法國瑞士塵世美之旅2012-05-29第十一天Part 4(晴天)

本身諗住星期六過香港….驚佢岩岩打完風唔好天….無過….點知又鬼死咁好天喎~星期六：去試左間新既越南野食~超抵~….乖乖的學ukulele~姐姐有意無意暗示話佢將佢識既教哂我地…..係咪想叫我地唔好再學呢?…跟住番屋企book法國d野~….再出去食野..見艾菲兒唔多人~~即食~~~正~~~再去睇埋低俗喜劇~~杜汶澤同鄭中基都笑屎我~牛歡喜哥段簡直令人難忘~~~跟住當晚發左瘟….朝早六點半先訓~~~~…………星期日：傻傻地朝早六點半先訓…..十一點半又學人起身~去左食AIA小泉~番屋企坐陣~再出去買仔van份生日禮物~再同佢食埋生日飯~~開心~…………………..不過今日一起身….喉嚨好痛….跟住個頭又好痛……….我係咪感冒起喇?…點知今日中午要開ot….晏覺都無得訓…………..今日我番工講錯左d野……….我真係覺得自己錯了….內疚中…………………………………..



2012-05-29
Day 11—-Part 4(格林戴爾華德Grindelwald->Kleine Scheidegg->少女峰Jungfraujoch->Lenzburg)上回講到我地出左去好凍好凍既普拉特露台影相…..凍到公子們有氣無訂抖~轉頭一望….驚見怪異畫面…個鬼佬…..短衫短褲上黎零下六度….又勁大風既少女峰?????好恐怖呀…..有無咁熱呀??????睇下岩岩個天俾風吹到無左藍天……佢完全面不改容..好恐怖呀真係….

我地扮影相黎偷影佢…會唔會太著跡???見到佢既衣著…我有d想嘔……….(因為太凍..)




0我~又轉晴喇~幫老細影番張靚天靚雪山既先~

我都黎一張大地在我腳下先~

四位公子的美麗大合照~(由一對香港情侶幫我地影架~)

v read~唔知點解對住如此美景…都好似係要打開對手影~:P

黎到普拉特露台一定要和這個地標瑞士旗幟影相留念呀~我們戰勝了少女峰~也克服了高山症呢~可喜可賀~(睇下大風到吹到我個頭幾亂~)

唔得呀~~雖然係好靚~~~不過真係好凍呀~~~~拜拜~普拉特露台~我想回室內呀~(流鼻涕中~)…..毛寶話幫我地三個影手時露隻手出黎好似就黎凍到甩咁……

睇下我地隻手俾d風吹到幾老~~~我唔會講我係邊隻手架~~~~我唔知呢張可唔可以曝光架~~~~可以睇既話快d睇喇~~~~~~可能隨時消失呀~~~~

行番入室內~暖番少少~~行下紀念品店~~~好大個牛鈴呢~~~~毛寶的演繹也很生鬼~

本身我好想買左邊呢個磁石架…因為今年係少女峰鐵路一百週年….呢個磁石就係一百週年既紀念磁石喇….我不得不承認我好姑寒….因為舊野百幾蚊….我唔捨得買;[….百幾蚊買舊磁石喎…..你買唔買先??

少女峰的一餐午餐~這是四人份的…食到好飽……我記得就唔算太貴……正常既瑞士價!!….不過味道都算ok既……..由於之前太肚餓由地下層跑上二樓食野…..點知就係呢跑一跑….我開始頭暈…..暈….暈………上到山真係千祈唔好大動作!!!千祈唔好跑呀!!!!!!

仲有唔好唔記得做一件事!!!!!上到黎少女峰….記得要寄張postcard番屋企呀!!!!!!因為呢度有個全世界最高既郵筒~~~~~有無發現呢個係日本既郵筒黎架???係為左紀念少女峰車站同日本五合目郵局結為姊妹而設架~~~係世界最高點寄一封信~~好浪漫呢~可惜我係自己寄俾自己~~~同埋寄左張俾媽媽~

不過有一樣野我地真係唔記得左做….就係佢有一d紀念章可以吸係postcard上面架…我地竟然無咁做!!!!!天呀~~~~~~點解我會咁大意架?????

寄完信就落山喇~~~落山過程我個頭超暈…唔理咁多….訓足兩個幾鐘…….訓醒落到山…..又咩事都無~

坐兩個幾鐘車落到Grindelwald……跟住再要坐兩個幾鐘車番Lenzburg…..預計番到民宿都差唔多七點幾……於是買定三文治做晚餐….有無留意到個牌子係coop??咪係我地民宿對面哥間超市個名囉~應該就係類似我地既百佳牌咁~~~~不過佢coop呢個牌子出d野都幾好味仲幾平….尤其係我地朝早食哥d乳酪呀~~超正~價錢又平d喎~~~所以我地成日幫襯百佳牌的~~~呢個三文治未番到民宿…..係火車上已經俾我消滅左~

番到Lenzburg七點半….超市收八點~~岩岩好~~~衝入去掃下朱古力做手信先~呢d係又平又好味既手信呢~~~~超喜愛藍色版的三角朱古力~~~~

呢日正式同屋主佢地一齊住喇~~有d尷尬~~不過佢成日係房~~都好d~~~





真係唔讚我唔得~~
星期六的起心肝……
學完ukulele番屋企book去完東歐留係法國搞麻煩野哥幾日酒店…
手都震埋….因為未試過….
上網交易咁多$$(其實又唔係好多..不過真係未試過~)
求毛寶坐我隔離睇住我book(好似有佢望住安心d~)
book左四晚巴黎酒店….一晚里昂酒店(唔知點解死都要去行下)
來回巴黎至里昂來回車飛…..四點幾搞到七點幾…
華….好驚呀book咁多野…一來驚book錯…
二來又….呢六日得我一個人諗野…睇地圖都係….
真係荒失失喇今次…..如果今次全部野順利哂
之後又真係無咩可以再驚….要加油呀~



星期六晚……
睇完一輪線上漫畫聖哥傳之後….
之前睇到布志綸個妹講佢岩岩重溫左一次”起勢搖滾”
搞到我都想睇多次~~(好似我已經睇左四次~)
好開心咁睇完….由於佢最後係播佢地第二個演唱會既片段..
搞到我不得不重溫一次concert 02-People Sing For People~
因為係一個套餐：睇完起勢搖滾…就想睇埋演唱會….
好正~所以就六點半先訓~
我想講….我前晚又發夢我可以同到布志綸頭貼頭溫溫馨….
影左好多張合照……………………………………………..幾時先成真?



星期日朝早無線播哥套日劇”契爸唔易做”幾好睇喎~
講一個男人…..佢好朋友死左之後
為左唔想佢好朋友對仔女俾其他親戚照顧而分開…
所以無條件咁照顧呢對無血緣既小姊弟…
對姊弟超可愛….姐姐叫笹倉薰….弟弟叫笹倉友樹..
笹倉薰笑得超甜美的~~真係好可愛…
套劇都幾感人同溫馨~~~
我覺得個男主角真係幾好~~
呢種有承擔既男人原來都幾吸引人~搞到我今日睇流左滴眼淚~



好喇~~
今日超多野講~
但我唔講住喇~
依家要去學化妝喇~
好緊張呢~~~~~~~~~~~~~~~~
等我匯報~(如果我提都唔提大家就唔好問我喇~)



報時：距離六公子出使韓國之旅仲有—-39日~(3字頭喇~)
報時：距離東歐六國文化之旅仲有—-56日~