩左半年……………今日星期五…..去睇番套荒失失奇兵輕鬆下先~:]…………..希望在明天~今年希望搞得番掂~



2012-05-28
Day 10—-Part 2(瑞士Lenzburg->因特拉根Interlaken Ost->格林戴爾華德Grindelwal)放低行李就跑出去搵野食喇~係行去搵我地想食既哥間餐廳…..華~好靚呀~好飄零燕feel~遍地的小花~

毛寶影的小花花~靚~

見到呢個靚景~有邊個唔想唱：your-the-your-the-le-he-who   le-he-who-de-your-who-who~~~~~~~~~~~~~~~~~迷途迷途孤燕~~~

救命呀~~~~~~條斜路好斜呀~~~~~~~~~~~~~

見到超細粒公子嗎??



點知行到落去…..發現想食哥間酒店因為呢日係公眾假期休息….(咁都得???)…又要行番上條長命斜~~~~~~~~~~最後我地發現我地酒店對面間酒店都有得食…..傻仔一堆~

估到我地食咩嘛???????????????????無錯喇~~我地今日食特色餐~~芝士火鍋~~



我地叫左兩個唔同既~一個係配麵包……另一個係配薯仔的………而兩個煲既芝士味都有唔同~~一個比較鹹同有酒味d~一個就比較淡d~

配的薯仔好好吃呢~~~不過會好漏和飽~

因為漏而食的酸瓜類~~~真係好酸呢XD

開始食既時候好過癮….不過之後食黎食去都係麵包or薯仔or薯仔or麵包既情況下……已經唔想食…….平均一個芝士火鍋大約CHF25=212.5hkd一個~叫左兩個四份~

原來佢地瑞士人傳統食芝士火鍋時要有禮貌的…唔準用支叉係火鍋度了黎了去….仲有如果你叉上既食物倒左落鍋度咁你就要請大家飲一支葡萄酒了~~~我地試過~好難唔跌喎~



係食到有d漏既情況下無再食~~~不過叫做係瑞士呢個地方食過他們很有特色的芝士火鍋~~~~

過左兩點鐘終於可以攞房喇~~我地訂既係Hotel Central Wolter-Grindelwald四人房…..其實都係兩間房~中間有個廁所相連兩間房~CHF285=2422.5hkd……即係每人大約605hkd一晚~都ok啦算~我地係自己上網係www.booking.com度book架~不過唔係我搵~

房間露台仲可以望到雪山呢~

好~擺低d野再出發~第一樣想做既野就係~~去行冰河!!!個冰河叫上格林戴爾華德冰河(Oberer Grindelwald Gletscher)~~~大家很叻的搵到巴士去到公園入口(我地間酒店俾左張一日任搭巴士票俾我地…不過現場所見….無人查飛…)…..睇睇個地圖先…..經過上次係挪威睇過某個冰河之後~~就好愛冰河~~太靚喇~~藍藍的顏色~所以出發前知道去瑞士都有得睇另一個冰河既時候真係好開心~

但係一睇個公園指示牌第一個景點上格林戴爾華德冰河(Oberer Grindelwald Gletscher)………closed?!?!!?!!?!?!?!?!?!?好驚呀!?!?!?!?!



有張小圖就係展示緊冰河面貌~左邊係好耐之前….右邊就係依家既狀況…..個冰河只會越行越後…..應該同溫室效應有關…..我地太想睇….見有人無理指示牌…..照行入去…於是我地都跟入!!!!!

華….好荒蕪呀……..指示牌又唔清楚…..不過上次挪威哥個都係咁…無有怕!!照行!!

真係行得好辛苦!!!!!好斜!!!!癲架!!!!!行冰河真係要趁後生行!!!!崎嶇不平既山路…..攞命呀!!!!

你睇…我行最尾喇已經…………….



越行越唔對路……………………越行上山越荒蕪………..睇完上一張圖……下一張圖介紹我地放棄落山………………..因為天氣好黑…好似想落雨…如果一落大雨…..又要落斜山路會好危險…..加上佢指示牌又唔清楚…..怕迷路……而且越黎越難行…..而佢入口個牌都寫closed咯……..都係放棄啦~~~~大約行左30分鐘度~~~當係健行啦下~~~~(可以講今次係敗走~)

本身諗住今年十月頭去完韓國….十月中攞左假同媽咪去南非的~可惜直至現在….佢都未出到價目表…旅行社哥個人話南非今年好難出….就算係暑假交哂錢都出唔到要退番…..就係咁….我地上兩個禮拜開始搵定後路
睇下有無其他團…..研究左兩三日..都發現好多團同我攞既哥幾日假都係唔岩時間..有可能要攞多一日先去到….就俾我睇到一個特價全包團(包埋導遊費同燃油附加費)….又同我攞既哥幾日假d時間岩岩好~~~上兩個禮拜叫媽咪去問下…點知原來特價就係做到問既哥日咋!!就係咁…….我地已經落左訂~舊年去北歐的原班人馬~出發去—-東歐六國(匈牙利…克羅地亞…斯洛文尼亞…奧地利…斯洛伐克…捷克…德國)~但數過明明係七國喎….算啦~唔知點解….一年去兩次歐洲…….(話就話唔知點解…其實內心暗喜~)其實係因為呢個團係大旅行社出..又係平團..先會去~所以又多番個報時器喇~

報時：距離六公子出使韓國之旅仲有—-49日~報時：距離東歐六國文化之旅仲有—-66日~