2012-05-27
Day 9—-Part 2(瑞士Lenzburg->瑞士琉森Luzern)食完macaron行過對面既湖望下….跟住我問導遊：呢個係咩湖呀??唔係琉森湖嘛………….導遊望一望本書然後話：咁都俾你估中…係琉森湖(Vierwaldstatter see)呀~好似係瑞士….搵唔到唔靚既風景咁~
好靚呀個湖~~~平靜既湖面令人睇得好舒服呀~~~仲有好多好多既天鵝~~~仲唔怕人行到超近~~
跟住搵路食飯去~~~~~之前睇旅遊書揀左老瑞士屋(Old Swiss House)….地址：Lowenpl. 4…..網址：www.oldswisshouse.ch……….旅遊書既推介有嫩煎魚~仲有油炸乳酪~所以想去試下~
我地揀左室外用餐~懶外國feel咁~~~~外國feel既代價係…好曬呢~
由於攞住個餐牌唔係好知食咩…我地叫個經理物體既男人推介下…..佢推介左一味佢話係瑞士傳統特色菜：De-Luxe-Wienerschnitzel……睇完個名….我都估唔到係咩………..價值CHF56=476hkd………………經理推住小餐車過黎…..心諗好興奮~~即煮架~~唔知咩黎既呢……一睇哥塊白色野~我地估…係咪就係嫩煎魚呢?佢煮野既過程全程直擊報導!!!!呢個時候佢落左d牛油落鑊預熱……
跟將呢塊白雪雪既野放入芝士漿度…..沾滿成塊野…
之後再黎沾麵包糠或者炸粉既物體
再落鑊煎…..呢塊野加埋牛油……確係傳出過一朕香氣~
點知…………………………….平時食開係超市買番黎哥d一舊舊牛油…….佢本身哥舊仲大過超市哥d………………..佢竟然不停落不停落不停落………………..落左五分四舊牛油落去….好恐怖呀!!!!!!!!!!!!!!!!!!!!!!!!!!!!!!!!!!!!!!聞落簡直令人頭暈……同埋漏到有d想嘔!!!!!(我未食咋喎)……………..未食已經諗緊……….點食呀…..想嘔呀…佢仲攞d牛油同炸粉整左一堆好似鑊撈既物體係旁邊………………………………..唔係諗住叫我食下嘛?
唔知瑞士人有無膽固醇高呢樣野?????????食完隨時超標!!!!!!!!!!!!!!!!!
完成作…………………………………………..有一大塊野….然後有d意粉…意粉上哥堆就係頭先用牛油同炸粉整的………..原來鑊撈係愛黎俾我地伴意粉食的…………………………我食一口…..開估….呢舊係豬黎的………………………………………….我仲笑佢成塊豪大大豬扒咁…不過食落……………..超級鞋超級漏………………其實咪一舊茶餐廳既吉列豬扒…..豪大大都好味過佢呀!!!!!!!!!!!!!!!!!!!!!!!!(我本身已經覺得豪大大唔好食…)即係我俾差唔多五舊水港紙…….食一塊比豪大大還難吃的豬扒………………..還加送鑊撈………..最後我地係無乜食過舊豬……………………整開哂d鑊撈食d意粉…..p.s.意粉用牛油撈左……唔係想浪費…係真係食唔起….咁大舊牛油整我驚我食完即刻塞心肝!!!!!!真係火起…去瑞士叫野食小心叫到呢味!!!!!
除左呢個咁有特色既傳統菜之外…..我地另外叫左個餐…..CHF69=586.3hkd既餐(前菜+主菜+甜品)share……呢個正常得多~前菜揀左homemade cheese croquettes with fresh tomato sauce and salads……終於叫中左油炸乳酪黎食喇~~~~~好好味呀~~
主菜選了Boned fillets of pike-perch on ragout from asparagus and boiled potatoes….也叫中了嫩煎魚呢~~~~~~呢個都真係好吃喎!!!!
個餐好好味呀^^
見到哥碟傳統菜就激動死了!!
甜品揀了Swiss chocolate mousse….揀佢係因為餐牌寫住”a must!!”……真係幾香朱古力味…不過幾漏!!四個人食真係岩岩好…一個人我完全食唔到…..
呢餐飯我地叫左個傳統菜+一個餐四個人share食….就已經要CHF137=”1164hkd”!!!!….我地連野飲都無叫喇已經………….好貴呀………………………………後面有檯客…根據韓國通麥公子偷聽係韓國人….佢地一男一女………叫左兩個餐…..然後就叫一個主菜………..點食呀????我地四個人先一個餐加多個主菜…..都已經好飽……….好勁呀佢地…..(無論銀包定肚皮都係……………)
太心慌…食餐咁既野都要成千蚊………….食飽後跑去睇琉森名物：獅子紀念碑(Lowendenkmal)定定驚~係紀念某場戰爭全數陣亡既瑞士士兵…..被形容為”世界上最悲慘，打動人心靈的岩石”
毛寶影的小花永遠可愛~<3
唔唔~
我想講下….
我噚晚食既野….
就咁既…..噚晚我講左我番工番到好攰…
偏偏就係無飯食要自己煮…….
又唔想搞咁多野….又要自己洗番~
就走去碌左兩個蝦子麵當飯食….
但你知啦…..就咁兩個蝦子都好齋架嘛…
於是我一雞三味!!!!!!!
即係…..兩個蝦子麵……有三種不同吃法~(係咪好勁~)
大家見到有三款麵壁壘分明既….
上面哥隻就係傳統既蠔油撈麵….
右邊哥隻就係就係XO醬撈麵……
至於左邊哥隻….勁呀…..我落左一磚廖孖記既腐乳…加少少糖撈的~
廖孖記對我黎講有一種難以抗拒既吸引力…
想當年我有一次發燒…….
媽媽臨出街前留低一句：肚餓就食住磅包先…陣間番黎煮粥你食…唔準食熱氣野呀!!!
於是我ja住塊包入廚房倒杯水諗住食既時候…
發現雪櫃頂出玩一樽廖孖記腐乳….
天呀…我當時係幾咁想食…..手都震埋(因為已經戒左幾日口)…
於是……我夾兩磚腐乳出黎….
當佢係牛油咁查落塊磅包度…….落d糖….
起勢夾埋佢係咁食~~~~~超好味~~直頭好味過奶油包啦~~~
媽媽番黎仲問我有無乖~~
我答：梗係有啦~咪食左塊麵包囉~:P
我係咪好怪呀???我鐘意食一樣野既時候~就點都搵到野去襯佢黎食~
報時：距離六公子出使韓國之旅仲有—-52日~
沒有留言:
張貼留言