法國瑞士塵世美之旅2012-05-31第十三天Part 2(晴天)

華~~~~~今日好開心呀~~~~~~我呢兩個禮拜都好忙懶唔得閒咁~~~有連續一個禮拜無係屋企食飯~~~~今日放工就可以跑番屋企食飯~食飽飯摸下個電腦~都幾嘆~~~~~~雖然今日中午真係好多野做到令人好不耐煩~~不過~~唔經唔覺又到左星期四喇~~聽日就係星期五喇~yeah~~~~~~~~~~~~~~~~~~~今日係麥公子Crystal的生日呀~~~~祝麥公子：福如東海~壽比南山~一年比一年帥氣~~~七公子萬歲~~~~~~仲有今日都係仔van的生日呀~祝仔van：生日快樂樂~身體健康康~~~~~~~~~~~~~



2012-05-31
Day 13—-Part 2(瑞士Lenzburg->列支敦士登Liechtenstein)睇完一輪靚郵票之後~我地就去番大街度搵間餐廳食飯~

叫左個Tonno既pasta食~CHF20.4=173.4hkd~都ok~

仲有一個Hawaii既pizza~~CHF20.4=173.4hkd~~好味~

食左CHF40.8=346.8hkd~~我地都算慳錢~

heheheh~~係餐廳食飽飯仲有寫postcard~~~我好鐘意佢呢度既postcard呀~~因為除左張card之外……係有風景哥一面佢有多個同postcard相關既郵票係度架~~~好特別呢~~呢張係列支敦士登國旗~~~囉jer都話鐘意~

寫完就寄埋佢囉~有d郵票愛好者既朋友仔都有收到我從列支敦士登寄來的postcard~

跟住同埋闊仔去埋旅遊服務中心樓上的郵票博物館(Briefmarken Museum)逛逛~

有好多郵票睇~又有介紹整郵票既版~

如果係好鐘意好鐘意郵票既人都值得一睇既~橫掂係唔使錢的~



小盒專登用黎放郵票既?!?!?!?!?!

hey~點解你可以咁諧趣呢?

睇完都差唔多想打道回府喇~現場所見~都幾多靚車咁囉~

等緊巴士番瑞士時~跑前影的一個教堂~:p……其實旅遊書仲有介紹首都瓦土茲(Vaduz)有其他野行既…有葡萄園呀…城堡呀…美術館呀~不過我地都無行~~因為~~我最主要既目的…..係要黎呢度…..寄一封信~又坐番12E巴士番到去瑞士既Sargans火車站~再轉火車番Lenzburg~

呢一日係瑞士玩既最後一日~呢餐係瑞士既最後一餐晚餐~~~~哈哈~~食埋最後一個杯麵~唔想帶走~~係呢度超市買既蔬果都幾新鮮的~我每天都有吃菜~睇下幾乖~

番民宿前又行左轉coop超市~~~~~見最後一晚~~~瘋了似的買左四個味黎試~~~大滿足呢~~~~~(放心~係最細哥個size~)

前日…..
朝早有人打黎…
話係DHL送野俾我…….
仲話我留既哥個電話XXXXXXX9…係錯既..
係哥個人同佢講我個電話係XXXXXXX4(我同佢頭哥七個數字一樣~)
好彩咋~~~~~~~因為XXXXXXX9哥個人係我識既~
我開頭諗緊寄d咩俾我…原本係TGV寄左巴黎去里昂既來回車飛俾我~
又幾準時喎~真係八至九日度寄到黎~
不過我一打開封野….好明顯我無寫錯電話…
係佢d歐洲人字體同我地有異…將個4字寫到好似9字咁~
等我以為我自己咁戇居留錯第二個人既號碼~~
真係好彩佢係寫錯個9字~如果寫錯第二d我唔識既人都唔知點算~
其實重點除左好好彩之外我係想講：
就係咁~我收左我人生中..
第一次速遞~~~~(係咪好無聊~)



噚晚上埋最後一堂化妝班喇~~
好好玩呢~~我好唔捨得呀~~~~
噚晚個妝係我最滿意既一次~
發覺隻眼原來可以變到咁大都幾唔錯喎~~~
噚晚上堂仲上到十一點半~~~~
如果再有進階班~我會再報~~~~



今日有個傻傻地既客…
幫佢做緊d手續時…..已經不停咁問d九唔搭八既野….
客：你係做緊part-time呀可…
我：下!??!?!?!唔係呀……點解咁問?
客：你咁後生唔係做緊part-time咩?
我：下…唔係呀長工喎…..我唔後生喇喎…
客：你咁後生唔係讀緊書既學生妹黎既咩????
(以~~~~~~好衰架~~~~兜個圈話人地後生既~~~~~~~)



預告：聽日就係塵世美既最後一篇喇~
請大家多多支持呀;D



報時：距離六公子出使韓國之旅仲有—-29日~
報時：距離東歐六國文化之旅仲有—-46日~
去韓國有好多野要買呀~~~~~好多化妝既野我都想買呀~~~
點算呀~~~~~我怕我個大gip都唔夠大呀~~~~~~